សន្តិសុខ - ការពារប្រទេស ការពារប្រទេស

11/12/2025 - 08:58

រួមកម្លាំងកសាងភូមិភាគគ្មានគ្រឿងញៀន

រយៈពេលកន្លង នគរបាលឃុំទ្រឿងខាញ់និងឃុំតឹងថាញ់ ទីក្រុងកឹងធើ ផ្សព្វផ្សាយព្រមៗគ្នានិងម៉ឺងម៉ាត់នូវដំណោះស្រាយជាច្រើន ដោយប្រមូលផ្តុំកម្លាំងនៃប្រព័ន្ធនយោបាយទាំងមូលនិងប្រជាជនរួមគ្នាកសាងភូមិភាគគ្មានគ្រឿងញៀន។

នគរបាលឃុំទ្រឿងខាញ់ តែងកោះហៅមុខសញ្ញាជាប់ពាក់ព័ន្ធនឹងគ្រឿងញៀន មកសាកសួរនិងអប់រំជាប្រចាំ។

សមមិត្តទ្រឿងហ្វាងង្វៀន អនុលេខាគណៈកម្មាធិការបក្ស ប្រធានគណៈកម្មាធិការប្រជាជនឃុំទ្រឿងខាញ់ មានប្រសាសន៍៖ ក្រោយពីបាននគរបាលទីក្រុងកឹងធើ ជ្រើសជាទីតាំងកសាងភូមិភាគគ្មានគ្រឿងញៀន គណៈកម្មាធិការបក្ស រដ្ឋអំណាចនិងកងកម្លាំងនគរបាលឃុំ បានម្ចាស់ការផ្សព្វផ្សាយអនុវត្តព្រមៗ គ្នានូវដំណោះស្រាយជាច្រើន។ គណៈកម្មាធិការប្រជាជនឃុំ បានបង្កើតគណៈចង្អុលការ ដាក់ចេញលក្ខន្តិកៈ បែងចែកភារកិច្ចច្បាស់លាស់ដល់សមាជិកគ្រប់រូប ក្នុងនោះកងកម្លាំងនគរបាលឃុំមានតួនាទីស្នូល សហការស្អិតល្មួតជាមួយរណសិរ្ស និងអង្គការមហាជននានាដើម្បីផ្សព្វផ្សាយអនុវត្តប្តេជ្ញាកសាងភូមិភាគគ្មានគ្រឿងញៀន។

ទន្ទឹមនឹងនោះ នគរបាលឃុំទ្រឿងខាញ់ បានជំរុញការឃោសនា ផ្សព្វ

ផ្សាយចំណេះដឹងផ្នែក ច្បាប់ វែកញែកច្បាស់អំពីផលប៉ះពាល់នៃគ្រឿងញៀន ដើម្បីប្រជាជនយល់និងម្ចាស់ការទប់ស្កាត់។ តាមរយៈនោះ មានគ្រួសារប្រជាជនជាច្រើនបានស្ម័គ្រចិត្តធ្វើកិច្ចសន្យាមិនស្តុកទុក ជួញដូរ ប្រើប្រាស់ និងមិនចូលរួមបាបគ្រោះគ្រឿងញៀន។ អ្នកមីងដាវយៀវធ្វី នៅភូមិទ្រឿង-ថ ឃុំទ្រឿងខាញ់ ឱ្យដឹង៖ “ពីមុននៅភូមិនេះ គ្រឿងញៀនមានភាពស្មុគស្មាញ មាមីងមានការភ័យ ខ្លាចគ្រប់គ្នា។ តាំងពីថ្ងៃដែលនគរបាលឃុំល្បាតរឿយៗ និងផ្សព្វផ្សាយ ព្យួរបដា... ប្រជាជន ក៏យល់ច្បាស់អំពីផលប៉ះពាល់និងចូលរួមទប់ស្កាត់។ គ្រួសារខ្ញុំអប់រំកូនចៅឱ្យជៀសឆ្ងាយពីគ្រឿងញៀន ព្រោះពាក់ព័ន្ធនឹងគ្រឿងញៀនគឺបំផ្លាញអនាគត”។

ក្រៅពីនោះ នគរបាលឃុំបានផ្សព្វផ្សាយអនុវត្តព្រមៗគ្នា មានប្រសិទ្ធភាពនូវវិធានការការងារ គ្រប់គ្រងភូមិឋាន មុខសញ្ញាហ្មត់ចត់ ពិនិត្យ អង្កេត បង្កើតឯកសារគ្រប់គ្រងនិងធ្វើតេស្តគ្រឿងញៀនជាប្រចាំ គ្រប់គ្រងអប់រំ ត្រួតពិនិត្យនិងចាត់ វិធានការយ៉ាងម៉ឺងម៉ាត់ចំពោះមុខសញ្ញាប្រព្រឹត្តល្មើស។ តាមរយៈនោះ ស្ថានភាពឧក្រិដ្ឋកម្មនិងបាបគ្រោះគ្រឿងញៀនត្រូវបានគ្រប់គ្រង។

នៅអនុវិទ្យាល័យតឹងហ៊ឹង ឃុំតឹងថាញ់ មានកម្មាភិបាល គ្រូបង្រៀននិងសិស្សានុសិស្សជាង៧០០នាក់ បានកងកម្លាំងនគរបាលឃុំតឹងថាញ់ ផ្សព្វផ្សាយអំពីផលប៉ះពាល់នៃគ្រឿងញៀន ល្បិចកលទាក់ទាញយុវជនប្រើប្រាស់គ្រឿងញៀន ទន្ទឹមនឹងនោះ ក៏ណែនាំអំពីរបៀបសម្គាល់ ការពារនិងទប់ស្កាត់មានប្រសិទ្ធភាពនៅពេលជួបប្រទះនឹងសភាពការណ៍គួរឱ្យសង្ស័យ។ តាមរយៈនោះ រួមចំណែកលើកកម្ពស់ការយល់ដឹង និងស្មារតីទទួលខុសត្រូវរបស់សិស្សានុសិស្សក្នុងការបង្ការ បង្ក្រាបបាបគ្រោះគ្រឿងញៀន ការពារមិនឱ្យគ្រឿងញៀនចូលសាលារៀន។

លោកវរសេនីយ៍ទោ ទ្រឿងហ្វាងណាម អនុប្រធាននគរបាលឃុំតឹងថាញ់ មានប្រសាសន៍៖ “ក្រៅពីការឃោសនាផ្សព្វផ្សាយនៅតាមសាលារៀន នគរបាលឃុំនៅទាំងសហការជាមួយអង្គការមហាជន ផ្សព្វផ្សាយចល័តដោយយានយន្តឯកទេសនៅក្នុងមណ្ឌលទីប្រជុំជន។ ចុះទៅដល់ផ្ទះមុខសញ្ញាដែលមានហានិភ័យខ្ពស់អំពីការប្រើប្រាស់គ្រឿងញៀន ដើម្បីផ្សព្វផ្សាយឱ្យពួកគេយល់អំពីច្បាប់និងម្ចាស់ការបង្ការគ្រឿងញៀន ចលនាគ្រួសារនីមួយៗចុះកិច្ចសន្យា ព្រួតដៃចូលរួមបង្ការបង្ក្រាបគ្រឿងញៀន…”៕

យ្វីអាញ - ហ្វាងទ្រុង - មេងលី

ចែករំលែកអត្ថបទ

ពាក្យគន្លឹះ