មហាសាមគ្គីជនជាតិ ភូមិស្រុកផ្លាស់ថ្មី

04/07/2022 - 15:43

ប្រសិទ្ធភាពនៃការចលនាកសិករផលិត ធ្វើអាជីវកម្មពូកែ

ជាច្រើនឆ្នាំមកនេះ ផ្តើមពីការចលនាកសិករផលិត ធ្វើអាជីវកម្មពូកែ សាមគ្គីជួយគ្នាធ្វើមាននិងកាត់បន្ថយភាពក្រីក្រប្រកបដោយចីរភាព (ហៅកាត់ថាចលនា) សមាជិកសមាគមកសិករឃុំត្វឹងទឹក ស្រុកថាញ់ទ្រី ខេត្តសុកត្រាំង សកម្មប្រឡងប្រណាំងពលកម្មផលិត ពង្រីកសេដ្ឋកិច្ច លំនឹងជីវភាព។

សមាគមកសិករឃុំត្វឹងទឹក ជូនប័ណ្ណសរសើរដល់កសិករដែលសម្រេចកិត្តិនាម
កសិករផលិតធ្វើអាជីវកម្មពូកែថ្នាក់ឃុំ។

សមាគមកសិករឃុំត្វឹងទឹក ធ្វើការផ្សព្វផ្សាយពិគ្រោះយោបល់ ជំនួយបុលទុន គៀរគរសមាជិកកសិករបង្វែររចនាសម្ព័ន្ធឈើហូបផ្លែ សត្វចិញ្ចឹម នាំយកពូជឈើណាដែលមានទិន្នផល ប្រសិទ្ធភាពសេដ្ឋកិច្ចខ្ពស់មកដាំដុះ។ ទន្ទឹមនោះ ហ្វឹកហ្វឺនផ្ទេរជូនវិទ្យាសាស្ត្របច្ចេកទេសក្នុងការដាំដុះ ចិញ្ចឹមសត្វដល់សមាជិក។ ចលនាសមាជិកកសិករអនុវត្តវាលស្រែគំរូធំ ជ្រើសពូជស្រូវគុណភាពខ្ពស់ រួចហើយទំនាក់ទំនងនឹងក្រុមហ៊ុន អាជីវកម្ម ចុះកិច្ចសន្យាធានាទិញផលិតផល។ ទន្ទឹមនឹងនោះ សមាជិកកសិករនៅទាំងបានបុលទុនពីធនាគារគោលនយោបាយសង្គម ដើម្បីវិនិយោគលើការបង្កបង្កើនផលជាទ្រង់ទ្រាយកសិដ្ឋាន ដូចជា៖ កសិដ្ឋានចិញ្ចឹមជ្រូក គោ និងដាំដំណាំរួមផ្សំជាដើម រកបានចំណូលជាមធ្យមជាង ១០០ លានដុងក្នុងមួយឆ្នាំ។

បងលីថាំង នៅភូមិទ្រុងហ្វា នៅពេលបានសមាគមកសិករបង្កលក្ខណៈបានបុលទុនពីធនាគារគោលនយោបាយសង្គម និងចូលរួមហ្វឹកហាត់បច្ចេកទេសចិញ្ចឹមគោ បងក៏មិនរារែកក្នុងការវិនិយោគចិញ្ចឹមសត្វ។ ផ្តើមពីគោពីរក្បាលដំបូងមកដល់បច្ចុប្បន្ន ហ្វូងគោរបស់បងកើនឡើងបាន ៦ ក្បាល។ បងថាំង បានលក់ពីរក្បាលជាមួយតម្លៃពី ១៥-៤០ លានដុង ដើម្បីដោះស្រាយជីវភាព។ បងលីថាំង ឱ្យដឹង៖ “អាស្រ័យចិញ្ចឹមគោមានប្រសិទ្ធភាព ទើបខ្ញុំមានលក្ខណៈបើកហាងលក់គ្រឿងទេសរកប្រាក់ចំណូលបន្ថែម ដូច្នេះបច្ចុប្បន្នជីវភាពបានលំនឹង សង់បានផ្ទះសម្បែងសមរម្យ”។

លោកតូមិញដែ ប្រធានសមាគមកសិករ ឃុំត្វឹងទឹក ឱ្យដឹង៖ “កន្លង ៣ ឆ្នាំអនុវត្តចលនាទូទាំងឃុំមានគ្រួសារចំនួន ៥៤២ បានទទួលស្គាល់ជាកសិករផលិតពូកែថ្នាក់មជ្ឈិម ខេត្ត ស្រុកនិងថ្នាក់ឃុំ។ ការចលនានេះ បានគូសបញ្ជាក់ពីតួនាទីកសិករក្នុងការអភិវឌ្ឍសេដ្ឋកិច្ច បានជួយឱ្យកសិករផ្លាស់ប្តូរការគិត របៀបធ្វើថ្មី ភាពច្នៃប្រតិដ្ឋក្នុងការអនុវត្តបច្ចេកទេសជឿនលឿនក្នុងការផលិតកម្ម។ ប្រើប្រាស់ដើមទុនចំគោលបំណង មានប្រសិទ្ធភាព ម៉្លោះហើយធ្វើឱ្យគ្រួសារចាកផុតពីភាពក្រីក្រឆាប់រហ័ស ឈានឡើងធ្វើមាន”៕

យ្វីអាញ-លេងមី

ចែករំលែកអត្ថបទ

ពាក្យគន្លឹះ