មហាសាមគ្គីជនជាតិ គំរូក្នុងសហគមន៍

02/10/2025 - 18:53

រស់នៅជាតិល្អ សាសនាបវរ

ពេលរំលឹកដល់ព្រះឧបជ្ឈាយ៍យឿងណេ មិនត្រឹមតែប្រជាជនឬមាមីងពុទ្ធបរិស័ទ តែចំពោះកម្មាភិបាលនិងរដ្ឋអំណាចក៏គោរពរាប់អានដែរ។ ព្រះឧបជ្ឈាយ៍ ជាព្រះចៅអធិការវត្តមួយអង្គប្រកបដោយគុណធម៌ គំរូបានគប់វាល់ការចលនាប្រឡងប្រណាំងស្នេហាជាតិ ការងារសាសនា និងការងារសប្បុរសធម៌។ល។ រួមចំណែកអភិវឌ្ឍសេដ្ឋកិច្ច វប្បធម៌សង្គមនិងជួយលំនឹងសន្តិសុខនយោបាយនៅភូមិភាគ។

ព្រះឧបជ្ឈាយ៍យឿងណេ-ព្រះចៅអធិការវត្តព្រែកតាគួន ភូមិហ្វាខាញ់ ឃុំយ៉ាហ្វា ទីក្រុងកឹងធើ។

ប្រសូតិឆ្នាំ១៩៥៥ក្នុងគ្រួសារមានបងប្អូនចំនួន៤នាក់នៅឃុំង៉ុកតូ ព្រះអង្គជារៀមច្បង។ ឆ្នាំ១៩៧២ បានចូលបួសនៅវត្តព្រែកតាគួន (ភូមិហ្វាខាញ់ ឃុំយ៉ាហ្វា ទីក្រុងកឹងធើ)។ ក្រោយពីបួសព្រះអង្គបាននិមន្តទៅរៀនពុទ្ធិកៈបឋមសិក្សាបាលីអស់រយៈកាល៣ឆ្នាំ។ ឆ្នាំ១៩៨១ ព្រះអង្គបន្តការសិក្សាផ្នែកគរុកោសល្យ (រយៈពេល៤ឆ្នាំក្នុងនោះបម្រុង១ឆ្នាំ) នៅសាលាមធ្យមសិក្សាគរុកោសល្យហូវយ៉ាង (ចាស់) ផ្នែកគរុកោសល្យ៩+៣។

ក្រោយពីរៀនបញ្ចប់កម្មវិធីបណ្តុះបណ្តាលក្នុងឆ្នាំ១៩៨៥ ព្រះអង្គចាប់ផ្តើមបង្រៀននៅសាលាបឋមសិក្សាថាញ់គ្វើយ ៣។ អស់រយៈកាល២០ឆ្នាំដែលផ្សារភ្ជាប់នឹងរបរគ្រូបង្រៀន (១៩៨៥-២០០៦) ព្រះអង្គមិនត្រឹមតែផ្ទេរជូនចំណេះដឹងដល់សិស្សានុសិស្សឱ្យមានសីលធម៌ល្អ ចេះអាណិតស្រឡាញ់គ្នា។ ថ្នាក់រៀនដ៏សាមញ្ញ ស្ថិតក្នុងបរិវេណវត្តព្រែកតាគួនបានក្លាយជាកន្លែងបណ្តុះបណ្តាលចំណេះដឹងនិងចរិយាសម្បត្តិជូនដល់សិស្សានុសិស្សច្រើនជំនាន់។

ឆ្នាំ២០០៦ ក្រោយពីព្រះឧបជ្ឈាយ៍យឿងលាងសុគត ព្រះតេជគុណយឿងណេ បានតែងតាំងជាព្រះចៅអធិការរហូតមកដល់បច្ចុប្បន្ន។ ចាប់ពីធ្វើចៅអធិការមក ព្រះឧបជ្ឈាយ៍យឿងណេតែងយកចិត្តទុកដាក់ក្នុងការកសាងនិងជួសជុលបណ្តាសំណង់ក្នុងវត្តដូច សាលាធម្មសភា បង្គោលទង់ ជួសជុលព្រះវិហារ និងក្រាលឥដ្ឋក្នុងបរិវេណវត្ត។ល។ ដើម្បីបង្កជាទិដ្ឋភាពក្នុងវត្តឱ្យកាន់តែមានសោភណភាព។

