មហាសាមគ្គីជនជាតិ ភូមិស្រុកផ្លាស់ថ្មី

21/06/2022 - 09:05

ឧបត្ថម្ភកសិករប្រលែងឪម៉ាល់តូច ដើម្បីកម្ចាត់ដង្កូវក្បាលខ្មៅបំផ្លាញដូង

យោងតាមសាខានាយកដ្ឋានដាំដុះនិងការពាររុក្ខជាតិ ចំណុះមន្ទីរកសិកម្មនិងអភិវឌ្ឍន៍ជនបទខេត្តត្រាវិញ អង្គភាពទើបសហការជាមួយនឹងក្រុមហ៊ុនភាគហ៊ុនអាហរ័ណនីហរ័ណបេនត្រែ (Betrimex) ឧបត្ថម្ភកសិករដាំដូងចំនួន ៧៨ គ្រួសារនៅស្រុកកាងឡុងនិងទីវកឹង ព្រលែងពងឪម៉ាល់តូចជាសត្វ ល្អិតមានប្រយោជន៍ដើម្បីកម្ចាត់ដង្កូវក្បាលខ្មៅបំផ្លាញដូង។

ដង្កូវក្បាលខ្មៅបំផ្លាញដូង កំពុងរីករាលដាលនៅឃុំជាច្រើននៃស្រុកទីវកឹង
និងកាងឡុង។ រូបថត៖ ថាញហ្វា-TTXVN

ដង្កូវក្បាលខ្មៅ ចាប់ផ្តើមកើតមាននៅខេត្តត្រាវិញនៅដើមខែកញ្ញា ឆ្នាំ ២០២១ លើចម្ការដូងរបស់ប្រជាជន ៤ គ្រួសារនៅភូមិកាវម៉ោក ឃុំតឹងហ្វា ស្រុកទីវកឹង ជាមួយផ្ទៃដីខូចខាត ២,៧ ហិកតា កម្រិតខូចខាតពី ៦០-៧៩%។ នេះជាប្រភេទសត្វល្អិតដ៏គ្រោះថ្នាក់ បំផ្លាញដើមដូង ទិន្នផលថយចុះប្រហែល ៨០% និងធ្វើឱ្យងាប់ដើមក៏សឹងមាន។ លោកកាវថាញទូ នៅឃុំតឹងហ្វា ស្រុកទីវកឹង ឱ្យដឹង៖ គ្រួសារខ្ញុំមានចម្ការដូង ០,៥ ហិកតា ប្រមូលផលរៀងរាល់ខែមធ្យមភាគប្រមាណ ៥០០ ផ្លែ។ ចាប់តាំងពីមានដង្កូវក្បាលខ្មៅ ចម្ការដូង ទិន្នផលថយចុះប្រមាណ ៦០% ធ្វើឱ្យគ្រួសារគាត់បាត់បង់ប្រាក់ចំណូលច្រើន។ បន្ទាប់ពីទទួលបានការឧបត្ថម្ភព្រលែងពងឪម៉ាល់បរាសិតពិសោធន៍សាកល្បង ដង្កូវក្បាលខ្មៅកាត់បន្ថយគួរឱ្យកត់សម្គាល់ ចម្ការដូងរបស់គាត់ចាប់ផ្តើមលូតលាស់ជាបណ្តើរៗ។

តាមប្រសាសន៍ លោកវ៉ក្វាងកឿង អនុប្រធានការិយាល័យកសិកម្មនិងអភិវឌ្ឍន៍ជនបទស្រុកទីវកឹង ភូមិភាគមានផ្ទៃដីដាំដូងសរុបជាង ៥.៥០០ ហិកតា ក្នុងនោះឃុំតឹងហ្វាច្រើនបំផុត។ ក្នុងការប្រលែងឪម៉ាល់បរាសិតលើកនេះ ក្រុមហ៊ុន Betrimex បានឧបត្ថម្ភកសិករដាំដូង នៅឃុំតឹងហ្វាចំនួន ៦៥០ ថង់ ដែលស្មើនឹងពងឪម៉ាល់ជាង ១ លានពង។ ចម្ការដូងក្នុងមួយហិកតាដាក់ព្យួរចំនួន ៤៥ ថង់ ស្មើនឹង ៧៥.០០០ ពងថង់ត្រូវបានចងព្យួរលើដើម កម្ពស់ពីដីប្រហែល ១,៥ ម៉ែត្រ ដើម្បីមាមីងកសិករងាយស្រួលក្នុងការត្រួតពិនិត្យ។ លក្ខណៈសំខាន់បំផុតរបស់ប្រភេទឪម៉ាល់នេះ គឺលេចពងបរាសិតទៅក្នុងពងប្រភេទសត្វល្អិតបំផ្លាញ។ ហេតុនេះ បន្ទាប់ពីពងឪម៉ាល់នេះញាស់ វានឹងហើរទៅទុំតាមស្លឹកដូងរួចលេចពងទៅក្នុងពងដង្កូវក្បាលខ្មៅ រស់នៅបណ្តុះបរាសិតធ្វើឱ្យងាប់ពងដង្កូវក្បាលខ្មៅ បង្កើតឪម៉ាល់ជំនាន់ថ្មីក្នុងធម្មជាតិ ជួយបង្កើនកម្រិតបរិមាណប្រភេទសត្វល្អិតមានប្រយោជន៍នេះ។

លោកស្រី ង្វៀងធីលុង អនុប្រធានសាខានាយកដ្ឋានដាំដុះនិងការពាររុក្ខជាតិខេត្តត្រាវិញ ឱ្យដឹង៖ ការប្រើប្រាស់ឪម៉ាល់តូច ដើម្បីកម្ចាត់ដង្កូវក្បាលខ្មៅបំផ្លាញដូង គឺជាវិធានការជីវសាស្ត្រធានាសុវត្ថិភាពសុខភាពសហគមន៍ មិនប៉ះពាល់ដល់បរិស្ថាន នាំមកប្រសិទ្ធភាពយូរអង្វែងនិងប្រកបដោយនិរន្តរភាព។ យោងតាមផែនការ នៅពេលខាងមុខ ក្រុមហ៊ុន Betrimex នឹងបន្តការឧបត្ថម្ភកសិករដាំដូងនៅភូមិភាគ ព្រលែងឪម៉ាល់បន្ថែម ៤ លើកទៀត។ ពេលព្រលែងឪម៉ាល់តូច កសិករចំណាំដាច់ខាតមិនត្រូវបាញ់ថ្នាំការពាររុក្ខជាតិនៅចម្ការដូងដែលព្រលែងពងឪម៉ាល់ ដើម្បីជៀសវាងប៉ះពាល់ដល់ហ្វូងឪម៉ាល់៕

 យោង៖ កាសែតត្រាវិញ-មុនី

ចែករំលែកអត្ថបទ

ពាក្យគន្លឹះ