តើ​យើង​គួរ​គប្បី​ទទួល​ទាំង​ស្រុង​នូវ​លក្ខណៈ​សមត្ថ​ភាព​បញ្ញា​សិប្ប​និម្មិត​ច្នៃ​ប្រ​តិដ្ឋ​ ដូច​ជា​ Chat GPT ដែល​បាន​នាំមក​ឬ​ទទួល​យក​វាជា​មួយ​នឹង​កម្រិត​មួយ​ដោយ​មាន​ការ​ប្រ​យ័ត្ន​ប្រ​យែង? ខាង​ក្រោម​នេះ​ គឺជា​អ្វី​ៗ​ដែល​លោក​អ្នក​គប្បី​ដឹង​អំ​ពី​បច្ចេក​វិជ្ជា​ថ្មី​នេះ។​

តើ​បញ្ញា​សិប្ប​និម្មិត​ច្នៃ​ប្រតិដ្ឋ​ជា​អ្វី​?

  រូប​ថត​ជាឧទាហរណ៍។​ រូប​៖  Today Passion

បញ្ញា​សិប្ប​និម្មិត​ច្នៃ​ប្រ​តិដ្ឋ​ ដូច​ជា​ទម្រង់​បញ្ញា​ សិប្ប​និម្មិត​ផ្សេង​ៗ​ដែរ​ សុទ្ធ​សឹង​ “រៀន​” ពី​របៀប​វិនិច្ឆ័យ​ពី​មូល​ដ្ឋាន​ទិន្ន​ន័យ​ដែល​មាន​ស្រាប់។​ វា​បាន​បង្កើត​ចេញ​នូវ​ខ្លឹម​សារ​ថ្មី​ទាំង​ស្រុង​ដូច​ អត្ថ​បទ​ឯក​សារ​ រូប​ភាព​ឬ​សូម្បី​តែ​លេខ​កូដ​សរ​សេរ​កម្ម​វិធី​ ដោយ​ផ្អែក​លើ​ខ្លឹម​សារ​ដែល​បាន​ ”បង្រៀន​”។​

Chat GPT គឺជា​ផលិត​ផល​របស់​ក្រុម​ហ៊ុន​ OpenAI ត្រូវ​បាន​ឧបត្ថម្ភ​ដោយ​ Microsoft បាន​បើក​ដំ​ណើរ​ការ​កាល​ពី​ចុង​ឆ្នាំ​ទៅ​មិញ​ ហើយ​បាន​មនុស្ស​រាប់​សិប​លាន​នាក់​យក​ទៅ​ប្រើ​ប្រាស់​យ៉ាង​ឆាប់​រហ័ស។​ កំ​ណែ​ថ្មី​ GPT-៤ ក៏​ទើប​បាន​បង្ហាញ​មុខ​ផង​ដែរ​ ហើយ​ Chatbot នេះ​ បច្ចុប្បន្ន​ មាន​សមត្ថ​ភាព​ដ៏​សម្បូរ​បែប​ មាន​ន័យ​ថា​ អាច​ទទួល​នូវ​សំ​ណួរ​ទាំង​ជា​អក្សរ​និង​រូប​ភាព។​

តើ Chat GPT មាន​គុណ​ប្រ​យោជន៍​សម្រាប់​អ្នក​ណា?

ជាក់​ស្តែង​បំ​ផុត​ បញ្ញា​សិប្ប​និម្មិត​ច្នៃ​ប្រ​តិដ្ឋ​ អាច​ជួយ​បង្កើត​នូវ​អ្វី​ៗ​ដូច​ជា​ច្បាប់​ចម្លង​ស្វែង​យល់​ទីផ្សារ​ពី​ទំ​ព័រ​ព័ត៌​មាន​ជា​ច្រើន​ ជួយ​អតិថិ​ជន​សម្រេច​ចិត្ត​ទិញ​អ្វី។​ បច្ចេក​វិជ្ជា​នេះ​ ក៏​អាច​កត់​ត្រា​ក្នុង​កិច្ច​ប្រ​ជុំ​និម្មិត​មួយ​សរ​សេរ​ និង​កំ​ណត់​អ៊ី​មែល​ផ្ទាល់​ខ្លូន​ ឬ​បង្កើត​នូវ​អត្ថ​បទ​ធ្វើ​បទ​បង្ហាញ។​ ទាំង​ Microsoft និង​ Google បាន​បង្ហាញ​នូវ​លក្ខណៈ​សមត្ថ​ភាព​នេះ​ក្នុង​ពេល​ប្រ​កាស​ផលិត​ផល​ថ្មី។​

តើមាន​អ្វី​ដែល​ត្រូវ​បារម្ភ​ដែរ​ឬ​ទេ?

