មហាសាមគ្គីជនជាតិ ភូមិស្រុកផ្លាស់ថ្មី

27/09/2022 - 09:45

ប្រសិទ្ធភាពនៃការអនុវត្តបច្ចេកទេសវប្បកម្មស្រូវឆ្លាតវៃ

បច្ចេកទេសវប្បកម្មស្រូវឆ្លាតវៃ ត្រូវបានផ្នែកកសិកម្មខេត្តសុកត្រាំង ផ្ទេរជូនកសិករដើម្បីអនុវត្តក្នុងការផលិតស្រូវនាំមកទិន្នផលនិងគុណភាពខ្ពស់។

កសិករអនុវត្តយន្តូបនីយកម្មក្នុងការប្រមូលផលស្រូវ ដើម្បីកាត់បន្ថយការចំណាយ និងខាតបង់ពេលប្រមូលផល។

នៅខេត្តសុកត្រាំង បច្ចេកទេសវប្បកម្មឆ្លាតវៃត្រូវបានផ្សព្វផ្សាយនៅ ២៤ ទម្រង់ ដោយមានផ្ទៃដីជាង ៩៦០ ហិកតា នៅឃុំចំនួន ១២ របស់ស្រុកចំនួន ៦ ។ បច្ចុប្បន្ន កសិករនិងសហករណ៍អនុវត្តបច្ចេកទេសវប្បកម្មឆ្លាតវៃ ផលិតស្រូវតាមទ្រង់ទ្រាយវាលស្រែធំ អនុវត្តបច្ចេកទេសតាមបទដ្ឋាន ១ ត្រូវ ៥ បន្ថយ បង្កបង្កើនផលពូជស្រូវប្រណីត និងអនុវត្តយន្តូបនីយកម្មព្រមៗគ្នាក្នុងដំណាក់កាលផលិត។

តាមប្រសាសន៍លោក ត្រឹងតឹងភឿង នាយករងមន្ទីរកសិកម្មនិងអភិវឌ្ឍន៍ជនបទខេត្តសុកត្រាំង វប្បកម្មស្រូវឆ្លាតវៃទាមទារកសិករត្រូវកំណត់រដូវកាលសាបព្រោះ ដូច៖ ចន្លោះពេលនៃរដូវផលិតទាំងពីរជាប់ៗគ្នា មិនតិចជាង ៤ សប្តាហ៍ក្នុងប្រតិទិនរដូវកាលសាបព្រោះ តាមការក្រើនរំលឹករបស់ផ្នែកកសិកម្ម។ មិនត្រូវដុតជញ្រ្ជាំង អនុវត្តវិធានការប្រមូលចំបើង ប្រើប្រាស់ផលិតផលអតិសុខុមប្រាណ (Trichoderma) ជំនួយឱ្យឆាប់ពុករលាយចំបើងក្នុងស្រែ។ ប្រភេទពូជស្រូវដែលត្រូវផលិត រួមមាន៖ OM១៨, OM៥៤៥១, ST២៤, ST២៥ ដែលសម្រេចកម្រិតនៃការបញ្ជាក់។ សាបព្រោះ ៨០ គីឡូក្រាម/ហិកតា សម្រាប់ការព្រោះជួរ និង ១០០ គីឡូក្រាម/ហិកតា (ព្រោះម៉ាស៊ីន) កាត់បន្ថយបរិមាណស្រូវពី ៣០-៥០ គីឡូក្រាម/ហិកតាក្រៅទម្រង់។ បរិមាណជី NPK ប្រើក្នុង ១ ហិកតាពី ៩០-៩២ គីឡូក្រាម N; ពី ៥៥-៦០ គីឡូក្រាម P,O, ពី ៤៥-៥០ គីឡូក្រាម K.0, បើប្រៀបនឹងវប្បកម្មក្រៅទម្រង់កាត់បន្ថយពី ៨-១០ គីឡូក្រាម N, ពី ៧-៨ គីឡូក្រាម P,O ពី ៤-៥ គីឡូក្រាម K.0។

ក្នុងដំណាក់កាលស្រូវលូតលាស់ ត្រូវប្រើថ្នាំការពាររុក្ខជាតិពី ៤-៥ ដង និងថ្នាំសម្លាប់សត្វល្អិតមិនលើស ២ ដង។ ក្នុងវិធីរក្សាទឹកត្រូវបូមទឹកចូលនិងបង្ហូតឆ្លាស់គ្នាទៅតាមដំណាក់កាលនៃការលូតលាស់របស់ស្រូវ ស្រែត្រូវរក្សាឱ្យគោកក្នុងដំណាក់កាលមុន ១ ថ្ងៃ និងក្រោយពីសាបព្រោះ ៣៥ ទៅ ៤០ ថ្ងៃក្រោយពេលសាបព្រោះ និងមុនពេលប្រមូលផលពី ៧-១២ ថ្ងៃ។ ដំណាក់កាលក្រៅពីនោះ គ្រាន់តែរក្សាទឹកក្នុងកម្រិតពី ៣-៥ សង់ទីម៉ែត្រ ជួយឱ្យការប្រើប្រាស់ទឹកប្រិតសំចៃនិងមានប្រសិទ្ធភាព កាត់បន្ថយអត្រាស្រូវរលំក្នុងស្រែ។ ក្រៅពីនេះ ដំណាក់កាលនៃការផលិតស្រូវ ចាប់ពីការភ្ជួររាស់ សាបព្រោះ ស្ទូងបាញ់ថ្នាំ ច្រូតកាត់ ដឹកជញ្ជូន... សុទ្ធតែប្រើប្រាស់គ្រឿងយន្ត។ អាស្រ័យហេតុនេះកាត់បន្ថយបានថ្លៃដើមផលិតកម្ម និងការខាតបង់ក្នុងដំណាក់កាលប្រមូលផលស្រូវ។

លោក ត្រឹងតឹងភឿង បញ្ជាក់៖ “បច្ចេកទេស វប្បកម្មស្រូវប្រកបដោយភាពឆ្លាតវៃ រួមជាមួយនឹងការជ្រើសរើសពូជស្រូវដែលសម្របតាមលក្ខណៈដីរដូវកាល និងតម្រូវការទីផ្សារក្នុងទម្រង់ផលិតស្រូវអង្ករប្រកបដោយចីរភាព បាននាំមកនូវប្រសិទ្ធភាពជាក់ស្តែង។ ទម្រង់ជួយដល់កសិករកាត់បន្ថយបានការចំណាយប្រមាណ ២,៣ លានដុង/ហិកតា ទិន្នផលជាមធ្យមកើនជិត ៥០០ គីឡូក្រាម/ហិកតា កាត់បន្ថយថ្លៃដើមជាមធ្យម ៦២០ ដុង/គីឡូក្រាម និងប្រាក់ចំណេញកើន ៤៨,៨% បើធៀបការផលិតក្រៅពីទម្រង់។ ទន្ទឹមនឹងនោះ រួមចំណែកក្នុងការថែរក្សាបរិស្ថានកសិកម្ម និងការពារសត្វល្អិតដែលមានប្រយោជន៍។ បច្ចុប្បន្ន ទម្រង់នេះ កំពុងត្រូវបានផ្នែកកសិកម្មខេត្ត ពង្រីកទូលំទូលាយដល់កសិករ”៕

យ្វីអាញ-លេងមី

ចែករំលែកអត្ថបទ

ពាក្យគន្លឹះ