សុខភាព - អប់រំ អប់រំ

13/01/2025 - 16:02

គិតគូរដល់សិស្សជនជាតិភាគតិច

ខេត្តគៀងយ៉ាង បានរួមបញ្ចូលនូវកម្មវិធី គម្រោងនានា ដើម្បីគិតគូរបានល្អដល់សិស្សជនជាតិភាគតិច។ អាស្រ័យហេតុនេះ គុណភាពអប់រំទូទៅក្នុងខេត្តត្រូវបានកែលម្អ។

ថ្នាក់រៀនភាសាខ្មែរក្នុងរដូវវិស្សមកាល ឆ្នាំសិក្សា២០២៣-២០២៤ នៅវត្តតាមុំ។ រូប៖ សហការី

លោកយ័ញលុយ នៅឃុំឌិញហ្វា ស្រុកហ្គក្វាវ បានឱ្យដឹង÷ “កូនប្រុសច្បងរបស់ខ្ញុំទើបតែប្រឡងជាប់ចូលរៀនមុខវិជ្ជាពេទ្យផ្នែកពហុព្យាបាលនៅមហាវិទ្យាល័យឱសថសាស្រ្តកឹងធើ។ មានមនុស្សជាច្រើននិយាយ៖ កូនរៀនពេទ្យ គ្រួសាររបស់ខ្ញុំធ្វើម៉េ្តចគិតគូរទៅរួច ប៉ុន្តែតាមពិតកូនខ្ញុំបានទទួលអាហារូបករណ៍ពីសាលា ហើយបានចូលរួមកម្មវិធីបណ្ដុះបណ្ដាលតាមអាសយដ្ឋានរបស់ខេត្ត។ ចាប់ពីកូនចូលរៀនថ្នាក់ទី ៦ នៅអនុវិទ្យាល័យជនជាតិអន្តេវាសិកស្រុកហ្គក្វាវ។ រួចរៀនវិទ្យាល័យជនជាតិអន្តេវាសិកខេត្ត រហូតមកដល់ពេលនេះ គ្រួសារខ្ញុំបានចំណាយប្រាក់តិចណាស់ក្នុងការសិក្សារបស់កូន ព្រោះកូនបានហូបចុក ស្នាក់នៅក្នុងសាលារៀនពូកែនិងទទួលបានអាហារូបករណ៍ជាបន្តបន្ទាប់”។ នៅពេលឃើញកូនច្បងចេះស្តាប់បង្គាប់និងរៀនពូកែ លោកយ័ញលុយនិងប្រពន្ធសម្រេចចិត្តឱ្យកូនប្រុសពៅរបស់ពួកគាត់បន្តចុះឈ្មោះប្រឡងចូលរៀនថ្នាក់ទី ៦ របស់ស្រុកក្នុងឆ្នាំសិក្សានេះ។

