ព្រឹត្តិការណ៍ - នយោបាយ ព្រឹត្តិការណ៍

18/04/2024 - 15:55

សាលាមធ្យមសិក្សាបាលី-ខ្មែរខេត្តត្រាវិញ អបអរសាទរខួបអនុស្សាវរីយ៍ ១០ ឆ្នាំបង្កើតសាលា

មន្ទីរអប់រំនិងបណ្តុះបណ្តាលខេត្តត្រាវិញ ទើបរៀបចំពិធីអបអរសាទរខួបអនុស្សាវរីយ៍ ១០ ឆ្នាំ បង្កើតសាលាមធ្យមសិក្សាបាលី-ខ្មែរខេត្តត្រាវិញ។ ចាប់ពីថ្ងៃបង្កើតមកទល់ពេលនេះ សាលាបានរួមចំណែកជាវិជ្ជមានយ៉ាងច្រើនលើវិស័យបណ្តុះបណ្តាល និងបំប៉នប្រភពធនធានមនុស្សជាច្រើនដល់ខេត្ត។

អ្នកតំណាងចូលរួមក្នុងពិធីអបអរសាទរខួបអនុស្សាវរីយ៍បង្កើតសាលា។

ថ្លែងក្នុងពិធីនេះ សមមិត្ត ឡេថាញប៊ិញ អនុប្រធានគណៈកម្មាធិការប្រជាជនខេត្តត្រាវិញ បានវាយតម្លៃខ្ពស់ និងស្ងើចសរសើរនូវស្នាដៃសម្រេចបានរបស់សាលាក្នុងអំឡុងពេល ១០ ឆ្នាំកន្លង។ ទន្ទឹមនឹងនោះ សង្ឃឹមថា សាលានឹងឆ្ពោះទៅកាន់ទិសដៅបណ្តុះបណ្តាលប្រភពធនធានមនុស្ស រួមជាមួយនឹងខេត្តអនុវត្តទិសដៅ “លើកកម្ពស់ប្រជាបញ្ញា បណ្តុះបណ្តាលប្រភពធនធានមនុស្ស បំពាក់បំប៉នបញ្ញវន្ត” ជាជនជាតិខ្មែរដល់ខេត្ត។

ក្នុងឱកាសនេះ ប្រធានគណៈកម្មាធិការប្រជាជនខេត្តត្រាវិញ បានជូនប័ណ្ណសរសើរចំនួន ២១ (ដល់សមូហភាពចំនួន ៧ និងបុគ្គល ១៤ អង្គនិងរូប); នាយកមន្ទីរអប់រំនិងបណ្តុះបណ្តាល បានជូនលិខិតសរសើរដល់បុគ្គលចំនួន ១៧ រូប ដោយមានស្នាដៃក្នុងការកសាងនិងអភិវឌ្ឍន៍សាលារៀន៕

សើុងម៉ាល័យ-វិមាន

ចែករំលែកអត្ថបទ

ពាក្យគន្លឹះ