សុខភាព - អប់រំ អប់រំ

28/07/2025 - 10:02

វិស័យអប់រំនៅអាងយ៉ាង ជំរុញការផ្លាស់ប្តូរឌីជីថល

តាមប្រសាសន៍លោក ត្រឹងក្វាងបាវ នាយកមន្ទីរអប់រំនិងបណ្តុះបណ្តាលខេត្តអាងយ៉ាង ក្រោយពីបង្រួបបង្រួម មន្ទីរអប់រំនិងបណ្តុះបណ្តាលខេត្តអាងយ៉ាង មានការិយាល័យជំនាញចំនួន ៧ ។ ដំណាក់ការអភិវឌ្ឍន៍វិស័យអប់រំនិងបណ្តុះបណ្តាលរបស់ភូមិភាគទាំង២មុននឹងរួមបញ្ចូល គឺជាមូលដ្ឋានគ្រឹះដ៏រឹងមាំសម្រាប់ផ្នែកអប់រំនៅអាងយ៉ាង បន្តការសម្របខ្លួននិងអភិវឌ្ឍខ្លាំងក្លាជាងទៀត។

សាលារៀននៅតំបន់ជនជាតិភាគតិចខេត្តអាងយ៉ាង ត្រូវបានកសាងយ៉ាងរឹងមាំ ឆ្លើយតបតម្រូវការបង្រៀននិងរៀន និងការផ្លាស់ប្តូរឌីជីថល។

យោងតាមរបាយការណ៍របស់មន្ទីរអប់រំនិងបណ្តុះបណ្តាលខេត្តអាងយ៉ាង ដើមឆ្នាំសិក្សា ២០២៤-២០២៥ ខេត្តគៀងយ៉ាង (ចាស់) មានអង្គភាព សាលារៀន ចំនួន ៦៥៤ ក្នុងនោះ ប្រព័ន្ធសាលារដ្ឋមានចំនួន ៦២៥ សាលាឯកជនមានចំនួន ២៩។ ក្រៅពីនោះ ខេត្តមានមជ្ឈមណ្ឌលអប់រំវិជ្ជាជីវៈ-អប់រំប្រចាំចំនួន១២។

គៀងយ៉ាង មានកម្មាភិបាលគ្រប់គ្រង គ្រូបង្រៀននិងបុគ្គលិកសរុប ២១.៥១០ នាក់; មានសិស្ស ៣៤៧.៣០៤នាក់ កំពុងសិក្សានៅ ១១.០០៣ ក្រុម/ថ្នាក់។ គិតដល់ចុងឆ្នាំ ២០២៤ មានសាលាសម្រេចបទដ្ឋានជាតិ សរុប៣៤៥/៥៩៣ សាលាសម្រេចអត្រា ៥៨,១៨% សម្រេចលើស០,១៨% បើប្រៀបនឹងផែនការដាក់ចេញ។ ចំណែកនៅខេត្តអាងយ៉ាង (ចាស់) ចំនួនសាលាសម្រេចបទដ្ឋានជាតិ គឺ ៣៧៦/៦៩០ សាលាសម្រេចអត្រា ៥៤,៤៩%។ ក្នុងនោះ សាលាមត្តេយ្យមានចំនួន១០៣ (សម្រេចអត្រា៥៧,៥៤%) សាលាបឋមសិក្សាមានចំនួន ១៤៨ (សម្រេចអត្រា ៤៨,២១%) អនុវិទ្យាល័យមាន ៩៣ សាលា (សម្រេចអត្រា ៦០,៣៩%) និងវិទ្យាល័យ មាន ៣២ សាលា (សម្រេចអត្រា៦៥%)។

