ត្រួតពិនិត្យទីតាំងការងាររបស់កម្មាភិបាល អ្នករដ្ឋការនៅតាមឃុំ សង្កាត់ ដើម្បីបំពេញបន្ថែម និងកែតម្រូវចំនួនក្របខណ្ឌត្រូវតាមសេចក្តីកំណត់
រសៀលថ្ងៃទី៩ ខែតុលា គណៈអចិន្ត្រៃយ៍នៃគណៈកម្មាធិការបក្សទីក្រុងកឹងធើ បានចាត់តាំងអង្គសន្និបាត ដើម្បីស្តាប់របាយការណ៍ស្តីពីដំណោះស្រាយនានាក្នុងការដោះស្រាយការលំបាក និងបញ្ហាប្រឈមរបស់ឃុំ សង្កាត់ទាំងឡាយ តាមរយៈការអនុវត្តទម្រង់រដ្ឋអំណាចមូលដ្ឋាន២ថ្នាក់ ចាប់ពីថ្ងៃទី១ ខែកក្កដា ឆ្នាំ២០២៥ រហូតមកដល់បច្ចុប្បន្ន។
ដឹកនាំអង្គសន្និបាតរួមមាន លោក ឡេក្វាងតុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុង; លោក ដុងវ៉ាំងថាញ អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុង; លោក ទ្រឿងកាញ់ត្វៀង អនុលេខាគណៈកម្មាធិការបក្សទីក្រុង ប្រធានគណៈកម្មាធិការប្រជាជនទីក្រុង ជាសហអធិបតីក្នុងអង្គសន្និបាតនេះ។
លោក ដុងវ៉ាំងថាញ អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុង
ថ្លែងការពីខ្លឹមសារអង្គសន្និបាត។
យោងតាមរបាយការណ៍របស់ថ្នាក់ដឹកនាំគណៈចាត់តាំងនៃគណៈកម្មាធិការបក្សទីក្រុងក្នុងកិច្ចប្រជុំនៅថ្នាក់ទីក្រុង រហូតមកដល់ពេលនេះ ចំពោះស្ថាប័នធ្វើសេនាធិការ និងជំនួយការរបស់គណៈកម្មាធិការបក្សទីក្រុង បានតែងតាំងគ្រប់ ១០០% មុខតំណែងប្រធាន និងអនុប្រធានគណៈ (ស្មើនឹងគណៈ) និងថ្នាក់ដឹកនាំថ្នាក់ការិយាល័យ។ ចំពោះមន្ទីរ និងផ្នែកនានា (ស្មើនឹងមន្ទីរ) ថ្នាក់ក្រោមគណៈកម្មាធិការប្រជាជនទីក្រុង ថ្នាក់ដឹកនាំមន្ទីរ និងស្មើមន្ទីរ នៅខ្វះនាយកចំនួន ៣រូប (មន្ទីរមហាផ្ទៃ; មន្ទីរហិរញ្ញវត្ថុ; មន្ទីរអប់រំនិងបណ្តុះបណ្តាល); ថ្នាក់ដឹកនាំថ្នាក់ការិយាល័យក្រោមមន្ទីរនិងផ្នែកនានា (ស្មើនឹងការិយាល័យ) នៅខ្វះប្រធានការិយាល័យចំនួន ៦រូប។ ចំពោះក្របខ័ណ្ឌផ្នែកស្ថាប័នបម្រើបុព្វហេតុរដ្ឋ នៅខ្វះចំនួន ១.៤៥៦នាក់ ក្របខ័ណ្ឌទាំងនេះមិនទាន់បានប្រើប្រាស់ ភាគច្រើនគឺក្នុងវិស័យអប់រំ ដោយមិនទាន់ជ្រើសរើសបានគ្រូបង្រៀន។