ជាមួយព្រះទ័យដោយមេត្តាធម៌ ប៉ុន្មានឆ្នាំកន្លង ព្រះឧបជ្ឈាយ៍តែងចលនាសប្បុរសជនដើម្បីឧបត្ថម្ភដល់បណ្តាគ្រួសារក្រ អ្នកអនាថា អ្នកពិការក្នុងតំបន់។ ជាអ្នកមានប្រិយភាពក្នុងតំបន់ជនជាតិខ្មែរព្រះឧបជ្ឈាយ៍យឿងណេបាន រួមចំណែកធ្វើឱ្យលំនឹងក្នុងការប្រតិបត្តិសាសនានិងតែងចលនាមាមីងពុទ្ធបរិស័ទឱ្យអនុវត្តល្អតាមគោលនយោបាយរបស់បក្សនិងក្រឹត្យច្បាប់របស់រដ្ឋនិងបណ្តាសេចក្តីកំណត់របស់រដ្ឋអំណាចភូមិភាគ។ ទន្ទឹមនោះ នៅទាំងចលនាមាមីងពុទ្ធបរិស័ទឱ្យខិតខំធ្វើការបង្កបង្កើនផល ពលកម្មផលិត អភិវឌ្ឍសេដ្ឋកិច្ចគ្រួសារ។

ព្រះឧបជ្ឈាយ៍យឿងណេ (ខាងស្តាំ) បង្ហាញពីសំណង់ស្ថាបត្យកម្មក្នុងវត្ត។

ជាព្រះចៅអធិការវត្តព្រះអង្គតែងយកចិត្តទុកដាក់ដល់ការអប់រំរបស់ព្រះសង្ឃនិងកូនចៅមាមីងពុទ្ធបរិស័ទក្នុងចំណុះជើងវត្ត ដូច្នេះរាល់ឆ្នាំ ឱ្យតែដល់រដូវវិស្សមកាល ព្រះឧបជ្ឈាយ៍បានបើកថ្នាក់បង្រៀនអក្សរខ្មែរ។ ក្រៅពីនោះព្រះឧបជ្ឈាយ៍យឿងណេ នៅទាំងបរិច្ចាគដីចំនួន១.០០០ម២និងចលនាមាមីងបរិច្ចាគដីសម្រាប់រដ្ឋអំណាចកសាងសាលារៀនដើម្បីងាយស្រួលដល់ប្អូនៗទៅរៀនជិតសាលា។ ពិសេសឆ្នាំ២០១៩ ព្រះអង្គព្រមទាំងគណៈកម្មការវត្តក៏បានឯកភាពបើកថ្នាក់បង្រៀនបាលីនិងមានព្រះសង្ឃវត្តនានាមករៀនយ៉ាងច្រើនកុះករ។

ព្រះឧបជ្ឈាយ៍យឿងណេ-ចៅអធិកាវត្តព្រែកតាគួន ឃុំយ៉ាហ្វា ទីក្រុងកឹងធើមានថេរៈដីកា៖ អាត្មាតែងយកចិត្តទុកដាក់ដល់ការរៀនសូត្រដល់ព្រះសង្ឃក្នុងវត្ត។ រាល់ឆ្នាំអាត្មាបានទិញសៀវភៅពុម្ព សៀវភៅសរសេរ ប៊ិកនិងឧបករណ៍ដទៃទៀត ដើម្បីព្រះសង្ឃរៀនសូត្រថ្នាក់ពុទ្ធិកបឋមសិក្សាបាលីចាប់ពីថ្នាក់បាលីទី១ដល់ទី៣។ ក្រៅពីនោះនៅទាំងជូនរង្វាន់ដូច សៀវភៅ កង់ដល់ប្អូនៗដែលរៀនអក្សរខ្មែរនាឱកាសវិស្សមកាលនិងថ្នាក់ “ពន្លឺវប្បធម៌រដូវវិស្សមកាល” ដើម្បីលើកទឹកចិត្តដល់ប្អូនៗឱ្យខិតខំរៀនសូត្រ។ អាត្មាសង្ឃឹមថាកូនចៅជនរួមជាតិខ្មែរនឹងខិតខំរៀនសូត្រ លត់ដំដើម្បីក្លាយជាពលរដ្ឋល្អ មានប្រយោជន៍ដល់សង្គម។

