សន្តិសុខ - ការពារប្រទេស ការពារប្រទេស

18/10/2022 - 09:04

នារីខេត្តសុកត្រាំង សកម្មចូលរួមការងារតស៊ូបង្ការ ទប់ស្កាត់ឧក្រិដ្ឋកម្ម

សមាគមនារីគ្រប់លំដាប់ថ្នាក់ក្នុងខេត្តសុកត្រាំង បានផ្សព្វផ្សាយនូវសកម្មភាព ចលនាជាច្រើនក្នុងការតស៊ូបង្ការ ទប់ស្កាត់ឧក្រិដ្ឋកម្ម រួមចំណែកធានាសន្តិសុខសណ្តាប់ធ្នាប់នៅភូមិភាគ។

សមាគមសហព័ន្ធនារីខេត្តសុកត្រាំង រៀបចំផ្សព្វផ្សាយទម្រង់បង្ការទប់ស្កាត់អំពើហិង្សាក្នុងគ្រួសារដល់សមាជិកស្រុកចូវថាញ់។

សមាគមនារីគ្រប់លំដាប់ថ្នាក់ រៀបចំការផ្សព្វផ្សាយបានជិត ៦៩.០០០ លើក ដោយមានកម្មាភិបាល សមាជិកនារី ចូលរួមជាង ២ លានលើកនាក់; បើកវគ្គហ្វឹកហ្វឺន ផ្សព្វផ្សាយអប់រំច្បាប់ ស្តីពីការបង្ការទប់ស្កាត់បាបគ្រោះសង្គម ឧក្រិដ្ឋកម្មបច្ចេកវិទ្យាខ្ពស់បាន ៣០ វគ្គជូនសមាជិកនារីជាង ២.៤០០ នាក់ និងរៀបចំកិច្ចសន្ទនាបាន ១៧៣ ពេល អំពីប្រធានបទ៖ បង្ការទប់ស្កាត់គ្រឿងញៀន សុវត្ថិភាពចរាចរណ៍ អាពាហ៍ពិពាហ៍និងគ្រួសារ; បង្ការ ទប់ស្កាត់អំពើហិង្សាក្នុងគ្រួសារ; បំណិនបង្ការទប់ស្កាត់ឧក្រិដ្ឋកម្មជួញដូរមនុស្ស; បង្ការទប់ស្កាត់អំពើហិង្សា រំលោភបំពានផ្លូវភេទលើនារី កុមារ និងបំណិនស្វ័យការពារ ប្រើប្រាស់បណ្តាញសង្គមមានប្រសិទ្ធភាព ។ល។ ជូនសមាជិក និងនៅតាមទីតាំងសាលារៀន។

ទន្ទឹមនឹងនោះ សមាគមនារីគ្រប់លំដាប់ថ្នាក់ ក៏បានកសាងនិងដំណើរការប្រកបដោយប្រសិទ្ធភាពនូវទម្រង់ ក្រុមក្លឹបនារីចំនួន ៣៧៩ ដូចជា៖ ក្រុមសុវត្ថិភាពដល់នារីនិងកុមារ បង្ការទប់ស្កាត់អំពើហិង្សាក្នុងគ្រួសារ ផ្ទះធានាសុវត្ថិភាពដល់កុមារ; ក្លឹបយាយតា ឪពុកម្តាយជាគំរូ កូន ចៅដឹងគុណ កសាងគ្រួសារសុភមង្គល ចិញ្ចឹមកូនមានសុខភាពល្អ ប្រៀនប្រដៅកូនលុះក្នុងដំបូន្មាន។ល។ ផ្តើមពីនោះ ជួយឱ្យនារីមានចំណេះដឹងជាមូលដ្ឋានក្នុងការកសាងគ្រួសារសុភមង្គល អំពើហិង្សាក្នុងគ្រួសារ ប្រៀនប្រដៅកូនចៀសវាងបាបគ្រោះសង្គម និងសកម្មចូលរួមថ្កោលទោសឧក្រិដ្ឋកម្ម។ បងស្រីឡឹម ធីហៀង សមាជិកាក្លឹបកសាងគ្រួសារសុភមង្គល ចិញ្ចឹមកូនមានសុខភាពល្អ-ប្រៀនប្រដៅកូន លុះក្នុងដំបូន្មាន នៅឃុំភូតឹង ឱ្យដឹង៖ “ចូលរួមក្លឹប ខ្ញុំបានយល់ដឹងច្រើនពីវិធីសាស្រ្តនៃការកសាងគ្រួសារសុភមង្គល ប្រៀនប្រដៅកូនចៀសវាងបាបគ្រោះសង្គម។ រស់នៅក្នុងគ្រួសារ ប្តីប្រពន្ធត្រូវគោរពគ្នាទៅវិញទៅមក មិនឈ្លោះទាស់ទែងគ្នា ស្តាប់ការសំណេះសំណាលរបស់កូន និងប្រៀនប្រដៅកូនលុះក្នុងដំបូន្មាន ព្យាយាមរៀនសូត្រ។ មកទល់ពេលនេះ ខ្ញុំសង្កេតឃើញគ្រួសារមានសុភមង្គល គ្មានអំពើហិង្សាក្នុងគ្រួសារ មិនរំលោភបំពានច្បាប់ កូនស្រីលុះក្នុងដំបូន្មាន បានរៀនវិជ្ជាជីវៈមានការងារធ្វើលំនឹង និងដឹងគុណឪពុកម្តាយ”។

លោកស្រីង្វៀងធីវ៉ែជី ប្រធានសមាគមសហព័ន្ធនារីខេត្តសុកត្រាំង ឱ្យដឹង៖ “សមាគមសហព័ន្ធនារីគ្រប់លំដាប់ថ្នាក់ តែងសកម្មផ្សព្វផ្សាយ លើកកម្ពស់ការយល់ដឹងជូនកម្មាភិបាល សមាជិកនារីអំពីការបង្ការទប់ស្កាត់ឧក្រិដ្ឋកម្ម; ចលនាសមាជិកទាំង ១០០% ចុះឈ្មោះកសាងគ្រួសារគ្មានបទល្មើស។ ក្រៅពីនោះ សមាគមសហព័ន្ធនារីខេត្ត នៅទាំងបង្កើតមជ្ឈមណ្ឌលពិគ្រោះ ជំនួយស្ដីពីអាពាហ៍ពិពាហ៍និងគ្រួសារ តាមរយៈលេខទូរស័ព្ទទាន់ហេតុការណ៍ ០៣៧៧.៦៧២.៤៤៤ និងពិគ្រោះអំពីការបង្ការទប់ស្កាត់អំពើហិង្សា ដើម្បីធ្វើអន្តរាគមន៍បានទាន់ពេលនូវអំពើហិង្សាក្នុងគ្រួសារ ការរំលោភបំពានលើកុមារដែលកើតមានឡើងនៅលើភូមិសាស្រ្តខេត្ត។ ជាពិសេស ទូទាំងខេត្តបានបង្កើត បន្តរក្សាសកម្មភាពជ្រុង ផ្ដល់ពិគ្រោះក្នុងសហគមន៍ចំនួន១២១ ដើម្បីជំនួយ ផ្ដល់ពិគ្រោះដល់ជនរងគ្រោះបានទាន់ពេល នៅពេលមានហេតុការណ៍កើតឡើង”៕

យ៉ីអាញ-វិមាន

ចែករំលែកអត្ថបទ

ពាក្យគន្លឹះ