នៅថ្នាក់ឃុំ សង្កាត់ បច្ចុប្បន្ននៅខ្វះសមាជិកគណៈប្រតិបត្តិបក្ខភាគចំនួន ៣៨រូប និងខ្វះសមាជិកគណៈអចិន្ត្រៃយ៍នៃគណៈកម្មាធិការបក្សចំនួន ៤រូប តាមសេចក្តីកំណត់; បានតែងតាំងគ្រប់១០០% កម្មាភិបាលស្នូលថ្នាក់ឃុំ រួមមានលេខា អនុលេខាគណៈកម្មាធិការបក្ស និងប្រធានគណៈកម្មាធិការប្រជាជន។ មុខតំណែងប្រធាន និងអនុប្រធានការិយាល័យនិងគណៈ ផ្នែកថ្នាក់ឃុំ បច្ចុប្បន្ននៅខ្វះ អាស្រ័យអង្គភាពមានករណីកម្មាភិបាលលាឈប់តាមរបបគោលនយោបាយ ចូលនិវត្តន៍ លាឈប់ពីការងារ និងប្តូរការងារ (ថ្នាក់ដឹកនាំការិយាល័យវប្បធម៌-សង្គម ៩ករណី; អនុប្រធានគណៈកម្មាធិការរណសិរ្សមាតុភូមិវៀតណាម ១៣ករណី)។ ចំនួនក្របខ័ណ្ឌសរុបផ្នែកស្ថាប័នបក្ស និងរណសិរ្សមាតុភូមិ បើប្រៀបធៀបនឹងកម្រិតក្របខ័ណ្ឌបច្ចុប្បន្ន នៅខ្វះអ្នករដ្ឋការចំនួន ១១៩នាក់; ចំនួនក្របខ័ណ្ឌសរុបផ្នែកស្ថាប័នរដ្ឋអំណាចបច្ចុប្បន្ន នៅខ្វះអ្នករដ្ឋការចំនួន ២៦៦នាក់។ វិស័យដែលនៅខ្វះសំខាន់គឺ បច្ចេកវិទ្យាព័ត៌មាន (រួមមាន សន្តិសុខបណ្តាញ); ហិរញ្ញវត្ថុ-ផែនការ; សំណង់ឧស្សាហ-ពាណិជ្ជកម្ម គមនាគមន៍; កសិកម្ម បរិស្ថាន; វប្បធម៌ ព័ត៌មាន និងទូរគមនាគមន៍ វិទ្យាសាស្ត្រ បច្ចេកវិទ្យា ការងារជនជាតិ-សាសនា សុខាភិបាល; មជ្ឈមណ្ឌលរដ្ឋបាលសាធារណៈ។
ចំពោះការទទួលចូលធ្វើជាអ្នករដ្ឋការថ្នាក់ឃុំ គណៈចាត់តាំងនៃគណៈកម្មាធិការបក្សទីក្រុង កំពុងបូកសរុប ១១ករណី និងពិនិត្យ ៧ករណី ទទួលចូលធ្វើជាអ្នករដ្ឋការ (ពីប្រភពបុគ្គលិកថ្នាក់ទីក្រុង); គណៈកម្មាធិការប្រជាជនទីក្រុង បានទទួលចូលធ្វើជាអ្នករដ្ឋការថ្នាក់ឃុំចំនួន ៦២ករណី។
តាមការត្រួតពិនិត្យ ស្ថាប័នបក្ស និងរណសិរ្សមាតុភូមិថ្នាក់ឃុំ មានកន្លែងសល់ច្រើនបំផុត ២៩នាក់ (ឃុំហ្វាលឺវ) និងមានកន្លែងខ្វះ ច្រើនបំផុត ១១នាក់ (ឃុំផុងណឹម); ស្ថាប័នរដ្ឋថ្នាក់ឃុំ មានកន្លែងសល់ច្រើនបំផុត ២០នាក់ (សង្កាត់ហឹងភូ) និងកន្លែងខ្វះ ច្រើនបំផុត ២២នាក់ (សង្កាត់តឹងអាង)។
