មហាសាមគ្គីជនជាតិ ភូមិស្រុកផ្លាស់ថ្មី

08/05/2023 - 14:34

ចលនាកសិករបង្វែររចនាសម្ព័ន្ធផលិត

ជាច្រើនឆ្នាំកន្លង បក្ខភាគឃុំង៉ាយស្វៀង ស្រុកថ្កូវ ខេត្តត្រាវិញ តែងផ្តោតការយកចិត្តទុកដាក់ក្នុងការទាញយកសក្កានុពល ឧត្តមភាពរបស់ភូមិភាគ ព្រមទាំងចលនាកសិករបង្វែររចនាសម្ព័ន្ធផលិតសម្រេចប្រសិទ្ធភាពខ្ពស់។

លោកថាច់បាក កំពុងថែទាំហ្វូងគោរបស់គ្រួសារ។

បក្ខភាគឃុំង៉ាយស្វៀង កំណត់ការបង្វែររចនាសម្ព័ន្ធផលិតសម្រេចប្រសិទ្ធភាពសេដ្ឋកិច្ចខ្ពស់គឺជាភារកិច្ចស្នូល។ ហេតុនេះ គណៈកម្មាធិការបក្សនិងរដ្ឋអំណាចគ្រប់លំដាប់ថ្នាក់ បានផ្តុំកម្លាំងដឹកនាំ ចង្អុលការបង្វែររចនាសម្ព័ន្ធ ផលិតសមស្របនឹងលក្ខណៈនៃភូមិភាគនីមួយៗ ជាសន្សឹមៗជំរុញការអភិវឌ្ឍដាំដុះ ចិញ្ចឹមសត្វ បង្វែររចនាសម្ព័ន្ធពូជដំណាំ សត្វចិញ្ចឹម បង្កើនយន្តូបនីយកម្មក្នុងការផលិត។ ដើម្បីចលនា កសិករបង្វែររចនាសម្ព័ន្ធផលិតមានប្រសិទ្ធភាព បក្ខភាគឃុំចាត់សមមិត្តដែលជាសមាជិកនិងកម្មាភិបាលឃុំ ចូលរួមប្រជុំជីវភាពជាមួយនឹងសាខាបក្សមូលដ្ឋានប្រចាំខែ ដើម្បីស្វែងយល់ពីមនោសញ្ចេតនានិងបំណងប្រាថ្នារបស់កម្មាភិបាល បក្ខជន ប្រជាជន ដើម្បីស្វែងរកវិធានការចង្អុលការអភិវឌ្ឍសេដ្ឋកិច្ចទាន់ពេល។ ចាប់ពីឆ្នាំ ២០២២ មកទល់នឹងបច្ចុប្បន្ន ទូទាំងឃុំ បានបង្វែរផ្ទៃដីផលិតស្រូវពុំសូវបានផលជាង ២០,៥ ហិកតា ងាកមកដាំដំណាំនិងចិញ្ចឹមសត្វ; សហការរៀបចំបើកវគ្គហ្វឹកហ្វឺនពីបច្ចេកទេសដាំដុះ ចិញ្ចឹមសត្វបាន ២៩ លើក ដោយមានកសិករចូលរួមប្រមាណ ៩៦២លើកនាក់; ចុះពូជ ដំណាំលើផ្ទៃដី ២៣០ ហិកតា។ល។ អាស្រ័យហេតុនេះ ប្រាក់ចំណូលមធ្យមភាគលើមនុស្សម្នាក់នៅឆ្នាំ ២០២២ សម្រេច ៥៥,១៤ លានដុង/ម្នាក់/ឆ្នាំ។

លោកថាច់បាក នៅភូមិពាមបួន ឱ្យដឹង៖ “គ្រួសារខ្ញុំមានដីស្រែចំនួន ១៤ កុង ស្រូវរដូវប្រាំងឆ្នាំ ២០២៣ កន្លងហើយ គ្រួសារខ្ញុំធ្វើស្រូវគុណភាពខ្ពស់ ពូជ OM4900 អនុវត្តទម្រង់ “១ត្រូវ” គឺត្រូវប្រើប្រាស់ពូជកំណត់បញ្ជាក់និង” ៥ បន្ថយ” គឺ (បន្ថយពូជ បន្ថយថ្នាំការពាររុក្ខជាតិ បន្ថយជីអាស្សូត បន្ថយទឹក និងបន្ថយបង់ខាត ក្រោយពីប្រមូលផល) ដូច្នេះ សម្រេចទិន្នផល ៦,៥ តោន/ហិកតា លក់ក្នុងតម្លៃ ៦.៨០០ ដុង/គីឡូក្រាម បន្ទាប់ពីទូទាត់រួចស្រេចនៅចំណេញ ២១ លានដុង។ ខ្ញុំនៅទាំងឆ្លៀតយកចំបើងនិងផ្ទៃដីទំនេរជុំវិញផ្ទះ ដាំស្មៅចិញ្ចឹមគោបំប៉នឱ្យធំចំនួន ៨ ក្បាល បន្ទាប់ពីទូទាត់ចំណាយ ក្នុងមួយឆ្នាំនៅចំណេញជាង ៨០ លានដុង”។

លោកង្វៀងខាញ់ហ្វា លេខាគណៈកម្មាធិការបក្សឃុំង៉ាយស្វៀង ឱ្យដឹង៖ “អាស្រ័យអនុវត្តព្រមៗ គ្នានូវដំណោះស្រាយនិងពង្រីកលក្ខណៈឈានមុខ និងជាគំរូរបស់កម្មាភិបាល បក្ខជនគ្រប់រូប ផ្តើមពីនោះ ឃុំសម្រេចបានលទ្ធផលសំខាន់ៗជាច្រើនក្នុងការអភិវឌ្ឍសេដ្ឋកិច្ច ជីវភាពរបស់កសិករលើភូមិសាស្ត្រ ត្រូវបានលើកស្ទួយជាបណ្តើរៗ។ ចំណុចលេចធ្លោបំផុតនោះ គឺប្រជាជនបំបាត់ចោលជាបណ្តើរៗគំនិតទន្ទឹងរង់ចាំរដ្ឋ ខំប្រឹងពង្រីកសេដ្ឋកិច្ចគ្រួសារ រួមកម្លាំងពលកម្ម បរិច្ចាគដី រួមនឹងរដ្ឋអំណាចភូមិភាគកសាងជនបទថ្មី។ នៅពេលខាងមុខ ឃុំកំណត់បន្តការបង្វែររចនាសម្ព័ន្ធពូជដំណាំ សត្វចិញ្ចឹម ចាត់ទុកជាភារកិច្ចស្នូលរបស់ទូទាំងប្រព័ន្ធនយោបាយ ដើម្បីបង្កើនប្រាក់ចំណូលជូនកសិករ”៕

សើុងម៉ាល័យ-មុនី

ចែករំលែកអត្ថបទ

ពាក្យគន្លឹះ