សុខភាព - អប់រំ អប់រំ

08/10/2025 - 08:04

ក្តីរីករាយពេលសាលាសម្រេចបទដ្ឋានជាតិ

រយៈពេលជិត២១ឆ្នាំបង្កើតនិងរីកចម្រើន អនុវិទ្យាល័យជនជាតិអន្តេវាសិកតឹងថាញ់ ឃុំតឹងថាញ់ ទីក្រុងកឹងធើ ជាសន្សឹមៗបញ្ជាក់ពីតួនាទីរបស់ខ្លួន ឆ្លើយតបល្អទិសដៅលើកកម្ពស់គុណភាពអប់រំគ្រប់ជ្រុងជ្រោយ។ ឆ្នាំ២០២៥ សាលាបានទទួលស្គាល់សម្រេចបទដ្ឋានជាតិ នេះគឺជាភ័ស្តុតាងនៃការប្រឹងប្រែងរបស់សមូហភាពកម្មាភិបាល គ្រូបង្រៀននិងសិស្សានុសិស្សនៃសាលារយៈពេលកន្លង។

មណ្ឌលអន្តេវាសិកដ្ឋាននៃអនុវិទ្យាល័យអន្តេវាសិកតឹងថាញ់ ទីក្រុងកឹងធើ បានវិនិយោគកសាងរឹងមាំ
ធានាតម្រូវការស្នាក់នៅរបស់សិស្សានុសិស្ស។ រូបថត៖ថាញវ៉ាង

មកពិនិត្យមើលសាលាដែលទើបសម្រេចបទដ្ឋានជាតិ យើងខ្ញុំយល់ច្បាស់ពីទឹកមុខសប្បាយរីករាយរបស់សមូហភាពកម្មាភិបាល គ្រូបង្រៀននិងសិស្សានុសិស្ស។ លោកគ្រូលីចន្ធី ចាងហ្វាងរងសាលាចែករំលែក៖ “ដោយការយកចិត្តទុកដាក់វិនិយោគមូលដ្ឋានសម្ភារៈបរិក្ខារ បន្ទប់រៀនរឹងមាំទំនើប; ការខិតខំជម្នះរាល់លំបាករបស់សមូហភាពកម្មាភិបាល គ្រូបង្រៀន សាលារៀនជាសន្សឹមៗលើកកម្ពស់បានគុណភាពបង្រៀននិងរៀន ខែឧសភា ឆ្នាំ ២០២៥ សាលាបានទទួលស្គាល់សម្រេចបទដ្ឋានជាតិកម្រិត១ នេះជាក្តីមោទនៈ ហើយក៏ជាកម្លាំងជំរុញដើម្បីសមូហភាពគ្រូបង្រៀនបន្តខិតខំប្រឹងប្រែងសម្រេចស្នាដៃជាច្រើនក្នុងឆ្នាំសិក្សាថ្មី”។

ឆ្នាំសិក្សា ២០២៥-២០២៦ សាលាមានសិស្សានុសិស្ស ២៧៥ នាក់ និងកម្មាភិបាល គ្រូបង្រៀន បុគ្គលិក ៣៩ នាក់ ក្នុងនោះ ១០០% គ្រូបង្រៀនមានកម្រិតវិជ្ជាសម្រេចបទដ្ឋាននិងលើសបទដ្ឋាន។ មូលដ្ឋានសម្ភារៈនិងបន្ទប់មុខងារបានកសាងរឹងមាំ ឧបករណ៍សម្រាប់សិស្សអនុវត្តពិសោធន៍មានគ្រប់សព្វ ធានាឆ្លើយតបតម្រូវការបង្រៀននិងរៀនសម្រាប់គ្រូនិងសិស្ស។ បរិវេណសាលាក៏បានកែលម្អធំទូលាយ ដាំដើមឈើបង្កទេសភាពបៃតង - ជ្រះ - ស្អាត ឆ្លើយតបតម្រូវការរៀនសូត្រ លេងកម្សាន្តរបស់សិស្ស។

បណ្ណាល័យបានវិនិយោគកសាងយ៉ាងសមរម្យ ធានាការរៀនសូត្រ ស្រាវជ្រាវសម្រាប់សិស្សានុសិស្ស។

តាមប្រសាសន៍លោកគ្រូលីចន្ធី ក្រៅពីវិនិយោគមូលដ្ឋានសម្ភារៈ គ្រឿងបរិក្ខារ សាលារៀនថែម ទាំងខ្នះខ្នែងកសាងកងជួរកម្មាភិបាល គ្រូបង្រៀន សកម្មមានបទពិសោធន៏; លើកកម្ពស់កម្រិតវិជ្ជា មុខជំនាញ; ផ្លាស់ថ្មីវិធីសាស្ត្រដោះដូរមុខជំនាញ ខ្លឹមសារបង្ហាត់បង្រៀនសមស្របជាមួយនឹងសិស្ស; លើកទឹកចិត្តគ្រូបង្រៀនសកម្មសិក្សាស្រាវជ្រាវ; អនុវត្តបច្ចេកវិទ្យាព័ត៌មានក្នុងការគ្រប់គ្រងនិងបង្ហាត់បង្រៀន; ឆ្ពោះទៅកសាងសាលារៀនស្និទ្ធស្នាល សិស្សសកម្មដោយខ្លឹមសារជាក់ស្តែងនិងសមស្រប៘ ផ្តើមពីនោះ គុណភាពអប់រំរបស់សាលារៀនបានកើនឡើងឥតឈប់ឈរ។ ឆ្នាំសិក្សា ២០២៤-២០២៥ សាលាមានសិស្សសម្រេចនិទ្ទេសគ្រាន់បើ ពូកែ ជាង៨០%; សិស្សមានចរិយាសម្បត្តិបង្គួរ ល្អ ជាង៩០%; សិស្សប្រឡងបញ្ចប់កម្រិតអនុវិទ្យាល័យជាប់ ១០០%។

“ដើម្បីពង្រីកលទ្ធផលដែលសម្រេចបានអនុវិទ្យាល័យជនជាតិអន្តេវាសិកតឹងថាញ់ បន្តលើកកម្ពស់គុណភាពបង្រៀននិងរៀនផ្លាស់ថ្មីវិធានការបង្រៀននិងរៀនកសាង “សាលារៀនជិតស្និទ្ធ សិស្សសកម្ម”; ផ្តោតសំខាន់លើអប់រំសីលធម៌ បំណិននិងកាយសម្បទាដល់សិស្សានុសិស្ស ប្តេជ្ញាចិត្តរក្សាខ្ជាប់កិត្តិនាមសាលារៀនសម្រេចបទដ្ឋានជាតិ និងឆ្ពោះទៅកសាងសាលារៀនសម្រេចបទដ្ឋានជាតិកម្រិត២” - លោកគ្រូលីចន្ធី ចាងហ្វាងរងសាលាបានឱ្យដឹងបន្ថែមដូច្នេះ៕

អត្ថបទ រូបថត៖ ថាញវ៉ាង- លីសៀ

ចែករំលែកអត្ថបទ

ពាក្យគន្លឹះ