តាមគណៈចាត់តាំងនៃគណៈកម្មាធិការបក្សទីក្រុង មូលហេតុនៃការខ្វះកម្មាភិបាល និងអ្នករដ្ឋការ គឺដោយសារបំណងប្រាថ្នាផ្ទាល់ខ្លួនក្នុងការលាឈប់ដើម្បីទទួលរបប និងគោលនយោបាយតាមអនុក្រឹត្យលេខ ១៧៨ និងអនុក្រឹត្យលេខ ៦៧; មានទីតាំងការងារមួយចំនួនទាមទាលក្ខខណ្ឌខ្ពស់ និងមានសម្ពាធច្រើន ផ្តើមពីនោះបណ្តាសមមិត្តមិនអាចបំពេញតាមតម្រូវការភារកិច្ចបាន ហើយត្រូវសុំលាឈប់ពីការងារ ឬប្តូរការងារ; ភូមិឋានខ្លះនៅដាច់ស្រយាល លក្ខណៈធ្វើដំណើរលំបាក ដូច្នេះមិនអាចទាក់ទាញបានកម្មាភិបាលវ័យក្មេង ឬកម្មាភិបាលស្ម័គ្រចិត្តមកបម្រើការងារ; ប្រភពបុគ្គលិកនៅនឹងកន្លែងមិនអាចឆ្លើយតបតាមលក្ខឋាន និងលក្ខខណ្ឌនៃទីតាំងការងារ រួមទាំងទីតាំងថ្នាក់ដឹកនាំគ្រប់គ្រងនិងទីតាំងមុខជំនាញវិជ្ជាជីវៈ។
ដំណោះស្រាយដើម្បីជំនះស្ថានភាពខ្វះឬសល់ចំនួនកម្មាភិបាល គឺកសាងនិងសុក្រឹត គម្រោងទីតាំងការងារ ដើម្បីជ្រើសរើសប្រភពកម្មាភិបាលដែលមានសមត្ថភាពនិងកម្រិតវិជ្ជាទៅតាមតម្រូវការនៃទីតាំងការងារដែលត្រូវការជ្រើសរើស; រៀបចំនិងបញ្ជូនបុគ្គលិករវាងឃុំ សង្កាត់ គប្បីធានានូវរចនាសម្ព័ន្ធនិងសមស្របជាមួយតម្រូវការភារកិច្ច; ចុះកិច្ចសន្យាការងារ ជាមួយអ្នកដែលមានជំនាញវិជ្ជាជីវៈ ដែលអាចឆ្លើយតបនឹងតម្រូវការភារកិច្ចភ្លាមៗ; ប្រញាប់ចាត់តាំងបំពាក់បំប៉ន ការយល់ដឹងដឹង និងលើកកម្ពស់បំណិនបំពេញការងាររដ្ឋចំពោះកងជួរកម្មាភិបាលថ្នាក់មូលដ្ឋាន; បន្តការតែងតាំងកម្មាភិបាលមានមុខជំនាញថ្នាក់ឃុំ តាមរយៈរូបភាពចាត់បញ្ជូនបណ្តោះអាសន្ន ក្នុងនោះ ចង្អុលការដល់មន្ទីរ ផ្នែកនានាអនុវត្តម៉ឹងម៉ាត់នូវផែនការចាត់បញ្ជូនកម្មាភិបាល អ្នករដ្ឋការបណ្តោះអាសន្នរយៈពេលខ្លីទៅកាន់មូលដ្ឋាន។
អំពីការទូរទាត់របបនិងគោលនយោបាយសម្រាប់កម្មាភិបាល អ្នករដ្ឋការនិងបុគ្គលិក ដែលមានសេចក្តីសម្រេចចូលនិវត្តន៍ លាឈប់ពីការងារ តាមអនុក្រឹត្យលេខ ១៧៨ និងអនុក្រឹត្យលេខ ៦៧ គិតត្រឹមថ្ងៃទី៧ ខែតុលា ឆ្នាំ២០២៥ ចំនួនអ្នកដែលមានសេចក្តីសម្រេចដោះស្រាយមាន ៣.២២៣ករណី។ គិតដល់ម៉ោង១១ ថ្ងៃទី៩ ខែតុលា ឆ្នាំ២០២៥ ចំនួនអ្នកដែលទទួលបានប្រាក់ទូរទាត់ពីរធនាគារជាតិមានចំនួន ២.៤៧៣នាក់ ជាមួយនឹងចំនួនទឹកប្រាក់សរុបជាង ២.៥០៩លានដុង សម្រេចអត្រា ៦២,៤៣%។
