មហាសាមគ្គីជនជាតិ ភូមិស្រុកផ្លាស់ថ្មី

12/08/2026 - 08:16

ផ្លាស់ប្តូរផ្នត់គំនិតផលិតផ្តើមពីទម្រង់ចិញ្ចឹមគោវិលជុំ

ក្នុងបរិការណ៍ដែលផ្នែកកសិកម្មកំពុងបោះជំហានផ្លាស់ប្តូរតាមទិសដៅបៃតងចីរភាព ទម្រង់ចិញ្ចឹមគោសាច់ តាមទិសដៅសេដ្ឋកិច្ចវិលជុំ កំពុងអះអាងពីប្រសិទ្ធភាពយ៉ាងច្បាស់នៅឃុំទ្រីតូង ខេត្តអាងយ៉ាង។ មិនត្រឹមតែជួយអ្នកចិញ្ចឹមបន្ថយចំណាយផលិត បង្កើនប្រាក់ចំណូលប៉ុណ្ណោះទេ ទម្រង់ថែមទាំងរួមចំណែកដោះស្រាយកាកសំណល់ ការពារបរិស្ថាន និងឆ្លៀតប្រើប្រាស់អស់ពីលទ្ធភាពជាអតិបរមាពីប្រភពអនុផលកសិកម្មទៀតផង។

ចិញ្ចឹមគោតាមទិសដៅវិលជុំជួយកសិករបន្ថយចំណាយបង្កើនប្រាក់ចំណូល។

កាលពីមុន នៅអាងយ៉ាង គ្រួសារប្រជាជនជាច្រើនបានចិញ្ចឹមគោតាមបែបប្រពៃណី សំខាន់ផ្តោតលើស្មៅធម្មជាតិ ម្ល៉ោះហើយទិន្នផលមិនសូវបានខ្ពស់ រយៈពេលចិញ្ចឹមអូសបន្លាយយូរ។ ទន្ទឹមនឹងនោះ កាកសំណល់ពីការចិញ្ចឹមមិនទាន់បានដោះស្រាយឱ្យបានដាច់ស្រឡះ បង្កប់ហានិភ័យបណ្តាលឱ្យកខ្វក់បរិស្ថាន។ នៅពេលផ្លាស់ប្តូរមកទម្រង់ចិញ្ចឹមតាមទិសដៅសេដ្ឋកិច្ចវិលជុំ សង្វាក់ផលិត សន្សឹមៗបានបិទជិត។ ផ្តើមពីម្ចាស់ការដាំស្មៅ ឆ្លៀតប្រើប្រាស់អស់ពីលទ្ធភាពនៃអនុផលកសិកម្មធ្វើជាចំណីគោ រហូតដល់ការដោះស្រាយកាកសំណល់ឱ្យទៅជាជីសរីរាង្គ សម្រាប់បម្រើឱ្យការដាំដុះ ទាំងអស់នេះបង្កបានការផលិតប្រកបដោយចីរភាព ជួយប្រិតសំចៃថវិកា និងលើកកម្ពស់តម្លៃបន្ថែម។

នៅឃុំទ្រីតូង ជាមួយប្រៀបខ្លាំងដែលមានផ្ទៃដីវប្បកម្មធំទូលាយ ដើមឈើលូតលាស់ល្អ អាកាសធាតុត្រជាក់ល្មម ភូមិភាគមានលក្ខណៈងាយស្រួលជាច្រើនដើម្បីអភិវឌ្ឍទម្រង់នេះ។ ប្រជាជនប្រើប្រាស់អស់ពីលទ្ធភាពប្រភពចំបើងក្រោយពីប្រមូលផល និងអនុផលកសិកម្មផ្សេងៗធ្វើជាចំណីគោ។ ពិសេស កាកសំណល់ក្រោយពីដោះស្រាយបានយកទៅប្រើប្រាស់ធ្វើជាជីសម្រាប់ដាក់ដំណាំ រួមចំណែកបន្ថយចំណាយផលិត និងការពារបរិស្ថាន។ បងចូវគឹមយឿង នៅភូមិតូជុង ឃុំទ្រីតូង ចែករំលែក៖ “កាលពីមុន ចំបើងនិងដំឡូងជ្វាក្រោយពីប្រមូលផលច្រើនតែចោលនៅឯស្រែ ឥឡូវនេះ ត្រូវបានយកមកធ្វើជាចំណីគោមានប្រសិទ្ធភាពណាស់។ លាមកគោក៏មិនមែនជាកាកសំណល់ទៀតដែរ ប៉ុន្តែបានក្លាយជាប្រភពជីសរីរាង្គបម្រើ ឱ្យការផលិត។ អាស្រ័យហេតុនោះ ប្រាក់ចំណាយបន្ថយយ៉ាងច្បាស់ ខណៈហ្វូងគោវិញធំធាត់ល្អឆាប់ ឡើងទម្ងន់លឿនជាងមុន”។

តាមប្រសាសន៍លោក ឡឹមហ៊ឺវហាញ់ ប្រធានសមាគមកសិករឃុំទ្រីតូង ទម្រង់ចិញ្ចឹមគោសាច់តាមទិសដៅសេដ្ឋកិច្ចវិលជុំកំពុងនាំមកប្រសិទ្ធភាពជាក់ស្តែងនៅភូមិភាគ។ ការប្រើប្រាស់អស់ពីលទ្ធភាពអនុផលកសិកម្ម និងការប្រើប្រាស់កាកសំណល់ឡើងវិញ មិនត្រឹមតែជួយបន្ថយចំណាយប៉ុណ្ណោះទេ ថែមទាំងរួមចំណែកកសាងវិស័យកសិកម្មជិតស្និទ្ធនឹងបរិស្ថានទៀតផង។ រយៈពេលខាងមុខ សមាគមនឹងបន្តឃោសនា ចលនាសមាជិកផ្សព្វផ្សាយទូលាយទម្រង់ ព្រមទាំងជួយឧបត្ថម្ភបច្ចេកទេសដើម្បីប្រជាជនអនុវត្តកាន់តែមានប្រសិទ្ធភាព។

អាចនឹងឃើញថា ការផ្លាស់ប្តូរផ្នត់គំនិតផលិត ឆ្លៀតប្រើប្រាស់មានប្រសិទ្ធភាពពីប្រភពធនធានដែលមានស្រាប់ គឺជាគន្លឹះដ៏សំខាន់ដើម្បីអភិវឌ្ឍសេដ្ឋកិច្ចជន បទក្នុងដំណាក់កាលនាបច្ចុប្បន្ន។ នេះក៏ជាទិសដៅដែលត្រូវបន្តផ្សព្វផ្សាយទូលាយ រួមចំណែកកសាងវិស័យកសិកម្មទំនើប ប្រកបដោយប្រសិទ្ធភាពនិងចីរភាព៕

ហុងទើ - លីសៀ

ចែករំលែកអត្ថបទ

ពាក្យគន្លឹះ