សុខភាព - អប់រំ សុខភាព

22/01/2024 - 16:02

ដំណោះស្រាយបង្កើនសុខភាពនិងអាយុក្នុងឆ្នាំថ្មី

ដើម្បីបង្កើនសុខភាពក្នុងឆ្នាំថ្មី២០២៤ បណ្ឌិត Brett Osborn អ្នកជំនាញផ្នែកសរសៃប្រសាទ និងអាយុនៅសហរដ្ឋអាមេរិក បានលើកទឹកចិត្តមនុស្សគ្រប់រូប អនុវត្តវិធីសាស្រ្តមូលដ្ឋានមួយចំនួនដែលបានបញ្ជាក់រួច មានលទ្ធភាពកែលម្អសុខភាពនិងអាយុដូចខាងក្រោម៖

ការអង្គុយលេងជួបជុំជាមួយនឹងគ្រួសារ សាច់ញាតិ គឺជាវិធីល្អបំផុត
សម្រាប់សុខភាពផ្លូវចិត្ត។ រូបថត៖ Adobe Stock

ទទួលទានអាហារដែលប្រឆាំងការរលាក និងមានសន្ទស្សន៍ជាតិស្ករក្នុងឈាម (GI) ទាប។

បណ្ឌិត Osborn បានឱ្យដឹង ការប្រកាន់ខ្ជាប់របបទទួលទានដែលមាន GI ទាប (ប៉ុន្តែនៅតែធានាការទទួលទានគ្រប់តម្រូវការកាឡូរីរៀងរាល់ថ្ងៃ) នឹងជួយបន្ថយកម្រិត insulin ជំរុញដល់ការបន្ថយជាតិខ្លាញ់និងរក្សាបរិមាណសាច់ដុំ។ លោកណែនាំគ្រប់គ្នាគប្បីបរិភោគជាតិម្សៅ ជាតិស្ករ (carb) ឱ្យបានច្រើនពីមើមផ្លែឈើនិងបន្លែ កាត់បន្ថយប្រភេទ carb សាមញ្ញដែលមានសន្ទស្សន៍ជាតិស្ករក្នុងឈាមខ្ពស់ជាង៤០ ដូចជាស្ករ នំបុ័ង មីនិងបាយ។ ទន្ទឹមនឹងនោះ គួរតែបំពេញបន្ថែមប្រភពខ្លាញ់ល្អ - ពីប្រេងអូលីវ ផ្លែប័រ គ្រាប់ធញ្ញជាតិ ព្រមទាំងទទួលទានប្រូតេអ៊ីនក្នុងកម្រិតសមល្មមពីសាច់សុទ្ធនិងត្រី ដើម្បីរក្សាបរិមាណសាច់ដុំ។ របបទទួលទានសម្បូរទៅដោយផ្លែឈើ និងបន្លែក៏មានឥទ្ធិពលប្រឆាំងការរលាក និងការពារសុខភាពផងដែរ។

ផ្តល់អាទិភាពដល់ការលំហាត់ប្រាណ

បណ្ឌិត Osborn បានឱ្យដឹង ការបាត់បង់សាច់ដុំដោយសារអាយុមិនត្រឹមតែបណ្តាលឱ្យកើតជំងឺនាំឱ្យរាងកាយចុះខ្សោយប៉ុណ្ណោះទេ ថែមទាំងធ្វើឱ្យចុះខ្សោយមុខងារចងចាំទៀតផង។ នោះជាមូលហេតុ ដែលយើងត្រូវការពារសាច់ដុំតាមរយៈការលំហាត់ប្រាណគឺមានសារៈសំខាន់ណាស់។ ជាការពិត សមត្ថភាពបង្ការជំងឺដែលទាក់ទងនឹងអាយុ ដូចជាសរសៃឈាមបេះដូងនិងមហារីក គឺស្ថិតក្នុងបរិមាណសាច់ដុំ។ លើសពីនេះ ការបង្កើនសាច់ដុំក៏ជាវិធីលឿនបំផុតក្នុងការរំលាយខ្លាញ់ក្បាលពោះផងដែរ។

