គោលនយោបាយ -ការរស់នៅ ច្បាប់

11/08/2026 - 21:38

ម្ចាស់ការទប់ស្កាត់ការរៀបអាពាហ៍ពិពាហ៍មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោហិតនឹងគ្នាចាប់ពីមូលដ្ឋាន

រយៈពេលកន្លង ទីក្រុងកឹងធើបានម្ចាស់ការផ្សព្វផ្សាយដំណោះស្រាយព្រមៗគ្នាជាច្រើនចាប់ពីមូលដ្ឋាន សំដៅទប់ស្កាត់ស្ថានភាពការរៀបអាពាហ៍ពិពាហ៍មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោហិតនឹងគ្នាក្នុងតំបន់ជនជាតិភាគតិច។ តាមរយៈកិច្ចប្រជុំឃោសនា ផ្សព្វផ្សាយច្បាប់ ស្មារតីភ្ញាក់រលឹករបស់ប្រជាជនសន្សឹមៗបានលើកកម្ពស់ រួមចំណែកបង្ការ និងកាត់បន្ថយស្ថានភាពការរៀបអាពាហ៍ពិពាហ៍មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោហិតនឹងគ្នានៅភូមិភាគ។

កិច្ចប្រជុំឃោសនាសំដៅកាត់បន្ថយស្ថានភាពការរៀបអាពាហ៍ពិពាហ៍មិនទាន់គ្រប់អាយុនិងអាពាហ៍ពិពាហ៍ជាប់សាច់សាលោហិតនឹងគ្នាក្នុងតំបន់ជនជាតិភាគតិច។

អនុវត្តផែនការលេខ៦៧/KH-SDTTG ចុះថ្ងៃ ២៩ ខែឧសភា ឆ្នាំ ២០២៦ របស់មន្ទីរជនជាតិ និងសាសនាទីក្រុងកឹងធើ បានផ្សព្វផ្សាយចាត់តាំងកិច្ចប្រជុំឃោសនាសំដៅកាត់បន្ថយស្ថានភាពការរៀបអាពាហ៍ពិពាហ៍មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោហិតនឹងគ្នាក្នុងតំបន់ជនជាតិភាគតិច។ នេះគឺជាខ្លឹមសារមួយក្នុងចំណោមខ្លឹមសារសំខាន់ៗចំណុះអនុគម្រោង ២ ស្តីពីការកាត់បន្ថយស្ថានភាពការរៀបអាពាហ៍ពិពាហ៍ មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោហិតនឹងគ្នា ស្ថិតក្នុងគម្រោង ៩ នៃកម្មវិធីគោលដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិច។

តាមរយៈនោះ មន្ទីរជនជាតិ និងសាសនាសហការជាមួយគណៈកម្មាធិការប្រជាជនបណ្តាឃុំ សង្កាត់ ដូច៖ មីស្វៀង វិញហាយ មីហឿង តឹងថាញ់ កេសាច់ និងត្រឹងដេ ចាត់តាំងកិច្ចប្រជុំឃោសនាបានចំនួន ៦ លើក ទាក់ទាញអ្នកតំណាងប្រមាណ ៥៣០ នាក់ គឺជាយុវជន នារីជាជនជាតិភាគតិច ព្រមទាំងកងជួរអ្នកឃោសនាច្បាប់ដែលកំពុងអនុវត្តផ្ទាល់ការងារផ្សព្វផ្សាយ អប់រំច្បាប់នៅមូលដ្ឋាន។ ខ្លឹមសារនៃកិច្ចប្រជុំផ្តោតសំខាន់លើការផ្តល់ចំណេះដឹង បំណិនមូលដ្ឋានអំពីការថែទាំសុខភាពបន្តពូជនលើអនីតិជន; កំណត់ទិសដៅការរៀបអាពាហ៍ពិពាហ៍ជឿនលឿន គ្រួសារសុភមង្គល; ទន្ទឹមនឹងនោះលើកកម្ពស់ការទទួលខុសត្រូវរបស់គ្រួសារ និងសហគមន៍ក្នុងការបង្ការ ទប់ស្កាត់ការរៀបអាពាហ៍ពិពាហ៍មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោហិតនឹងគ្នា។ ព្រមជាមួយនោះ បណ្តាតំណាងនៅទាំងបានកៀកជិតនឹងបទបញ្ញត្តិច្បាប់ដែលពាក់ព័ន្ធដល់អាពាហ៍ពិពាហ៍ និងគ្រួសារ; ស្វែងយល់ឱ្យកាន់តែស៊ីជម្រៅអំពីផលវិបាកនៃការរៀបអាពាហ៍ពិពាហ៍មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោកហិតនឹងគ្នាចំពោះសុខភាព គុណភាពប្រជាជន ជីវភាពគ្រួសារ ក៏ដូចជាការអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច។

មិនត្រឹមតែការផ្ទេរចំណេះដឹងប៉ុណ្ណោះទេ កិច្ចប្រជុំនីមួយៗថែមទាំងផ្តោតសំខាន់លើការបំពាក់បំប៉នបំណិនជាក់ស្តែង ដូចជាបំណិនឃោសនា ចលនា ផ្តល់ពិគ្រោះ និងកំណត់ទិសដៅដល់យុវជនយុវនារី អាណាព្យាបាល និងសហគមន៍; បំណិនធ្វើបទបង្ហាញ ជះឥទ្ធិពលទៅវិញទៅមក និងដោះស្រាយស្ថានការណ៍ក្នុងដំណាក់កាលឃោសនានៅមូលដ្ឋាន។ តាមរយៈនោះ ជួយកងជួរអ្នកឃោសនាលើកកម្ពស់សមត្ថភាព មានទំនុកចិត្តជាងទៀតក្នុងការផ្សព្វផ្សាយនូវសកម្មភាពឃោសនា រួមចំណែកបង្កការផ្លាស់ប្តូរជាវិជ្ជមានអំពីស្មារតីភ្ញាក់រលឹក និងការប្រព្រឹត្តក្នុងប្រជាជន។

