មហាសាមគ្គីជនជាតិ ភូមិស្រុកផ្លាស់ថ្មី

19/06/2023 - 16:54

ប្រសិទ្ធភាពក្នុងការបង្វែររចនាសម្ព័ន្ធដំណាំដាំដុះ សត្វចិញ្ចឹម

សមាគមកសិករស្រុកមីស្វៀង ខេត្តសុកត្រាំង បានខ្នះខ្នែងផ្សព្វផ្សាយវគ្គហ្វឹកហាត់ផ្ទេរវិទ្យាសាស្ត្រ បច្ចេកទេស និងចលនាសមាជិកបង្វែររចនាសម្ព័ន្ធដំណាំដាំដុះក្នុងការបង្កបង្កើនផលដើម្បីសម្រេចប្រសិទ្ធភាពសេដ្ឋកិច្ចខ្ពស់ លំនឹងជីវភាព។

ប្រសិទ្ធភាពពីការដាំឪឡឹកតាមជម្រាក់ស្រែរបស់បងថាច់តារា។

តាមប្រសាសន៍លោក ង្វៀងវ៉ាន់ដៀង ប្រធានសមាគមកសិករស្រុកមីស្វៀង សមាគមបានសហការជាមួយផ្នែកនានារៀបចំបើកវគ្គហ្វឹកហាត់ផ្ទេរវិទ្យាសាស្ត្របច្ចេកទេស ចិញ្ចឹមបង្គាទឹកភ្លាវ ចិញ្ចឹមសត្វ ដាំដុះ បច្ចេកទេសដាំដុះ និងបង្ការសត្វល្អិតបំផ្លាញស្រូវនិងដំណាំរួមផ្សំ៘ បានចំនួន ២៤០ ថ្នាក់ មានសមាជិកនិងកសិករចូលរួមចំនួន ៥.៩៨៦ នាក់។ ទន្ទឹមនឹងនោះ បង្កលក្ខណសម្បត្តិដល់កសិករ បុលទុនអនុគ្រោះពីធនាគារគោលនយោបាយសង្គមដើម្បីពង្រីកសេដ្ឋកិច្ចគ្រួសារ។ ឆ្លងតាមរយៈនោះ ធ្វើឱ្យកសិករមោះមុតក្នុងការបង្វែររចនាសម្ព័ន្ធដំណាំដាំដុះ សត្វចិញ្ចឹម ដោយអនុវត្តវិទ្យាសាស្ត្របច្ចេកទេស បង្កបង្កើនផល មានប្រសិទ្ធភាព រួមចំណែកលើកស្ទួយសេដ្ឋកិច្ច លំនឹងជីវភាពគ្រួសារ។

គ្រួសារខ្មែរជាច្រើន នៅស្រុកមីស្វៀង ចាកផុតពីភាពក្រីក្រ ឈានឡើងធ្វើមាន
ផ្ដើមពីការចិញ្ចឹមគោទឹកដោះ។

