ព្រឹត្តិការណ៍ - នយោបាយ ព្រឹត្តិការណ៍ - នយោបាយ

03/12/2024 - 09:50

លើកសរសើរសិស្ស និស្សិតនិងយុវជនជនជាតិភាគតិចឆ្នើម គំរូ ឆ្នាំ២០២៤

យោងតាមគណៈកម្មាធិការជនជាតិ ពិធីលើកសរសើរសិស្ស និស្សិតនិងយុវជនជនជាតិភាគតិចឆ្នើម គំរូ ឆ្នាំ២០២៤ (ពិធីលើកសរសើរ) នឹងប្រព្រឹត្តទៅនៅចុងខែធ្នូ ឆ្នាំ២០២៤នេះ។

ឧបនាយករដ្ឋមន្ត្រី ត្រឹងលឺវក្វាង រួមជាមួយនឹងតំណាងទាំងឡាយ ជូនរង្វាន់ដល់សិស្ស និស្សិតនិងយុវជនជនជាតិភាគតិចឆ្នើម គំរូ ឆ្នាំ២០២៣ ។ រូបថត៖ VGP/ហាយមិញ

តាមនោះ មានសិស្ស និស្សិតនិងយុវជនជនជាតិភាគតិចពី ១០០ - ១២០ នាក់ នឹងបានលើកសរសើរជាមួយនឹងលក្ខណៈវិនិច្ឆ័យជម្រើសដូចខាងក្រោម៖ សិស្សានុសិស្សជាជនជាតិភាគតិច (កម្រិតបឋមសិក្សា អនុវិទ្យាល័យ និងវិទ្យាល័យ); និស្សិតជនជាតិភាគតិច; យុវជនជាជនជាតិភាគតិច។ លក្ខណៈវិនិច្ឆ័យទូទៅ គឺពលរដ្ឋវៀតណាម និងជនជាតិភាគតិច។ សម្រាប់យុវជន៖ មានអាយុមិនលើសពី ៣៥ ឆ្នាំ (គិតដល់ថ្ងៃទី ៣១ ខែតុលា ឆ្នាំ២០២៤)។ អនុវត្តល្អគោលការណ៍ គោលម៌ាគារបស់បក្ស គោលនយោបាយនិងច្បាប់របស់រដ្ឋ; មានចិត្តស្នេហាជាតិ និងភក្ដីភាពចំពោះទិសដៅនិងឧត្តមគតិបដិវត្តន៍របស់បក្ស។ មានលក្ខណសម្បត្តិសីលធម៌ល្អ; មិនបំពានច្បាប់ បទប្បញ្ញត្តិ ច្បាប់របស់សាលា ថ្នាក់រៀន ស្ថាប័ន អង្គភាព និងបទកំណត់នៅកន្លែងស្នាក់នៅ...។

ពិធីលើកសរសើរនេះ ធ្វើឡើងសំដៅបន្តបង្ហាញពីចំណាប់អារម្មណ៍របស់បក្ស និងរដ្ឋក្នុងការបណ្តុះបណ្តាល បំប៉នបញ្ញវន្ត និងបង្កើតធនធានមនុស្សប្រកបដោយគុណភាពខ្ពស់ ដើម្បីអភិវឌ្ឍន៍ប្រទេសជាតិ។ លើកសរសើរសិស្ស និស្សិតនិងយុវជនជនជាតិភាគតិច សុទ្ធតែជាគំរូឆ្នើម គំរូក្នុងដំណើរការរៀនសូត្រ លត់ដំនិងខិតខំប្រឹងប្រែងលើគ្រប់វិស័យ។ នេះក៏ជាឱកាសសម្រាប់សិស្ស និស្សិតនិងយុវជនជនជាតិភាគតិចបានជួបជុំប្រាស្រ័យទាក់ទងគ្នា និងដោះប្តូរបទពិសោធន៍ក្នុងដំណើរការរៀនសូត្រ លត់ដំនិងខិតខំឈានឡើង៕

ចែករំលែកអត្ថបទ

ពាក្យគន្លឹះ