ព្រឹត្តិការណ៍ - នយោបាយ ព្រឹត្តិការណ៍

28/11/2022 - 16:14

សិស្សនៅគ្រឹះស្ថានអប់រំវិជ្ជាជីវៈត្រូវរៀន ៣ វិញ្ញាសាចាំបាច់

ក្រសួងអប់រំនិងបណ្តុះបណ្តាល ទើបចេញសារាចរណែនាំលេខ ១៥/២០២២/TT-BGDĐT កំណត់ការបង្រៀនបរិមាណចំណេះដឹងវប្បធម៌កម្រិតវិទ្យាល័យនៅគ្រឹះស្ថានអប់រំវិជ្ជាជីវៈ។

សិស្សនៅគ្រឹះស្ថានអប់រំវិជ្ជាជីវៈ ត្រូវរៀន ៣ វិញ្ញាសាចាំបាច់ (រូបថតជាឧទាហរណ៍)។

តាមនោះ សិស្សនៅគ្រឹះស្ថានអប់រំវិជ្ជាជីវៈ ត្រូវរៀន ៣ វិញ្ញាសាចាំបាច់នោះគឺ៖ គណិតវិទ្យា អក្សរសាស្ត្រ និងប្រវត្តិវិទ្យា; ចំពោះវិញ្ញាសាជ្រើសរើសរួមមាន៖ រូបវិទ្យា គីមីវិទ្យា ជីវវិទ្យា និងភូមិវិទ្យា។ ពេលវេលាបង្រៀនមានដូចខាងក្រោម៖ គណិតវិទ្យានិងអក្សរសាស្ត្រ៖ ២៥២ ម៉ោង/វិញ្ញាសា; រូបវិទ្យា គីមីវិទ្យា ជីវវិទ្យា ភូមិវិទ្យា និងប្រវត្តិវិទ្យា៖ ១៦៨ ម៉ោង/វិញ្ញាសា។

ចំពោះផ្នែកវិជ្ជាជីវៈនីមួយៗដែលបណ្តុះបណ្តាល ត្រូវរៀនវិញ្ញាសាចាំបាច់ និងរៀនវិញ្ញាសាជ្រើសរើសយ៉ាងតិចមួយវិញ្ញាសា។ ប្រធានគ្រឹះស្ថានអប់រំវិជ្ជាជីវៈ ត្រូវសម្រេចជ្រើសរើសវិញ្ញាសាដែលសមស្របជាមួយផ្នែកវិជ្ជាជីវៈដែលបណ្តុះបណ្តាល។ ចំពោះការបង្រៀនវិញ្ញាសាមួយៗត្រូវបានរៀបចំទៅតាមថ្នាក់រៀន សម្រាប់វិញ្ញាសានីមួយៗ ហើយក្នុងមួយថ្នាក់មានសិស្សមិនលើសពី ៤៥ នាក់។ ក្នុងមួយវិញ្ញាសាត្រូវបង្រៀនក្នុង ៣ វគ្គសិក្សា។ ប្រធានគ្រឹះស្ថានអប់រំវិជ្ជាជីវៈសម្រេចលើការបែងចែកវគ្គសិក្សា និងកសាងផែនការបង្រៀនត្រូវធានា អនុវត្តឱ្យពេញលេញបរិមាណចំណេះដឹង តម្រូវការដែលត្រូវសម្រេច និងបរិមាណពេលវេលាបង្រៀននៃវិញ្ញាសានោះ។

សកម្មភាពបង្រៀនអនុវត្តទៅតាមទម្រង់សំខាន់ៗមួយចំនួន៖ រៀនទ្រឹស្តី ធ្វើលំហាត់ អនុវត្តជាក់ស្តែង ធ្វើបទពិសោធន៍ គម្រោងសិក្សា ឆ្លងកាត់បទពិសោធន៍ សកម្មភាពសមូហភាព ក្លឹបសកម្មភាពបម្រើសហគមន៍។ អនុវត្តវិធីសាស្រ្ត បង្រៀនសកម្ម សំដៅពង្រីកភាពម្ចាស់ការ សកម្មរបស់អ្នកសិក្សា; ផ្តោតសំខាន់លើការលត់ដំដល់អ្នកសិក្សាតាមវិធីសាស្រ្តស្វ័យសិក្សា ស្វ័យស្រាវជ្រាវ តាមតម្រូវការបង្រៀនដើម្បីអភិវឌ្ឍន៍គុណសម្បត្តិ សមត្ថភាព...។

សារាចរនេះ មានសុពលភាពចាប់ពីថ្ងៃទី ២៤ ខែធ្នូ ឆ្នាំ ២០២២ ៕

យោងតាមៈ កាសែតជនជាតិនិងតំបន់ភ្នំ-ទីទុយ

ចែករំលែកអត្ថបទ

ពាក្យគន្លឹះ