ព្រឹត្តិការណ៍ - នយោបាយ ព្រឹត្តិការណ៍

27/02/2023 - 16:42

សិក្ខាសាលាបូកសរុប ២០ ឆ្នាំអនុវត្តសេចក្តីសម្រេចលេខ ២៣-NQ/TW ស្តីពីពង្រីកកម្លាំងមហាសាមគ្គីទូទាំងជនជាតិ

នៅក្រុងហូជីមិញ គណៈចង្អុលការបូកសរុបសេចក្តីសម្រេចលេខ ២៣-NQ/TW រៀបចំសិក្ខាសាលា បូកសរុប ២០ ឆ្នាំអនុវត្តសេចក្តីសម្រេចលេខ ២៣-NQ/TW ចុះថ្ងៃទី១២ ខែមីនា ឆ្នាំ ២០០៣ របស់គណៈប្រតិបត្តិការមជ្ឈិមបក្ស (នីតិកាល IX) ស្តីពីពង្រីកកម្លាំងមហាសាមគ្គីទូទាំងជនជាតិ ដើម្បីប្រជាជនសម្បូរសប្បាយ ប្រទេសជាតិរុងរឿង សង្គមសមភាព ប្រជាធិបតេយ្យ ស៊ីវិល័យ (សេចក្តីសម្រេច ២៣-NQ/TW) នៅតំបន់ភាគខាងត្បូង។

អ្នកតំណាងថ្លែងយោបល់ក្នុងអង្គសិក្ខាសាលា។

ធ្វើបទបង្ហាញក្នុងអង្គសិក្ខាសាលា អ្នកតំណាងទាំងឡាយបានផ្ដោតលើការវាយតម្លៃលទ្ធផល ២០ ឆ្នាំផ្សព្វផ្សាយអនុវត្តសេចក្តីសម្រេច ២៣- NQ/TW; ការងារផ្សព្វផ្សាយ ចលនាជនរួមជាតិ អ្នកកាន់សាសនា ជនរួមជាតិភាគតិចដែលចូលរួមចលនាប្រឡងប្រណាំងស្នេហាជាតិ; ចលនាគ្រប់ស្រទាប់វណ្ណៈ ប្រជាជនគ្រប់ជាន់ថ្នាក់ ពង្រីកកម្លាំងមហាសាមគ្គីទូទាំងជនជាតិក្នុងការអភិវឌ្ឍសេដ្ឋកិច្ច-សង្គមនៅភូមិភាគនានា; លើកសំណើទិសដៅ ភារកិច្ចនិងដំណោះស្រាយ លើកកម្ពស់ជាងទៀតអំពីកម្លាំងទូទាំងជនជាតិកសាង និងអភិវឌ្ឍប្រទេសជាតិក្នុងរយៈពេលខាងមុខ។

បូកសរុបអង្គសិក្ខាសាលា លោកវ៉វ៉ាន់ថឿង សមាជិកការិយាល័យនយោបាយ ប្រចាំការគណៈលេខាមជ្ឈិមបក្ស ប្រធានគណៈចង្អុលការមជ្ឈិមបូកសរុបសេចក្តីសម្រេចលេខ ២៣- NQ/TW គូសបញ្ជាក់៖ ការអនុវត្តសេចក្តីសម្រេចលេខ ២៣-NQ/TW មានការរួមចំណែកដ៏ធំធេង ក្នុងការជំរុញបុព្វហេតុផ្លាស់ថ្មី ឧស្សាហូបនីយកម្ម ភាវូបនីយកម្ម សមាហរណកម្មអន្តរជាតិនៃប្រទេសជាតិ រួមចំណែកធ្វើឱ្យបុព្វហេតុ សក្តានុពល ឧត្តមភាព និងកិត្យានុភាពអន្តរជាតិរបស់ប្រទេសជាតិកាន់តែបានលើកកម្ពស់ពីមួយថ្ងៃទៅមួយថ្ងៃ ប្រការនេះត្រូវបានវាយតម្លៃយ៉ាងច្បាស់នៅក្នុងសេចក្តីសម្រេចនៃមហាសន្និបាត XIII របស់បក្ស៘

តាមប្រសាសន៍លោក វ៉វ៉ាន់ថឿ ផលប្រយោជន៍ស្របច្បាប់ ពិតប្រាកដរបស់ប្រជាជន គឺជាចំណុចចាប់ផ្តើមដ៏សំខាន់រាល់គោលមាគ៌ា គោលការណ៍របស់បក្ស គោលនយោបាយ ច្បាប់របស់រដ្ឋ ក្នុងនោះត្រូវយកប្រជាជនធ្វើជាមូលដ្ឋានគ្រឹះ ជាស្នូលជាសំខាន់រាល់ការកំណត់ គោលនយោបាយ; ទឹកចិត្តប្រជាជន ការពេញចិត្តរបស់ប្រជាជន គឺជាការវាស់ស្ទង់ដ៏សំខាន់បំផុតសម្រាប់ស្ទង់គុណភាពរាល់គោលការណ៍ គោលនយោបាយរបស់បក្សនិងរដ្ឋ។ ក្នុងដំណាក់កាលថ្មី ត្រូវតែសង្កត់ធ្ងន់ជាងទៀតទៅលើបញ្ហានេះ។

លោកវ៉វ៉ាន់ថឿង សំណូមពរ៖ ដើម្បីកសាងនិងពង្រីកធ្លុងមហាសាមគ្គីទូទាំងជនជាតិ យើងទាំងអស់គ្នាត្រូវតែជំរុញកិច្ចការកសាង កែលម្អបក្ស និងប្រព័ន្ធនយោបាយ ប្ដេជ្ញាពុះពារតស៊ូប្រយុទ្ធប្រឆាំងអំពើពុករលួយ ភាពអសកម្ម ប្រឆាំងចរិយាមារយាទអាស្រូវក្នុងបក្ស ក៏ដូចជាក្នុងសង្គម លើកកម្ពស់កម្រិតបញ្ញាក្នុងបក្សដោយឥតឈប់ឈរ លើកកម្ពស់ជំហរនយោបាយរបស់បក្ស ផ្លាស់ថ្មីវិធីដឹកនាំ និងកាន់អំណាចរបស់បក្ស ធ្វើយ៉ាងណាដើម្បីប្រទេសជាតិរឹងមាំឈានឡើង។ ត្រូវតែកសាងកងជួរថ្នាក់ដឹកនាំមួយឱ្យទៅជាគំរូ គ្រប់លក្ខណសម្បត្តិសមត្ថភាព ប្រជាប្រិយ សមស្របទៅនឹងភារកិច្ច៕

ក្រុមអ្នកយកព័ត៌មាន-ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