មហាសាមគ្គីជនជាតិ ភូមិស្រុកផ្លាស់ថ្មី

03/10/2022 - 15:29

ឆ្ពោះ​ទៅ​កាន់​យន្តូបនីយកម្ម​ព្រម​ៗ​គ្នា​ក្នុង​ការ​ផលិត​កសិកម្ម​

ដោយ​លក្ខណៈ​ពិសេស​ដោយ​ឡែក​ ដែល​មាន​អនុ​តំ​បន់​ជីវ​បរិស្ថាន​ខុស​ៗ​គ្នា​ច្រើន​ វាល​ស្រែ​នៅ​តំ​បន់​វាល​រាប​ទន្លេ​គឺវ​ឡុង​មាន​ច្រើន​ប្រ​ភេទ​ ក្នុង​នោះ​ មាន​តំ​បន់​ដី​ខ្លះ​ជា​ដី​ល្បាប់​ ពិបាក​នាំ​យក​ប្រ​ភេទ​គ្រឿង​ចក្រ​ចុះ​ទៅ​ដំណើរ​ការ​លើ​វាល​ស្រែ​។​ ស្ថិត​ក្នុង​ស្ថាន​ភាព​ជាក់​ស្តែង​នោះ​ មាន​អង្គ​ភាព​និង​អា​ជីវ​កម្ម​ជា​ច្រើន​ក៏​បាន​យក​ចិត្ត​ទុក​ដាក់​ក្នុង​ការ​ស្រាវ​ជ្រាវ​ផលិត​ នាំ​ចូល​និង​កែច្នៃ​គ្រឿង​ចក្រ​ជា​ច្រើន​ប្រ​ភេទ​ ដើម្បី​សម​ស្រប​នឹង​តម្រូវ​ការ​នៅ​តំ​បន់​វាល​រាប​ទន្លេ​គឺវ​ឡុង​។​

ប្រើ​ប្រាស់​យន្ត​ហោះ​ដ្រូន ដើម្បី​បាញ់​ថ្នាំ​ការ​ពារ​រុក្ខ​ជាតិ​លើ​ដំណាំ​ស្រូវ​នៅ​វិទ្យា​ស្ថាន​ស្រូវ​តំ​បន់​វាល​រាប​ទន្លេ​គឺវ​ឡុង​។

ក្នុង​ព្រឹត្តិ​ការណ៍​អន្តរ​ជាតិ​ Agritechnica Asia live ២០២២ ផ្នែក​កសិកម្ម​ក្រុង​កឹង​ធើ សហ​ការ​ជា​មួយ​នឹង​មជ្ឈ​មណ្ឌល​ជំរុញ​កសិកម្ម​ជាតិ​ និង​ក្រុម​ហ៊ុន​ភាគ​ហ៊ុន​ជី​ប៊ិញ​ដៀង ឧបត្ថម្ភ​កសិករ​នៅ​ឃុំ​ដុង​ប៊ិញ ស្រុក​ថើយ​ឡាយ​ អនុវត្ត​ទម្រង់​សម្តែង​បង្ហាញ​ប្រើ​ប្រាស់​យន្តូ​បនីយ​កម្ម​ព្រម​ៗ​គ្នា​ក្នុង​ការ​ផលិត​ស្រូវ​។​ ក្នុង​ទម្រង់​កសិករ​មិន​ត្រឹម​តែ​ផលិត​ស្រូវ​តាម​បែប​វប្ប​កម្ម​ឆ្លាត​វៃ សុាំទៅ​នឹង​ការ​ប្រែប្រួល​អា​កាស​ធាតុ​ប៉ុណ្ណោះ​ទេ ថែម​ទាំង​បាន​ជំនួយ​គ្រឿង​ចក្រ​ទំ​នើប​ៗ​ច្រើន​ប្រ​ភេទ​ដើម្បី​បម្រើ​ការ​ផលិត​ មាន​ដូច​៖ ម៉ាស៊ីន​ស្ទូង​ បាច​ជីដោយ​យន្ត​ហោះ​ដ្រូន។ល។​ យោង​តាម​ប្រ​សាសន៍​លោក​ស្រី​ ផាម​ធីមិញ​ហីវ ប្រ​ធាន​សាខា​នាយក​ដ្ឋាន​ដាំ​ដុះ​និង​ការ​ពារ​រុក្ខ​ជាតិ​ ចំ​ណុះ​មន្ទីរ​កសិកម្ម​និង​អភិវឌ្ឍន៍​ជន​បទ​ក្រុង​កឹង​ធើ ទិស​ដៅ​នៃ​ទម្រង់​គឺ​ដើម្បី​ជួយ​កសិករ​អនុវត្ត​យន្តូ​បនីយ​កម្ម​ព្រម​ៗ​គ្នា​ តាំង​ពីការ​សាប​ព្រោះ​ ថែទាំ​រហូត​ដល់​ការ​ប្រ​មូល​ផល។​ អនុវត្ត​យន្តូ​បនីយ​កម្ម​នៅ​ក្នុង​ទម្រង់​ ជួយ​កសិករ​បាន​ឃើញ​ច្បាស់​ពីប្រ​សិទ្ធ​ភាព​ ដើម្បី​ហ៊ាន​វិនិ​យោគ​បើក​ទូ លាយ។​