បងថាច់តារា នៅឃុំថាញ់ភូ ឱ្យដឹង៖ “អាស្រ័យដោយក្តាប់បានបចេ្ចកទេសដាំឪឡឹកតាមជម្រាក់ស្រែ ម្ល៉ោះហើយខ្ញុំមិនបានធ្វើស្រែ ៣ រដូវទេ តែងាកមកដាំឪឡឹកលើដីស្រែ ២ កុងទៅវិញ។ ម្យ៉ាងទៀត ឪឡឹកតាមជម្រាក់ស្រែងាយនឹងថែទាំ ផ្តល់ប្រាក់ចំណេញខ្ពស់ផង។ ពិសេស ខណៈពេលផ្លែប៉ុនកំភួនដៃ គឺយើងស្រោចទឹកលាយនឹងជី urê និង DAP ពេលផ្លែធំគឺស្រោចទឹកលាយនឹងជី DAP និង Kali ផ្លែជិតទុំប្រើតែជី Kali ដើម្បីផ្លែមានសាច់ច្រើន មានរសជាតិផ្អែមនិងពណ៌ល្អផង។ ជាពិសេស ឪឡឹកត្រូវស្រោចទឹកឱ្យគ្រប់គ្រាន់ រយៈពេល ១០ ថ្ងៃមុននឹងប្រមូលផលត្រូវកាត់បន្ថយការស្រោចទឹក មុនកាត់ប្រមូលផល ៥ ថ្ងៃ ត្រូវផ្តាច់ទឹកទាំងស្រុង ដើម្បីឪឡឹកមានរសជាតិផ្អែម រឹងនិងទុកបានយូរ។ អាស្រ័យយើងដឹងរបៀបដាំដុះ ទើបឪឡឹកផ្តល់ទិន្នផលខ្ពស់ លក់បានថ្ងៃ ម្ល៉ោះហើយក្រោយពីទូទាត់រួចស្រេចខ្ញុំចំណេញបានជិត ២០លានដុង”។ ចំណែកបង ថាច់ខា នៅឃុំថាមដូង ឱ្យដឹង៖ “ដោយបានរៀនវគ្គហ្វឹកហាត់អំពីការបង្កបង្កើនផល ចិញ្ចឹមសត្វ ហើយសមាគមបានពិនិត្យជ្រើសរើសឱ្យបុលទុន ម្ល៉ោះហើយ ខ្ញុំក៏វិនិយោគដាំដំណាំរួមផ្សំ និងចិញ្ចឹមគោទឹកដោះ។ ការចិញ្ចឹមគោទឹកដោះ តាំងពីដំណាក់ការថែទាំរហូតដល់យកទឹកដោះ ខ្ញុំតែងអនុវត្តតាមការណែនាំរបស់សហករណ៍ ម្ល៉ោះហើយគុណភាពទឹកដោះសម្រេចតាមស្តង់ដារនៃការកំណត់។ ដោយសារធ្វើការរកស៊ីមានប្រសិទ្ធភាព បានជាខ្ញុំចាកផុតភាពក្រីក្រ មានជីវភាពគ្រាន់បើ”។

ដោយមានវិធីចង្អុលការជាច្រើន និងផ្សព្វផ្សាយ ចលនាសមាគមកសិករគ្រប់លំដាប់ថ្នាក់ក្នុងស្រុក បានឧបត្ថម្ភដើមទុននិងការផ្ទេរវិទ្យាសាស្ត្របច្ចេកទេសទាន់ពេល ជួយឱ្យកសិករ បង្វែររចនាសម្ព័ន្ធដំណាំដាំដុះ សត្វចិញ្ចឹមមានប្រសិទ្ធភាព ហេតុនោះជីវភាពឈានឡើងជាលំដាប់ពីមួយថ្ងៃទៅមួយថ្ងៃ។ បច្ចុប្បន្ន ទូទាំងស្រុក មានសមាជិកកសិករជាង ៨៧.០០០ លើកនាក់ បានចុះឈ្មោះជាកិត្តិនាមកសិករផលិតនិងធ្វើអាជីវកម្មពូកែ; គ្រួសារដែលសម្រេចកិត្តិនាមជាកសិករផលិតនិងធ្វើអាជីវកម្មពូកែ ស្រូបអត្រា ៦៥% បើប្រៀបធៀបនឹងគ្រួសារដែលចុះឈ្មោះ។ ក្នុងនោះ គ្រួសារដែលមានប្រាក់ចំណូលជាង ១០០ លានដុងក្នុងមួយឆ្នាំ កើនឡើងជាង ២ ដង គ្រួសារដែលមានប្រាក់ចំណូល ចាប់ពី ៥០០ លានដុងដល់ ១ ពាន់លានដុងក្នុងមួយឆ្នាំ កើន ០,៨ ដង៕

យ្វីអាញ-លីសៀ

ចែករំលែកអត្ថបទ

ពាក្យគន្លឹះ