មហាសាមគ្គីជនជាតិ គំរូក្នុងសហគមន៍

17/09/2025 - 09:08

ធ្វើមានផ្តើមពីការដាំឈូកយកមើម

ដោយមិនញញើតក្នុងការផ្លាស់ប្តូរដំណាំដាំដុះ ចេះអនុវត្តវិទ្យាសាស្រ្តបច្ចេកទេសនិងក្តាប់បានទីផ្សារ លោកត្រឹងវុាំងហ៊ីប នៅភូមិស្បូវ ឃុំធ្វឹងហ្វា ទីក្រុងកឹងធើ អនុវត្តសម្រេចជោគជ័យទម្រង់ដាំឈូកយកមើម រកបានប្រាក់ចំណូលរាប់រយលានដុងក្នុងឆ្នាំ។

លោកត្រឹងវុាំងហ៊ីប កំពុងប្រមូលផលមើមឈូក។

នាំយើងខ្ញុំទៅទស្សនាវាលស្រែដាំឈូក លោកហ៊ីប ឱ្យដឹង៖ “វាលដាំឈូកនេះបានប្រមូលផលជាងកន្លះខែមកហើយ ប៉ុន្តែមិនទាន់អស់ពាក់កណ្តាលផ្ទៃដីផង។ នេះជារដូវចម្បងរបស់ឈូក ប្រមូលផលមើមបានជាង១តោនក្នុងមួយថ្ងៃ”។ តាមការរៀបរាប់របស់លោកហ៊ីប ពីមុន គាត់ដឹងតែធ្វើស្រែ ដាំក្រូចសម្រាប់ផ្គត់ផ្គង់ជីវភាពគ្រួសារ។ ចំពោះកសិករធ្វើស្រែ ដាំក្រូច ឆ្នាំខ្លះកាក់កប ឆ្នាំខ្លះខាតបង់ ឆ្នាំខ្លះបានផលតែតម្លៃចុះថោក តែងកើតមានឡើងជារឿយៗ ដូច្នេះជីវភាពតែងជួបការលំបាក។ ពិសេសចម្ការក្រូចចំនួន៤០កុងរបស់គ្រួសារខ្ញុំ ជាច្រើនឆ្នាំមកនេះតម្លៃធ្លាក់ចុះជាបន្តបន្ទាប់ ខាតបង់និងជំពាក់បំណុលគេ។ លោកហ៊ីប ឱ្យដឹងបន្ថែម៖ “ធ្វើស្រែប្រសិនបើបានផល តម្លៃចុះថោកគឺមិនចំណេញ ចំណែកដាំក្រូចចំណាយទុនច្រើនតម្លៃធ្លាក់ចុះគឺខាត។ ក្នុងប៉ុន្មានឆ្នាំនេះ ក្រូចចុះថ្លៃ លក់មិនបាន ជំពាក់បំណុលកាន់តែច្រើន ដូច្នេះទើបខ្ញុំលក់ដីចម្ការ៤០កុងសងបំណុល។ ចៃដន្យខ្ញុំឃើញមាមីងនៅឃុំហូដាក់គៀងដាំឈូកយកមើមលក់បានថ្លៃ ងាយស្រួលដាំ ចំណេញច្រើន ម៉្លោះហើយខ្ញុំក៏សម្រេចចិត្តវិនិយោគដាំឈូក”។

ដោយឃើញមានប្រសិទ្ធភាព សមស្របនឹងដីស្រែ ដូច្នេះលោកហ៊ីបក៏ទៅទិញពូជឈូកដាំយកមើមសាកល្បង។ ឆ្នាំដំបូងគាត់ដាំ១០កុង ក្រោយរយៈកាល៤ខែក៏ប្រមូលផល ទទួលបានប្រាក់ ចំណូលប្រហែល១០លានដុងក្នុងមួយកុង ចំណេញជាងបើប្រៀបនឹងធ្វើស្រែ។ លោកហ៊ីប ឱ្យដឹង៖ “អាស្រ័យព្រាចជី បាញ់ថ្នាំការពាររុក្ខជាតិ បានត្រឹមត្រូវនិងរក្សាកម្រិតទឹកបានល្អ ទើបឈូកមើមធំ វែង ហើយស ឈ្មួញចូលចិត្តទិញ។ ផ្តើមពីប្រសិទ្ធភាពដំបូង ខ្ញុំបានបង្វែរផ្ទៃដី២ហិកតា សម្រាប់ដាំឈូកយកមើម”។