យោង​តាម​ប្រ​សាសន៍​អនុ​បណ្ឌិត​ ង្វៀង​ង៉ុក​ហ្វាង​ ប្រ​ធាន​ផ្នែក​មុខ​វិជ្ជា​គ្រឿង​យន្ត​អគ្គិ​សនី​កសិកម្ម​និង​បច្ចេក​វិទ្យា​ ក្រោយ​ប្រ​មូល​ផល​នៃ​វិទ្យា​ស្ថាន​ស្រូវ​តំ​បន់​វាល​រាប​ទន្លេ​គឺវឡុង​ បច្ចុប្បន្ន​ ម៉ាស៊ីន​បូម​ទឹក​នៅ​តំ​បន់​វាល​រាប​ទន្លេ​គឺវ​ឡុង​ត្រូវ​បាន​ធានា​ ចំ​ណែក​ការ​ប្រ​មូល​ផល គឺ​ប្រើ​ប្រាស់​ម៉ាស៊ីន​ច្រូត​កាត់​ជិត​ ១០០% លើកលែង​តែ​ស្រូវ​នៅ​តំ​បន់​ស្រូវ​-បង្គា។​ មាន​ជាង​ ៨០% ផ្ទៃ​ដី​នៅ​ភូមិ​ភាគ​នានា​ ត្រូវ​បាន​កសិករ​សាប​ព្រោះ​ដោយ​ម៉ាស៊ីន​ បំ​ផុត​គឺ​ម៉ាស៊ីន​ព្រោះ​ព្រ​នាក់​ស្មា។​ ថ្វី​បើ​ដូច្នោះ​ ការ​ប្រើ​ប្រាស់​ម៉ាស៊ីន​សាប​ព្រោះ​ និង​ម៉ាស៊ីន​ស្ទូង​នៅ​មាន​កម្រិត​តិច​តូចប្រ​មាណ​ត្រឹម​តែ ៥% នៃ​ផ្ទៃ​ដី​ ខណៈ​ពេល​អនុវត្ត​វិធី​សាស្រ្ត​ទាំង​នេះ​ កសិករ​ប្រើ​ប្រាស់​ពូជ​ត្រឹម​តែ ៥០-៦០ គីឡូ​ក្រាម​ក្នុង​មួយ​ហិក​តា​វិល​មក​ ជួយ​កាត់​បន្ថយ​ប្រាក់​ចំ​ណាយ​លើ​ថ្លៃ​ពូជ​បាន​ច្រើន៕​

                                        វ៉ាន់​កុង​-មុនី​

ចែករំលែកអត្ថបទ