មហាសាមគ្គីជនជាតិ ភូមិស្រុកផ្លាស់ថ្មី

11/07/2022 - 16:29

បង្ហាញពីការបាចជីស្រូវដោយយន្តហោះដ្រូន

សាខានាយកដ្ឋានដាំដុះនិងការពាររុក្ខជាតិ ចំណុះមន្ទីរកសិកម្មនិងអភិវឌ្ឍន៍ជនបទក្រុងកឹងធើ សហការជាមួយនឹងក្រុមហ៊ុនភាគហ៊ុនជីប៊ិញដៀង និងអង្គភាពនានាជាប់ពាក់ព័ន្ធ រៀបចំបង្ហាញពីការបាចជីស្រូវដោយយន្តហោះដ្រូន នៅវាលស្រែរបស់កសិករ វ៉ហ្វាងថឹង នៅឃុំដុងប៊ិញ ស្រុកថើយឡាយ ក្រុងកឹងធើ។

បង្ហាញពីការបាចជីស្រូវ ដោយយន្តហោះដ្រូន ។

យន្តហោះដ្រូន បានបង្ហាញពីការអនុវត្តបាចជីនៅលើវាលស្រែ គឺជាផលិតផលរបស់ក្រុមហ៊ុនភាគហ៊ុនដាយថាញ់ កំពុងផ្គត់ផ្គង់និងឧទ្ទេសនាមលើទីផ្សារនៅតាមខេត្ត ក្រុងជាច្រើនក្នុងប្រទេស ។ យន្តហោះដ្រូន អាចប្រើប្រាស់សម្រាប់សាបព្រោះ បាចជី និងបាញ់ថ្នាំស្រូវ។ ចំពោះការបាចជីនិងព្រោះស្រូវ មួយលើកៗយន្តហោះដ្រូនអាចដាក់ជីនិងស្រូវពូជបានប្រមាណពី ៤០-៤៥ គីឡូក្រាម។ ចំណែកបរិមាណជីសម្រាប់បាចប្រមាណ ១៥០ គីឡូក្រាម/ហិកតា មួយលើកៗគ្រាន់តែចំណាយពេលបាចប្រមាណតែ ១៥ នាទីប៉ុណ្ណោះ។ រីឯការបាញ់ថ្នាំ យន្តហោះដ្រូនអាចដាក់ទឹកល្បាយថ្នាំមួយលើកៗបានចំនួន ៤០ លិត្រ។

ស្រែរបស់កសិករដែលបានជ្រើសរើសអនុវត្ត បង្ហាញការបាចជីដោយយន្តហោះដ្រូនក៏ជាស្រែអនុវត្តទម្រង់វប្បកម្មឆ្លាតវៃ សុាំជាមួយនឹងការបម្រែបម្រួលអាកាសធាតុតំបន់វាលរាបទន្លេគឺវឡុង អាស្រ័យមជ្ឈមណ្ឌលជំរុញកសិកម្មជាតិ សហការជាមួយនឹងក្រុមហ៊ុនភាគហ៊ុនជីប៊ិញដៀង និងផ្នែកកសិកម្មក្រុងកឹងធើឧបត្ថម្ភអនុវត្ត។ ក្នុងនោះ ក្រុមហ៊ុនភាគហ៊ុនជីប៊ិញដៀង ធ្វើហិរញ្ញប្បទានជីដល់កសិករ។ តាមសាខានាយកដ្ឋានដាំដុះនិងការពាររុក្ខជាតិ ចំណុះមន្ទីរកសិកម្មនិងអភិវឌ្ឍន៍ជនបទក្រុងកឹងធើ ទម្រង់នេះ កសិករមិនត្រឹមតែផលិតស្រូវតាមបែបវប្បកម្មឆ្លាតវៃ សុាំនឹងការបម្រែបម្រួលអាកាសធាតុប៉ុណ្ណោះទេ នៅទាំងបានឧបត្ថម្ភព្រមៗគ្នា ផ្នែកយន្តូបនីយកម្មក្នុងការផលិត ចាប់ពីផ្នែករៀបចំដីរហូតដល់ការសាបព្រោះ បាញ់ថ្នាំ បាចជី និងប្រមូលផល ។ល។ នេះក៏ជាទម្រង់សកម្មភាពគាំទ្រព្រឹត្តិការណ៍អន្តរជាតិ Agritechnica Asi live ឆ្នាំ ២០២២ ក្រោមប្រធានបទ “យន្តូបនីយកម្មព្រមៗគ្នា ឆ្ពោះដល់ខឿនសេដ្ឋកិច្ចប្រកបដោយចីរភាព” អាស្រ័យមជ្ឈមណ្ឌលជំរុញកសិកម្មជាតិ ចំណុះក្រសួងកសិកម្មនិងអភិវឌ្ឍន៍ជនបទ សហការជាមួយនឹងវិទ្យាស្ថានស្រាវជ្រាវស្រូវអង្ករអន្តរជាតិ (IRRI) និងសម្ព័ន្ធសមាគមកសិកម្មអាល្លឺម៉ង់ (DLG) រៀបចំឡើង តាមការគ្រោងទុកព្រឹត្តិការណ៍នឹងប្រព្រឹត្តឡើងនៅក្រុងកឹងធើ ក្នុងអំឡុងពេល ៣ ថ្ងៃ ចាប់ពីថ្ងៃទី ២៤ ដល់ថ្ងៃទី ២៦ ខែសីហា ឆ្នាំ ២០២២ ។

តាមរយៈសកម្មភាពនៃការបង្ហាញនៅក្នុងទម្រង់ នឹងជួយឱ្យកសិករបានកៀកជិតនូវគ្រឿងឧបករណ៍ម៉ាស៊ីន និងបច្ចេកវិទ្យាថ្មីៗ ក៏ដូចជាឃើញផ្ទាល់ភ្នែកសមត្ថភាពនៃសកម្មភាពរបស់វានៅលើវាលស្រែ ផ្តើមពីនោះ ជំរុញឱ្យកសិករហ៊ានអនុវត្តក្នុងការផលិតកម្មរបស់ខ្លួន៕

វ៉ាន់កុង-វិមាន

ចែករំលែកអត្ថបទ

ពាក្យគន្លឹះ