ដើម្បីលំហាត់ប្រាណឱ្យមានប្រសិទ្ធភាព បណ្ឌិត Osborn បានរំលឹកអ្នកគ្រប់គ្នាគប្បីប្រកាន់យកការកម្រើកចលនាជាមូលដ្ឋាន គួបផ្សំនឹងបង្កើនល្បឿន “បន្ទុក” ធ្វើឱ្យសាច់ដុំបញ្ចេញ ចលនាប្រតិកម្មបង្កើតសាច់ដុំ។ តួយ៉ាងដូច លោកអ្នកគួរកត់ត្រាមេលំហាត់កម្លាំង កម្រិតលំហាត់ និងចំនួនដងការលំហាត់សាឡើងវិញ ទៅក្នុងកំណត់ហេតុប្រចាំថ្ងៃ ផ្ដើមពីនោះ ខិតខំកែលម្អលទ្ធផលតាមរយៈការលំហាត់ម្តងៗ។ ដោយរបៀបនេះ លទ្ធផលនៃការចលនានឹងកែលម្អបន្តិចម្ដងៗ ខណៈពេលរាងកាយសុំជាមួយនឹងសំណូមពរដែលលោកអ្នកដាក់ចេញ។

ឆ្លងតាមរយៈការលំហាត់សាច់ដុំ សុខភាពខួរក្បាលក៏មានភាពប្រសើរឡើងដែរ ដ្បិតអីការលំហាត់ប្រាណក៏បានបញ្ចេញសារធាតុគីមីដែលការពារមុខងារចងចាំ មានប្រយោជន៍ដល់ការរៀនសូត្រនិងចងចាំ។

ពិនិត្យឈាមតាមកាលកំណត់

នៅពេលវ័យកាន់តែចាស់ ស្ថានភាពរលាកនឹងកើនឡើង ខណៈពេលកម្រិតអ័រម៉ូនថយចុះ ហើយវាកាន់តែពិបាកដល់ការគ្រប់គ្រងកម្រិតជាតិស្ករក្នុងឈាម។ ការរួមបញ្ចូលគ្នានៃកត្តាទាំង៣នេះ រួមជាមួយនឹងកត្តាជាច្រើនទៀត នឹងពន្លឿនដំណើរការនៃភាពចាស់និងការថយ ចុះនៃសុខភាព។

វិធីល្អបំផុតដើម្បីពន្យារភាពចាស់ គឺត្រូវបង្កើនឱ្យខ្ពស់បំផុតនៃសន្ទស្សន៍ជីវគីមី។ អាស្រ័យហេតុនោះ បណ្ឌិត Osborn បានរំលឹកគួរតែធ្វើតេស្ដឈាមឱ្យបានទៀងទាត់ ដើម្បីពិនិត្យមើលសញ្ញាសម្គាល់ជីវសាស្រ្ត ដែលប៉ះពាល់ធំបំផុតដល់សុខភាពទូទៅ រួមមាន HbA ១c (វាយតម្លៃ ស្ថានភាពជាតិស្ករក្នុងឈាម) កម្រិត insulin (កម្រិតខ្លាញ់ក្នុងឈាម) Apolipoprotein B (វាយតម្លៃហានិភ័យនៃជំងឺក្រិនសរសៃឈាម) CRP (សញ្ញាសម្គាល់ការរលាកក្នុងរាងកាយ) និងកម្រិតអ័រម៉ូនសំខាន់ៗមួយចំនួន។

បង្ការភាពតានតឹងក្នុងអារម្មណ៍ (stress)

យោងតាមបណ្ឌិត Osborn ការគ្រប់គ្រងបានល្អនៃកម្រិត stress គឺជាកត្តាសំខាន់មួយក្នុងចំណោមកត្តាសំខាន់បំផុត ប៉ុន្តែច្រើនតែត្រូវបានមើលរំលងចំពោះសុខភាពទូទៅ។ សកម្មភាពមួយចំនួនដែលជួយកាត់បន្ថយ stress ប្រសិទ្ធភាព រួមមានសកម្មភាពបន្ធូរអារម្មណ៍ផ្លូវចិត្ត ដូចជាការលំហាត់យោគៈ សមាធិ និងចំណាយពេលសម្របខ្លួនជាមួយធម្មជាតិ។ ប្រការសំខាន់ជាងទៀត គឺលោកអ្នកគួររៀបចំពេលវេលាឈប់សម្រាកឱ្យបានសមស្រប និងកំណត់ពេលវេលាជិតដិតជាមួយឧបករណ៍បច្ចេកវិទ្យា។ គេងឱ្យបានគ្រប់គ្រាន់ និងបង្កើនការប្រស្រ័យ ទំនាក់ទំនងជាមួយសាច់ញាតិ មិត្តភ័ក្ដិក៏ជាវិធី កាត់បន្ថយ stress មានប្រសិទ្ធភាពផងដែរ៕

យោង៖ កាសែតកឹងធើ - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