មហាសាមគ្គីជនជាតិ គំរូក្នុងសហគមន៍

31/10/2022 - 14:23

ជិតដិតជាមួយកសិករ

តាមប្រសាសន៍បង ត្រឹងអាញ់ហ្វាង អនុប្រធានការិយាល័យកសិកម្មនិងអភិវឌ្ឍន៍ជនបទស្រុកផុងដៀង ក្រុងកឹងធើ បងត្រឹងថាញឡុក ជាកម្មាភិបាលនៃការិយាល័យតែងជិតដិតជាមួយកសិករ។

បងត្រឹងថាញឡុក។

បងត្រឹងថាញឡុក កើតឆ្នាំ ១៩៨០ នៅឃុំដាយតឹម ស្រុកមីស្វៀង ខេត្តសុកត្រាំង។ កាលនៅរៀនចំណេះទូទៅ បងឡុក រៀនពូកែ ហើយជាជនជាតិខ្មែរទៀតផង ទើបភាគច្រើនមានអ្នកផ្ដល់យោបល់ឱ្យគាត់ប្រឡងចូលរៀនសាលាចំណេះទូទៅជនជាតិអន្តេវាសិកខេត្ត។ ប៉ុន្តែបងឡុក ជ្រើសប្រឡងចូលរៀនសាលាវិទ្យាល័យជំនាញហ្វាងយីវ ហើយបានជាប់ជម្រើស។ រយៈពេល ៣ ឆ្នាំរៀននៅសាលាជំនាញ បងឡុកត្រូវទៅរៀនវិលល្ងាចរៀងរាល់ថ្ងៃចម្ងាយផ្លូវជិត ២០ គីឡូម៉ែត្រ ប៉ុន្តែលទ្ធផលសិក្សាបងនៅតែនិទ្ទេសពូកែ។ លោកគ្រូអ្នកគ្រូសាលាជំនាញមិនចម្លែកទេ ខណៈពេលបងប្រឡងជាប់ចូលរៀនផ្នែកកសិកម្មនៅសាកលវិទ្យាល័យកឹងធើ ផ្នែកសំណង់ធារាសាស្រ្តវាលរាប។ រៀនមុខជំនាញដែលខ្លួនចូលចិត្ត ពេលរៀនចប់បងឡុកបានទទួលចូលធ្វើការនៅមន្ទីរកសិកម្មនិងអភិវឌ្ឍន៍ជនបទខេត្តសុកត្រាំង។ ធ្វើបានការងារដែលខ្លួនចូលចិត្ត ហើយកំពុងតែពង្រីកបានមុខជំនាញ ឆ្នាំ ២០២២ បងឡុកបានផ្លាស់ប្ដូរការងារមកធ្វើនៅការិយាល័យកសិកម្មនិងអភិវឌ្ឍន៍ជនបទ ស្រុកផុងដៀង ក្រុងកឹងធើ។ បងឡុក រ៉ាយរ៉ាប់៖ “ខ្ញុំក៏គិតថ្លឹងថ្លែងណាស់ដែរ ប៉ុន្តែពីព្រោះការងាររបស់ប្រពន្ធនិងដើម្បីថែទាំកូន ម្ល៉ោះហើយទើបខ្ញុំសម្រេចចិត្តមកធ្វើការនៅអង្គភាពថ្មី។ សំណាងដែរ ខ្ញុំបានថ្នាក់ដឹកនាំបែងចែកការងារយ៉ាងសមស្របជាមួយខ្ញុំ”។

ក្រៅពីការងារសំណង់ធារាសាស្រ្ត ប្រព័ន្ធធារាសាស្រ្តលើភូមិសាស្រ្តស្រុក បងឡុកនៅទាំងចាត់តាំងទៅជំនួយសហករណ៍នានាទៀតផង។ បងឡុក រ៉ាយរ៉ាប់៖ “សហករណ៍ផ្លែទុរេន តឹងថើយ បានទទួលស្គាល់យីហោ សហករណ៍ផ្លែទឹកដោះត្រឿងខឿង A ផលិតតាមបទដ្ឋាន VietGAP និងសហករណ៍បណ្តុះផ្សិតដង្កូវមាស។ល។ កំពុងពង្រីកលទ្ធភាពយ៉ាងល្អ នាំមកផលប្រយោជន៍ជូនប្រជាជន ម្ល៉ោះហើយខ្ញុំរីករាយខ្លាំងណាស់”។ តាមប្រសាសន៍បងឡុក ពេលជំនួយសមាជិកកសាងសហករណ៍ ក៏ជួបនូវការលំបាកច្រើនណាស់ដែរ ពីព្រោះពួកគាត់ភាគច្រើនមានវ័យចាស់ ធ្លាប់ផលិតកម្មតាមទម្លាប់បុរាណ បងឡុកឧស្សាហ៍ចុះទៅជិតដិត វែកញែកពីផលប្រយោជន៍ពេលចូលសហករណ៍ ចុះឈ្មោះយីហោ ឬផលិតតាមបទដ្ឋាន Vietgap ទើបកសិករព្រមអនុវត្តតាម។

ពូហ្វិញវ៉ាន់ចៀង សមាជិកសហករណ៍ផ្លែទឹកដោះត្រឿងខាញ A ឱ្យដឹង៖ “ក្មួយឡុកខិតខំប្រឹងប្រែងខ្លាំងណាស់ ដោយបញ្ចុះបញ្ចូលខ្ញុំប្រើថង់រុំផ្លែទឹកដោះ និងចូលសហករណ៍ ដើម្បីផ្លែទឹកដោះលក់បានថ្លៃជាង។ ឃើញក្មួយពន្យល់វែកញែកអស់ពីចិត្តនិងសមហេតុផល ទើបខ្ញុំអនុវត្តសាកល្បង រួចពិនិត្យឃើញថា មានប្រសិទ្ធភាពជាងការផលិតតាមបែបធម្មតា”៕

ហាថាញ់ - ថាច់ធី

ចែករំលែកអត្ថបទ

ពាក្យគន្លឹះ