យុវជន នារីជាជនជាតិភាគតិចច្រើនកុះករ និងកងជួរអ្នកឃោសនាខ្នះខ្នែងចូលរួមកិច្ចប្រជុំ។

នៅឃុំត្រឹងដេជាភូមិឋានមួយក្នុងចំណោមភូមិឋានដែលមានជនជាតិភាគតិចរស់នៅកុះករ កិច្ចប្រជុំឃោសនាបានទាក់ទាញអ្នកតំណាងចូលរួមចំនួន ១១០ នាក់។ ក្នុងបរិយាកាសដោះដូរយ៉ាងរីករាយ អ្នកតំណាងទាំងឡាយសកម្មពិភាក្សា ចែករំលែកបទពិសោធន៍ជាក់ស្តែង តាមរយៈនោះ យល់កាន់តែច្បាស់អំពីផលប៉ះពាល់នៃការរៀបអាពាហ៍ពិពាហ៍មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោហិតនឹងគ្នា ក៏ដូចជាតួនាទីរបស់បុគ្គលម្នាក់ៗក្នុងការឃោសនា ចលនាក្នុងសហគមន៍។ អ្នកមីងឡឹមធីថូន – សមាជិកសមាគមសហពន្ធនារីឃុំត្រឹងដេ ឱ្យដឹង៖ “តាមរយៈការឃោសនា ខ្ញុំយល់កាន់តែច្បាស់អំពីផលប៉ះពាល់នៃការរៀបអាពាហ៍ពិពាហ៍មិនទាន់គ្រប់អាយុចំពោះសុខភាព និងអនាគតរបស់កូនចៅ។ ខ្ញុំនឹងចលនាគ្រួសារ និងមាមីងក្នុងភូមិស្រុក មិនត្រូវឱ្យកូនចៅរៀបអាពាហ៍ពិពាហ៍នៅពេលមិនទាន់គ្រប់អាយុ រួមគ្នាកសាងគ្រួសារសុភមង្គល និងជឿនលឿន”។

តាមរយៈសង្វាក់សកម្មភាពឃោសនាបានផ្សព្វផ្សាយព្រមៗគ្នា ស្មារតីភ្ញាក់រលឹករបស់ប្រជាជន ពិសេសគឺយុវជនយុវនារីតំបន់ជនជាតិភាគតិច មានការផ្លាស់ប្តូរយ៉ាងពិតប្រាកដ។ ប្រជាជនកាន់តែយល់ច្បាស់អំពីបទប្បញ្ញត្តិច្បាប់ ក៏ដូចជាផលវិបាកយូរអង្វែងនៃការរៀបអាពាហ៍ពិពាហ៍មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោហិតនឹងគ្នា ផ្តើមពីនោះម្ចាស់ការបង្ការចៀសវាង និងសកម្មចូលរួមឃោសនានៅសហគមន៍។ តាមប្រសាសន៍លោកស្រី ថាច់ធីកេរិន្ទ – នាយិការងមន្ទីរជនជាតិ និងសាសនាទីក្រុងកឹងធើ ការចាត់តាំងកិច្ចប្រជុំ មិនត្រឹមតែសំដៅផ្តល់ចំណេះដឹងផ្នែកច្បាប់ប៉ុណ្ណោះទេ ថែមទាំងឆ្ពោះទៅរកការផ្លាស់ប្តូរស្មារតីភ្ញាក់រលឹក និងការប្រព្រឹត្តក្នុងសហគមន៍ទៀតផង។ តាមរយៈនោះ ពង្រីកតួនាទីរបស់គ្រួសារ សាលារៀន និងសង្គម ក្នុងការគ្រប់គ្រង អប់រំយុវជន យុវនារី រួមចំណែកបង្ការឱ្យបានមុន ពីចម្ងាយ នូវស្ថានភាពរៀបអាពាហ៍ពិពាហ៍មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោហិតនឹងគ្នា។

អាចនឹងឃើញថា ការម្ចាស់ការផ្សព្វផ្សាយនូវដំណោះស្រាយចាប់ពីមូលដ្ឋាន បាននិងកំពុងនាំមកប្រសិទ្ធភាពជាក់ស្តែង រួមចំណែកយ៉ាងសំខាន់ទៅក្នុងគោលដៅកាត់បន្ថយ និងឈានដល់ការបញ្ចប់នូវស្ថានភាពការរៀបអាពាហ៍ពិពាហ៍មិនទាន់គ្រប់អាយុ និងអាពាហ៍ពិពាហ៍ជាប់សាច់សាលោហិតនឹងគ្នាលើភូមិឋានទីក្រុងកឹងធើ។ នេះក៏ជាមូលដ្ឋានគ្រឹះដើម្បីលើកកម្ពស់គុណភាពប្រជាជន កសាងគ្រួសារសុខដុមរមនា ជឿនលឿន សុភមង្គល និងជំរុញអភិវឌ្ឍសេដ្ឋកិច្ច - សង្គមប្រកបដោយចីរភាពក្នុងតំបន់ជនជាតិភាគតិច៕

អត្ថបទ រូបថត៖ ហុងទើ - លីសៀ

ចែករំលែកអត្ថបទ

ពាក្យគន្លឹះ