ថ្វី​ដ្បិត​ដូច្នេះ​ក្តី​ មាន​ការ​បារម្ភ​មួយ​ចំ​នួន​អំ​ពី​លទ្ធ​ភាព​ឆ្លៀត​ឱកាស​លើ​បច្ចេក​វិជ្ជា​នេះ។​ នៅ​តាម​សា​លា​រៀន​នា​នា​ បាន​ព្យា​ករណ៍​អំ​ពី​លទ្ធ​ភាព​ដែល​និស្សិត​ឆ្លៀត​ឱកាស​លើ​បញ្ញា​សិប្ប​និម្មិត​ ដើម្បី​ជំ​នួយ​លើ​សរ​សេរ​បទ​អត្ថា​ធិប្បាយ។​ អ្នក​ស្រាវ​ជ្រាវ​សន្តិ​សុខ​បណ្តាញ​មាន​ការ​បារម្ភ​ពី​បញ្ញា​សិប្ប​និម្មិត​ អាច​អនុញ្ញាត​ឱ្យ​ជន​ទុច្ចរិត​បង្កើត​នូវ​ព័ត៌​មាន​ក្លែង​ក្លាយ​កាន់​តែ​ច្រើន​ទៀត។​ បច្ចេក​វិជ្ជា​នេះ​ នៅ​មាន​កំ​​ហុស​ច្រើន​ បំ​ភ្លើស​ការ​ពិត​ ឬ​ដាក់​ចេញ​ចម្លើយ​មួយ​ចំ​នួន​មិន​ជាក់​លាក់។​

តើអ្នក​ណា​អភិវឌ្ឍ​បច្ចេក​វិជ្ជា​នេះ​?

Microsoft និង​ Google បាន​បង្កើត​ចេញ​នូវ​ភាព​ “ល្បី​រន្ទឺ” ធំ​បំ​ផុត​នា​បច្ចុប្បន្ន​ អំ​ពី​បច្ចេក​វិជ្ជា​នេះ​ ប៉ុន្តែ​មិន​ត្រឹម​តែ​ពួក​គេ​អភិវឌ្ឍ​បច្ចេក​វិជ្ជា​នេះ​ម្នាក់​ឯង​នោះ​ទេ​។​ ក្រុម​ហ៊ុន​ធំ​ៗ​ដូច​ជា​ Salesforce ក៏​ដូច​ជា​ក្រុម​ហ៊ុន​តូច​ជាង​ ដូច​ជា​ Adep AI Labs សុទ្ធ​តែ​កំ​ពុង​អភិវឌ្ឍ​ chatbot បញ្ញា​សិប្ប​និម្មិត​នេះ​ផង​ដែរ។​

មហា​សេដ្ឋី​ប្រាក់​កោដិ​ល្បី​ឈ្មោះ​ Elon Musk គឺ​ជា​ស្ថាបនិក​ម្នាក់​ក្នុង​ចំ​ណោម​សហស្ថាប​និក​ OpenAI ប៉ុន្តែ​គាត់​បាន​ចាក​ចេញ​កាល​ពី​ឆ្នាំ​ ២០១៨ ដើម្បី​ប្រ​មូល​ផ្តុំ​ទៅ​លើ​ Tesla និង​ AI ដោយ​ឡែក។​ គាត់​បាន​សម្តែង​ពី​ការ​បារម្ភ​ទៅ​អនា​គត​នៃ​បញ្ញា​សិប្ប​និម្មិត​ គាត់​យល់​ថា​ វា​គឺជា​បច្ចេក​វិជ្ជា​មួយ​ដ៏​គ្រោះ​ថ្នាក់​។​ គាត់​ក៏​បាន​សំ​ណូម​ពរ​ គប្បី​មាន​យន្ត​ការ​គ្រប់​គ្រង​មួយ​សម​ស្រប​ ដើម្បី​ធានា​ អភិវឌ្ឍ​បច្ចេក​វិជ្ជា​នេះ​បម្រើ​ផល​ប្រ​យោជន៍​សហគមន៍៕​

                                    កាសែត​កឹង​ធើ-វិមាន​