លោក ឡេក្វាងតុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុង
ថ្លែងការបញ្ចប់អង្គសន្និបាត។ រូបថត៖ អាញយ៉ុង
លោក ឡេក្វាងតុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុង ថ្លែងការបញ្ចប់និងចង្អុលការអង្គសន្និបាតដោយសង្កត់ធ្ងន់ថា៖ នៅពេលខាងមុខ គណៈអចិន្ត្រៃយ៍នៃគណៈកម្មាធិការបក្សទីក្រុងនឹងចង្អុលការបង្កើនការតែងតាំងកម្មាភិបាល និងអ្នករដ្ឋការដែលមានជំនាញផ្នែកកសិកម្មឱ្យទៅបម្រើការងារនៅឃុំដែលមានរចនាសម្ព័ន្ធសេដ្ឋកិច្ចជាសំខាន់ខាងកសិកម្ម។ ចង្អុលការវិនិយោគខ្លាំងក្លា អនុវត្តវិទ្យាសាស្ត្រ បច្ចេកវិទ្យា និងការផ្លាស់ប្តូរឌីជីថល ដើម្បីដំណើរការរលូន និងមានប្រសិទ្ធភាពរាល់សកម្មភាព ពិសេសនៅឃុំនិងសង្កាត់។ ចង្អុលការពិនិត្យឡើងវិញនូវទីតាំងការងាររបស់កម្មាភិបាល និងអ្នករដ្ឋការឃុំ សង្កាត់ ដើម្បីដឹងច្បាស់កន្លែងណាខ្វះនិងកន្លែងណាសល់ ដើម្បីបំពេញបន្ថែមនិងកែសម្រួលចំនួនក្របខ័ណ្ឌឱ្យបានទាន់ពេលស្របតាមបទប្បញ្ញត្តិ ហើយមានផែនការតែងតាំង បណ្តុះបណ្តាល បំពាក់បំប៉ន និងណែនាំមុខជំនាញ វិជ្ជាជីវៈ ពិសេសលើមុខជំនាញនៃវិស័យនានាដែលឃុំ សង្កាត់ត្រូវការនិងខ្វះខាត។ គណៈអចិន្ត្រៃយ៍នៃគណៈកម្មាធិការបក្សទីក្រុងចង្អុលការប្រកាសឱ្យប្រើយន្តការ និងគោលនយោបាយដើម្បីទាក់ទាញអ្នកមានកម្រិតវិជ្ជានិងសមត្ថភាពទៅបម្រើការងារនៅឃុំ សង្កាត់ ជាពិសេសនៅតាមភូមិភាគដែលនៅឆ្ងាយពីមជ្ឈមណ្ឌលទីក្រុង។ លេខាគណៈកម្មាធិការបក្សទីក្រុងបានសំណូមគណៈចាត់តាំងនៃគណៈកម្មាធិការបក្សទីក្រុង ការិយាល័យគណៈកម្មាធិការបក្សទីក្រុង និងមន្ទីរ ផ្នែកទីក្រុងទទួលរាល់មតិយោបល់ដែលបានលើកឡើងក្នុងអង្គសន្និបាត ដើម្បីបូកសរុបលើកជូនគណៈអចិន្ត្រៃយ៍នៃគណៈកម្មាធិការបក្សទីក្រុងចង្អុលការអនុវត្ត៕
អត្ថបទនិងរូបថត៖ អាញយ៉ុង - សុផន
អគ្គនិពន្ធនាយកស្តីទី: ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
ពាក្យគន្លឹះ