ជាខេត្តមួយមានជនជាតិខ្មែរច្រើនកុះករឈរលំដាប់ថ្នាក់ទី ៣ នៅតំបន់វាលរាបទន្លេគឺវឡុង ម្ល៉ោះហើយខេត្តគៀងយ៉ាង បានអនុវត្តកម្មវិធីនានាដើម្បីគាំទ្រដល់ការអភិវឌ្ឍអប់រំនៅតំបន់ជនជាតិភាគតិចបានល្អ។ បច្ចុប្បន្ន ទូទាំងខេត្តមានសាលាជនជាតិអន្តេវាសិកចំនួន ៦ ក្នុងនោះ មានអនុវិទ្យាល័យជនជាតិអន្តេវាសិកចំនួន ៥ និងវិទ្យាល័យជនជាតិអន្តេវាសិក ១។ សាលាអនុវិទ្យាល័យមានទីតាំងនៅតំបន់ដែលមានសិស្សជនជាតិខ្មែរច្រើនដូច៖ ហ្គក្វាវ យ៉ុងរៀង អាងបៀង ចូវថាញ់ ចំណែកវិទ្យាល័យជនជាតិអន្តេវាសិកគៀងយ៉ាង មានទីតាំងនៅមជ្ឈមណ្ឌលក្រុងរ៉ាច់យ៉ា បានសម្រេចបទដ្ឋានជាតិជាច្រើនឆ្នាំកន្លង។ យោងតាមប្រសាសន៍លោកថេវវ៉ាន់ណាម នាយករងមន្ទីរអប់រំនិងបណ្តុះបណ្តាលខេត្តគៀងយ៉ាង ទន្ទឹមនឹងការអភិវឌ្ឍសាលាជនជាតិអន្តេវាសិក ផ្នែកអប់រំនៅទាំងផ្តោតការកសាងកងជួរគ្រូបង្រៀនភាសាជនជាតិប្រកបដោយជំនាញ វិជ្ជាជីវៈត្រូវបានបណ្តុះបណ្តាលតាមកម្មវិធីអប់រំរបស់ក្រសួងអប់រំនិងបណ្តុះបណ្តាល។ រីឯកម្មាភិបាលគ្រប់គ្រងនៅតាមសាលាជនជាតិអន្តេវាសិក និងសាលារៀននៅតំបន់ជនជាតិភាគតិច គឺត្រូវតែសម្រេចបទដ្ឋាន ១០០% ។

ក្រៅពីការបង្រៀនភាសាខ្មែរនៅតាមសាលាជនជាតិអន្តេវាសិក សាលារៀនឯទៀតនៅតំបន់ជនជាតិភាគតិចក្នុងខេត្តគៀងយ៉ាង ក៏រៀបចំបង្រៀនភាសាខ្មែរ ដូចជាមុខវិជ្ជាភាសាបរទេស ជ្រើសរើសសម្រាប់សិស្សផងដែរ។ នៅរដូវវិស្សមកាល ភូមិភាគនៅទាំងជំនួយសៀវភៅសិក្សានិងថវិកាសម្រាប់គ្រូបង្រៀនភាសាខ្មែរនៅតាមវត្តខ្មែរផងដែរ។ លោកយ័ញសាង ប្រធានគណៈកម្មការវត្តតាមុំ ឃុំឌិញហ្វា ស្រុកហ្គក្វាវ មានប្រសាសន៍៖ “រដូវវិស្សមកាលឆ្នាំណា វត្តក៏រៀបចំបើកបង្រៀនភាសាខ្មែរដល់កុមាររាប់រយនាក់ ហើយកុមារបានមករៀនសូត្រធ្វើឪពុកម្តាយមានអារម្មណ៍សុវត្ថិភាពនិងសប្បាយចិត្ត ព្រោះកូនរបស់ខ្លួនចេះនិយាយ និងចេះសរសេរអក្សរជនជាតិផង”។

លោកយ័ញភុក ប្រធានគណៈជនជាតិខេត្តគៀងយ៉ាង បានឱ្យដឹង៖ “ជារៀងរាល់ឆ្នាំ គណៈជនជាតិសហការជាមួយផ្នែកអប់រំ ឧបត្ថម្ភសៀវភៅសិក្សាគោលភាសាខ្មែររៀបរៀងដោយក្រសួងអប់រំនិងបណ្តុះបណ្តាល ក៏ដូចជាស្នើឧបត្ថម្ភថវិកាសម្រាប់ព្រះសង្ឃនិងគ្រូបង្រៀន។ វត្តនីមួយៗ រៀបចំបង្រៀនភាសាខ្មែរយ៉ាងមធ្យ័ត ដោយមានការប្រឡងនិងជូនរង្វាន់នៅពេលបញ្ចប់វគ្គសិក្សា ដូច្នេះសិស្សពិតជាចូលចិត្តណាស់”៕

ហាថាញ -បកប្រែ៖ សុផន

ចែករំលែកអត្ថបទ

ពាក្យគន្លឹះ