គណៈប្រតិភូក្រុមប្រឹក្សាជាតិអប់រំនិងអភិវឌ្ឍន៍ធនធានមនុស្ស ទើបត្រួតពិនិត្យស្ថានភាពបង្រៀននិងរៀនភាសាជនជាតិដល់ជនរួមជាតិនៅត្រាវិញ។
![ត្រួតពិនិត្យស្ថានភាពបង្រៀន និងរៀនភាសាជនជាតិដល់ជនរួមជាតិខ្មែរនៅខេត្តត្រាវិញ](https://baocantho.com.vn/image/fckeditor/upload/2024/20240626/images/khmer/9.jpg)
ប្រធានគណៈប្រតិភូ លឺវប៊ិតង៉ុក ប្រធានការិយាល័យក្រុមប្រឹក្សាជាតិអប់រំ និងអភិវឌ្ឍន៍ធនធានមនុស្ស ថ្លែងក្នុងឱកាសជួបធ្វើការ។
គណៈប្រតិភូបានធ្វើការសិក្សាស្រាវជ្រាវនៅខេត្តត្រាវិញ ចាប់ពីថ្ងៃ ១៨- ២០ ខែមិថុនា ដោយមានខ្លឹមសារផ្សេងៗដូច៖ តថភាពផ្សព្វផ្សាយអនុវត្តគោលនយោបាយរបស់មជ្ឈិម និងដាក់ឱ្យប្រើប្រាស់រាល់គោលនយោបាយរបស់ភូមិភាគ ចំពោះការងារបង្រៀននិងរៀន ការងារបណ្តុះបណ្តាល បំប៉នភាសាជនជាតិភាគតិច។ ស្ថានភាពរៀបចំបង្រៀននិងរៀនភាសាជនជាតិភាគតិច នៅតាមគ្រឹះស្ថានអប់រំចំណេះទូទៅនិងមជ្ឈមណ្ឌលអប់រំអចិន្ត្រៃយ៍។ ភាពខ្វះចន្លោះ ចំណុចអន់ថយនៅពេលអនុវត្តការងារបង្រៀន និងសំណើអនុសាសន៍អំពីដំណោះស្រាយគោលនយោបាយ។ សិក្សាស្រាវជ្រាវតថភាពការងារបណ្តុះបណ្តាល បំប៉នភាសាជនជាតិភាគតិចចំពោះកម្មាភិបាល អ្នករដ្ឋការ បុគ្គលិក កងកម្លាំងប្រដាប់អាវុធនិងអ្នកមានតម្រូវការបម្រើការនៅតំបន់ជនជាតិភាគតិច។ តថភាពពីប្រភពកម្លាំងដូចជាគ្រូបង្រៀន ក្របខ័ណ្ឌ មូលដ្ឋានសម្ភារៈនិងបរិក្ខារបង្រៀន; កម្មវិធីសិក្សា សៀវភៅសិក្សាគោល។ល។ អនុវត្តរបបគោលនយោបាយចំពោះកងជួរគ្រូបង្រៀន កម្មាភិបាលគ្រប់គ្រងអប់រំនិងអ្នករៀនភាសាជនជាតិភាគតិច។ល។ ភាពខ្វះចន្លោះ ចំណុចអន់ថយនៅពេលអនុវត្តការងារបង្រៀន; ការងារបណ្តុះបណ្តាល បំប៉ននិងសំណើអនុសាសន៍អំពីដំណោះស្រាយគោលនយោបាយ។
តាមរបាយការណ៍របស់មន្ទីរអប់រំនិងបណ្តុះបណ្តាលខេត្តត្រាវិញ ឆ្នាំសិក្សា ២០២៣-២០២៤ ចំនួនសាលាដែលដំណើរការផ្សព្វផ្សាយអនុវត្តបង្រៀនភាសាជនជាតិភាគតិច (ភាសាខ្មែរ) រួមមាន ១២៧ សាលា; ក្នុងនោះ កម្រិតបឋមសិក្សាមាន ៨២ សាលា; កម្រិតអនុវិទ្យាល័យ ៤១ សាលា និងកម្រិតវិទ្យាល័យ ៤ សាលា។ ចំនួនថ្នាក់រៀនមាន១.៣១៥ថ្នាក់; ចំនួនសិស្សរៀនភាសាខ្មែរមាន ៣៥.៧៨៩នាក់។ ភាសាចិនបង្រៀនកម្រិតបឋមសិក្សាមាន ១ សាលា មាន១៣បន្ទប់ ដោយមានសិស្ស ៣៧៥ នាក់។ ចំនួនគ្រូបង្រៀនភាសាជនជាតិកម្រិតបឋមសិក្សាមាន១៣៦នាក់ កម្រិតអនុវិទ្យាល័យមាន ៧១ នាក់ កម្រិតវិទ្យាល័យមាន ១០ នាក់៕
យោង៖ កាសែតអប់រំនិងយុគសម័យ - ប្រែសម្រួល៖ លីសៀ