មូលដ្ឋានសម្ភារៈសម្រេចបទដ្ឋាន ធ្វើឱ្យការផ្សព្វផ្សាយកម្មវិធីអប់រំថ្មីលើភូមិសាស្ត្រមានភាពងាយស្រួល។ តួយ៉ាងដូចទម្រង់អគារសិក្សាបើកចំហ Khan Academy Vietnam (មូលដ្ឋានគ្រឹះសិក្សាតាមប្រព័ន្ធអនឡាញ)។ ឬក៏ការអនុវត្តបច្ចេកវិទ្យាព័ត៌មានក្នុងការគ្រប់គ្រង ការបង្រៀន និងរៀន ក៏ត្រូវបានជំរុញយ៉ាងខ្លាំងក្លា ដោយមានគម្រោងនិងកម្មវិធីជាច្រើន ត្រូវបានផ្សព្វផ្សាយមានប្រសិទ្ធភាពក្នុងការគ្រប់គ្រងជំនាញវិជ្ជាជីវៈ ហិរញ្ញវត្ថុ ទ្រព្យសម្បត្តិនិងការគ្រប់គ្រងសាលារៀន រួមចំណែកលើកកម្ពស់ប្រសិទ្ធភាពគ្រប់គ្រង និងគុណភាពអប់រំ...។

ថ្វីដ្បិតមានភាពងាយស្រួល ប៉ុន្តែតាមប្រសាសន៍ លោកបាវ ការអប់រំនៅតំបន់ជនរួមជាតិភាគតិច តំបន់ភ្នំ កោះសមុទ្រ។ល។ របស់ខេត្តនៅជួបការលំបាកច្រើន។ ហេតុនេះ នៅពេលខាងមុខ ផ្នែកអប់រំនឹងបន្តការធ្វើសេនាធិការផ្សព្វផ្សាយនូវគម្រោងជាច្រើន ដើម្បីសិស្សនិងគ្រូបង្រៀនងាយស្រួលក្នុងការបង្រៀននិងរៀនមានប្រសិទ្ធភាព។ នៅចំពោះមុខ គឺជំរុញការអនុវត្តទម្រង់អគារសិក្សាបើកចំហ។ ព្រោះថា ដោយមូលដ្ឋានគ្រឹះ Khan Academy គ្រូបង្រៀនអាចប្រគល់មេរៀននិងវាយតម្លៃការសិក្សារបស់សិស្សបានឆាប់រហ័ស សិស្សានុសិស្សសំខាន់គឺនៅតំបន់ភ្នំ កោះសមុទ្រ តំបន់ជនជាតិ ។ល។ អាចសិក្សាតាមប្រព័ន្ធអនឡាញនៅគ្រប់ពេលគ្រប់កន្លែង ដោយមិនខ្លាចរអាក់រអួលក្នុងការសិក្សា។ ទន្ទឹមនឹងនោះ បង្កើនការអនុវត្តបច្ចេកវិទ្យាព័ត៌មាននិងការផ្លាស់ប្តូរឌីជីថល។ ដ្បិតរយៈពេលកន្លង មានអគារសិក្សាជាច្រើនលើភូមិសាស្ត្រខេត្ត បានផ្សព្វផ្សាយជោគជ័យការជ្រើសរើសសិស្សតាមប្រព័ន្ធអនឡាញ ជួយកាត់បន្ថយរយៈពេលដោះស្រាយសំណុំលិខិតនិងលើកកម្ពស់តម្លាភាពគួរឱ្យកត់សម្គាល់។ ទន្ទឹមនឹងនោះ ការអនុវត្តសិក្ខាគារិក ឌីជីថលត្រូវបានផ្សព្វផ្សាយគ្រប់ជ្រុងជ្រោយនៅកម្រិតបឋមសិក្សាសម្រេចលើសភាគកម្រិតនៃការលើកទឹកចិត្តរបស់ក្រសួងអប់រំនិងបណ្តុះបណ្តាល។ ព្រមជាមួយនោះ ផ្នែកអប់រំក៏បានបន្តការផ្សព្វផ្សាយអនុវត្តពិសោធន៍នៅកម្រិតមធ្យមសិក្សា….។

ហាថាញ-មុនី

ចែករំលែកអត្ថបទ

ពាក្យគន្លឹះ