ទន្ទឹមនឹងការងារអប់រំនិងការងារសាសនា ព្រះឧបជ្ឈាយ៍តែងយកចិត្តទុកដាក់ដល់ការអភិរក្សនិងពង្រីកបណ្តាតម្លៃវប្បធម៌ប្រពៃណីរបស់ជនជាតិ។ រាល់ឆ្នាំ ក្រុមទូកងវត្តព្រែកតាគួនបានចុះឈ្មោះចូលរួមប្រកួតក្នុងពិធីបុណ្យអកអំបុក-ប្រណាំងទូកង រួមចំណែកក្នុងការអភិរក្សអត្តសញ្ញាណវប្បធម៌ដ៏ប្រណីតរបស់ជនរួមជាតិខ្មែរ។ ពិសេស នេះជាវត្តមួយនៅទីក្រុងកឹងធើដែលនៅរក្សាទូកគែហ៊ៅនិងបានយកទៅបណ្តែតបង្ហាញក្នុងឱកាសបុណ្យអកអំបុក-ប្រណាំងទូក-ងនៅដងព្រែកម៉ាសប៉េរ៉ូ។ ព្រះឧបជ្ឈាយ៍ តាំងណោ-ព្រះសុធម្មាធិបតីរងនៃសមាគមពុទ្ធសសនាវៀតណាម ប្រធានសមាគមព្រះសង្ឃសាមគ្គីស្នេហាជាតិទីក្រុងកឹងធើ មានថេរដីកា៖ ព្រះឧបជ្ឈាយ៍យឿងណេជាអ្នកបួសស្លូតបូត ជិតស្និទ្ធ តែងយកចិត្តទុកដាក់ដល់ការកសាងវត្តអារាម។ ជាមួយតួនាទីជាព្រះចៅអធិការវត្ត ព្រះអង្គតែងខិតខំក្នុងការកសាងវត្តព្រែកតាគួនពីមួយថ្ងៃកាន់តែស្កឹមស្កៃ ជាកន្លែងសម្រាប់មាមីងពុទ្ធបរិស័ទធ្វើបុណ្យសុន្ទរ៍ទាន។ ពិសេស បណ្តាសកម្មភាពការងារសមាគមព្រះសង្ឃ មគ្គីស្នេហាជាតិក៏ដូចជាគណៈអភិបាលនៃសមាគមពុទ្ធសាសនា ព្រះអង្គតែងចូលរួមយ៉ាងសកម្ម បង្ហាញពីស្មារតីទទួលបន្ទុក និងអស់ពីព្រះទ័យនឹងការងារ។

ជាង៥០ឆ្នាំ ដែលបានបួសរៀននិងបម្រើក្នុងព្រះពុទ្ធសាសនានិងជនជាតិ ព្រះអង្គទទួលបានប័ណ្ណសរសើរ លិខិតសរសើរជាច្រើនរបស់ប្រធានគណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមស្រុកមីស្វៀងនិងខេត្តសុកត្រាំង (ចាស់) និងប័ណ្ណគុណធម៌របស់គណៈអភិបាលសមាគមពុទ្ធសាសនាគ្រប់ថ្នាក់របស់ខេត្តសុកត្រាំង (ចាស់)។ ពិសេសជាងទៀត អស់រយៈកាល២១ឆ្នាំដែលបានបង្ហាត់បង្រៀន ព្រះអង្គបានក្រសួងអប់រំនិងបណ្តុះបណ្តាលជូនគ្រឿងអនុស្សាវរីយ៍ដើម្បីបុព្វហេតុអប់រំកត់សម្គាល់ក្នុងការគប់វាល់សម្រាប់បុព្វហេតុអប់រំរបស់ប្រទេសជាតិ នេះជាប្រការមួយដ៏កម្រមានចំពោះព្រះសង្ឃដែលធ្វើបានដូច្នេះ៕

វឌ្ឍា-ដាលីន

ចែករំលែកអត្ថបទ

ពាក្យគន្លឹះ