ពេលបង្កើនផ្ទៃដីដាំ លោកហ៊ីបក៏ផ្តើមស្វែងរកទីផ្សារដើម្បីលក់មើមឈូកតាមផ្សារនៅទីក្រុងហូជីមិញ និងបណ្តាខេត្ត ក្រុងនៅតំបន់វាលរាបទន្លេគឺវឡុង។ ដើម្បីមានមើមឈូកគ្រប់គ្រាន់ផ្គត់ផ្គង់ឱ្យឈ្មួញ លោកហ៊ីបបានជួលដីបន្ថែម១៨ហិកតា នៅសង្កាត់សុកត្រាំងសម្រាប់ដាំឈូកយកមើម។ ទន្ទឹមនោះ លោកហ៊ីបនៅទាំងចងសម្ព័ន្ធជាមួយក្រុមហ៊ុនផលិតបន្លែ ផ្លែឈើនៅមណ្ឌលឧស្សាហកម្មអាងហ៊ីបដើម្បីផ្គត់ផ្គង់ផលិតផល។ លោកហ៊ីប ឱ្យដឹងបន្ថែម៖ “ក្រុមហ៊ុនប្រមូលទិញមានចំនួនច្រើន លក់ដោយតម្លៃ១៥.០០០ដុងក្នុងមួយគីឡូក្រាម បើលក់ឱ្យឈ្មួញគេរើសមើមល្អ មើមវែង មើមស គឺលក់តម្លៃពី២០.០០០ - ៣០.០០០ ដុងក្នុងមួយគីឡូក្រាម។ ក្រៅពីនោះ ខ្ញុំនៅទាំងលក់ឈូកពូជតម្លៃ៦.០០០ដុងក្នុងមួយគីឡូក្រាម ឱ្យកសិករនៅខេត្ត ក្រុងនានាក្នុងតំបន់។ ជាមធ្យម ការដាំឈូកយកមើម ខ្ញុំរកបានប្រាក់ចំណូលប្រហែល១០លានដុងក្នុងមួយកុង អាស្រ័យហេតុនោះទើបជីវភាពគ្រួសារបានធូរធារគ្រាន់បើ”។ ដើម្បីធានាប្រភពផលិតផលសម្រាប់ផ្គត់ផ្គង់ទីផ្សារ លោកហ៊ីបបានបង្កើត “ក្រុមសហការដាំឈូកយកមើម” ដោយមានផ្ទៃដី៣៣ហិកតា អាស្រ័យលោកធ្វើជាប្រធានក្រុម។ សព្វថ្ងៃមិនត្រឹមតែធ្វើមានដោយខ្លួនឯងប៉ុណ្ណោះទេ លោកហ៊ីបនៅទាំងបង្កើតការងារធ្វើជាប្រចាំដល់ពលករនៅជនបទពី៨-២០នាក់ជួយពួកគាត់មានប្រាក់ចំណូលលំនឹង។

ជិត២០ឆ្នាំដាំឈូកយកមើម បច្ចេកទេសថែទាំ លោកហ៊ីបក្តាប់បានយ៉ាងច្បាស់។ លោកហ៊ីបបានឱ្យដឹង ដាំឈូកយកមើមងាយដាំ ប៉ុន្តែត្រូវធានាទឹកឱ្យគ្រប់គ្រាន់ដើម្បីស្លឹកលូតលាស់ល្អ។ ជាពិសេស ដើម្បីមិនឱ្យឈូកមានជំងឺងាប់ដើម រលួយស្លឹកនិងដង្កូវក្រាស៊ីបំផ្លាញស្លឹក ពីព្រោះនេះជាប្រភេទដង្កូវអាចកាត់បន្ថយទិន្នផលមើមឈូក។ ដើម្បីសម្រេចបានទិន្នផល គុណភាពគប្បីដាំឈូក២រដូវ ហើយធ្វើស្រែ១រដូវ។ ពីព្រោះធ្វើស្រែលើដីដាំឈូកគឺស្រូវលូតលាស់ល្អណាស់ មិនសូវបង់ជី មិនសូវបង់ថ្នាំការពាររុក្ខជាតិ ផ្ដល់ទិន្នផលខ្ពស់៕

យ្វីអាញ់-ដាលីន

ចែករំលែកអត្ថបទ

ពាក្យគន្លឹះ