មហាសាមគ្គីជនជាតិ ភូមិស្រុកផ្លាស់ថ្មី

19/05/2025 - 10:15

ដំណោះស្រាយគ្រប់គ្រងចំបើងក្នុងស្រែ គួបផ្សំនឹងយន្តូបនីយកម្ម កែប្រែដីឱ្យមានជីជាតិ

សមាគមឧស្សាហកម្មអង្ករវៀតណាម (VIETRISA) សហការជាមួយវិទ្យាស្ថានស្រាវជ្រាវ អង្ករអន្តរជាតិ (IRRI) និងក្រុមហ៊ុនភាគហ៊ុនជីប៊ិញឌៀង ទើបរៀបចំចង្កោមព្រឹត្តិការណ៍សិក្ខាសាលាស្តីពីដំណោះស្រាយគ្រប់គ្រងចំបើងក្នុងស្រែ គួបផ្សំនឹងយន្តូបនីយកម្ម កែប្រែដីឱ្យមានជីជាតិ និងបង្ហាញម៉ាកយីហោអង្ករវៀតណាមបៃតងបំភាយឧស្ម័នទាបនៅវិទ្យាស្ថានអង្ករតំបន់វាលរាបទន្លេគឺវឡុង នៅស្រុកថើយឡាយ ក្រុងកឹងធើ។ ស្របក្នុងឱកាសនេះ គណៈកម្មការរៀបចំក៏មានពិធីផ្ដើមដំណើរការគម្រោងអភិវឌ្ឍន៍ដំណោះស្រាយរំលាយចំបើងក្នុងស្រែ បង្កើនជីជាតិ និងកាត់បន្ថយបំភាយឧស្ម័នក្នុងការផលិតស្រូវ។

អ្នកតំណាងទាំងឡាយអនុវត្តពិធីផ្ដើមដំណើរការគម្រោងអភិវឌ្ឍន៍ដំណោះស្រាយរំលាយចំបើងក្នុងស្រែ បង្កើនជីជាតិដី និងកាត់បន្ថយបំភាយឧស្ម័នក្នុងការផលិតស្រូវ។

ក្នុងព្រឹត្តិការណ៍នេះ ភាគីទាំងពីរបានដាក់ឱ្យដំណើរការជាផ្លូវការគម្រោងអភិវឌ្ឍន៍ ដំណោះស្រាយរំលាយចំបើងក្នុងស្រែ ដើម្បីបង្កើនជីជាតិដីនិងកាត់បន្ថយបំភាយឧស្ម័នក្នុងការផលិតស្រូវ។ គម្រោងនេះ ត្រូវបានអនុវត្តដោយក្រុមហ៊ុនភាគហ៊ុនជីប៊ិញឌៀង សហការជាមួយ IRRI ព្រមទាំងដៃគូនិងអង្គភាពពាក់ព័ន្ធដំណើរការអនុវត្ត។ គម្រោងផ្តោតលើការស្រាវជ្រាវនិងបង្កើតដំណោះស្រាយជីវសាស្ត្រ ដើម្បីជួយសម្រួលដល់ការរំលាយចំបើងក្នុងស្រែបានឆាប់រហ័ស កែប្រែដីឱ្យមានជីជាតិ ផ្តល់សារធាតុចិញ្ចឹមដល់ដីជាលក្ខណៈវិលជុំ និងកាត់បន្ថយការបំភាយឧស្ម័នផ្ទះកញ្ចក់ក្នុងការផលិតស្រូវ។ ទន្ទឹមនឹងនោះ ការហ្វឹកហ្វឺននិងណែនាំបច្ចេកទេសនឹងជួយកសិករពង្រីកទម្រង់និងផ្ទេរលទ្ធផលស្រាវជ្រាវ រួមចំណែកក្នុងការអនុវត្តគម្រោងអភិវឌ្ឍន៍ប្រកបដោយចីរភាព ក្នុងការជំនាញផលិតស្រូវគុណភាពខ្ពស់ និងបំភាយឧស្ម័នទាបលើផ្ទៃដី ១ លានហិកតា ផ្សារភ្ជាប់ជាមួយនឹងកំណើនបៃតងតំបន់វាលរាបទន្លេគឺវឡុងនៅឆ្នាំ២០៣០ (គម្រោងផ្ទៃដី ១ លានហិកតា)។

ក្នុងឱកាសផ្សព្វផ្សាយគម្រោងក្រុមហ៊ុន ភាគហ៊ុនជីប៊ិញឌៀង បានផ្ដល់ជូនស្ថានីយបូមទឹកឆ្លាតវៃ (ដោយប្រើបច្ចេកវិទ្យាឌីជីថល) ដល់វិទ្យាស្ថានស្រាវជ្រាវស្រូវតំបន់វាលរាបទន្លេគឺវឡុង។ ទន្ទឹមនឹងនោះ ក្រុមហ៊ុនបានសម្របសម្រួលជាមួយ IRRI និងអង្គភាពពាក់ព័ន្ធ រៀបចំការបង្ហាញពីការប្រើប្រាស់យន្តូបនីយកម្ម រួមជាមួយនឹងការប្រើប្រាស់ជីសញ្ញាក្បាលក្របី Bio-Canxi ដើម្បីធ្វើរំលាយចំបើងក្នុងស្រែ និងកាត់បន្ថយការបំភាយឧស្ម័នផ្ទះកញ្ចក់ក្នុងការផលិតស្រូវនៅវាលស្រែនៃវិទ្យាស្ថានស្រាវជ្រាវស្រូវតំបន់វាលរាបទន្លេគឺវឡុង។ វាលស្រែនេះ បានរៀបចំដាក់តាំងផង ក៏ជាកន្លែងផ្សព្វផ្សាយទម្រង់ពិសោធន៍ដើម្បីបញ្ជាក់ពីអត្ថប្រយោជន៍នៃជីសញ្ញាក្បាលក្របី Bio-Canxi រួមនឹងការភ្ជួរដីកប់ចំបើង។

ចំណុចលេចធ្លោនៃព្រឹត្តិការណ៍នេះ គឺជាការសម្ពោធម៉ាកយីហោ “អង្ករវៀតណាមបៃតង បំភាយឧស្ម័នទាប” ដែលបញ្ជាក់ពីរបត់ប្រកបដោយយុទ្ធសាស្ត្រក្នុងការកសាងម៉ាកយីហោអង្ករវៀតណាមឆ្ពោះទៅកាន់ទីផ្សារកម្រិតខ្ពស់ ជាមួយនឹងស្តង់ដារតឹងរ៉ឹងពីការបំភាយឧស្ម័នកាបូន។ ម៉ាកយីហោ “អង្ករវៀតណាមបៃតងបំភាយឧស្ម័នទាប” មិនត្រឹមតែជាម៉ាកយីហោពាណិជ្ជកម្មប៉ុណ្ណោះទេ ថែមទាំងជាការប្តេជ្ញាចិត្តអំពីការទទួលខុសត្រូវចំពោះបរិស្ថាននិងសង្គមផងដែរ៕

វ៉ាន់កុង-មេងលី

ចែករំលែកអត្ថបទ

ពាក្យគន្លឹះ