មហាសាមគ្គីជនជាតិ គំរូក្នុងសហគមន៍

18/04/2022 - 14:52

កែច្នៃជីលាមកគោទៅជាជីសរីរាង្គអតិសុខុមប្រាណ

លោក កៀងមិញទ្រី នៅភូមិក្នុងស្រុក ឃុំហ្វាឡើយ ស្រុកចូវថាញ់ ខេត្តត្រាវិញ ជាអ្នកផ្អាប់ជីលាមកគោនិងកែច្នៃទៅជាប្រភេទគ្រាប់ជីសរីរាង្គអតិសុខុមប្រាណ សម្រាប់ដាក់ដំណាំជាច្រើនប្រភេទ។

លោក កៀងមិញទ្រី កំពុងអនុវត្តដំណើរការផ្អាប់ជីសរីរាង្គ។

លោក កៀងមិញទ្រី ឱ្យដឹង៖ “ខ្ញុំជាគ្រូបង្រៀនភាសាអង់គ្លេស ធ្លាប់បង្រៀននៅខេត្តប៊ិញយឿង។ ពីមុនខ្ញុំធ្វើការនៅក្រុមហ៊ុនពាណិជ្ជកម្មអាហរ័ណនីហរ័ណកសិផលនៅក្រុងហូជីមិញ។ សង្កេតឃើញស្ថានភាពនៃការនាំចេញកសិផលជួបការលំបាក ដោយសារគុណភាព ត្រូវផ្តោតដល់ការផលិតកសិផលជ្រះស្អាត។ ខណៈពេលនៅជនបទមានបរិមាណជីលាមកសត្វសម្បូរណាស់ អាចកែច្នៃជាជីសរីរាង្គអតិសុខុមប្រាណ ដាក់ឱ្យដំណាំល្អណាស់ សុវត្ថិភាពជាងតម្លៃសមល្មមជាង ។ ខ្ញុំសន្សែសន្សំដើមទុននិងបទពិសោធន៍ខ្លះៗ ក្នុងវិស័យផលិតជីសរីរាង្គអតិសុខុមប្រាណ ដោយបានសិក្សាបច្ចេកវិជ្ជាប្រព្រឹត្តិកម្មពីបណ្តាប្រទេសជឿនលឿន។ បន្ទាប់មក ខ្ញុំក៏សម្រេចចិត្តត្រឡប់មកត្រាវិញ ប្តេជ្ញាសង់រោងចក្របើកក្រុមហ៊ុនចំកាត់ផលិតពាណិជ្ជកម្មសេវាកម្ម បច្ចេកវិទ្យា TV ចាប់ពីខែតុលា ឆ្នាំ ២០២១ នៅភូមិក្នុងស្រុក ឃុំហ្វាឡើយ ស្រុកចូវថាញ់ រោងចក្រមានទំហំផ្ទៃដីជាង ១.០០០ ម៉ែត្រការ៉េ។ បច្ចុប្បន្ន ក្រុមហ៊ុនខ្ញុំដោះស្រាយការងារធ្វើជូនពលករចំនួន ១៥ នាក់ មានការងារធ្វើលំនឹង ជាមួយប្រាក់ចំណូល ៦ លានដុង/ម្នាក់/ខែ។ ពេលប្រមូលជីលាមកគោពីភូមិស្រុកមក មុននឹងបញ្ចូលបាវដឹកជញ្ជូនមកយើងខ្ញុំវិនិច្ឆ័យដោយបាញ់មេដំបែអតិសុខុមប្រាណនៅនឹងកន្លែង ដើម្បីបំបាត់ធុំក្លិន។ ក្រុមហ៊ុនយើងខ្ញុំមធ្យមភាគ ផលិតជី ៣០ តោន/ថ្ងៃ។ ជីត្រូវបានម៉ាស៊ីនកែច្នៃជាប្រភេទជីគ្រាប់និងដាក់បញ្ចូលបាវមានស្លាកយីហោត្រឹមត្រូវ។ ជីប្រើប្រាស់ដាក់ឱ្យដំណាំនិងឈើហូបផ្លែគ្រប់ប្រភេទ ផ្គត់ផ្គង់ក្នុងខេត្តនិងបណ្តាខេត្តនៅតំបន់ភាគខាងលិច ភាគកណ្តាល ឡឹមដុង ដុងណាយ។ល។ នាំចេញលក់ប្រមាណ ១០០ តោនក្នុងមួយសប្តាហ៍”។

លោកកៀងមិញទ្រី (ខាងឆ្វេង) កំពុងអនុវត្តដំណើរការច្នៃជីសរីរាង្គ។

លោកថាច់ចៀង អនុប្រធានគណៈកម្មាធិការប្រជាជនស្រុកចូវថាញ់ ឱ្យដឹង៖ “ការអនុវត្តបច្ចេកវិទ្យាថ្មីក្នុងការផលិតកសិកម្ម បច្ចុប្បន្ន កំពុងជាទិសដៅត្រឹមត្រូវ ម្ល៉ោះហើយ យើងខ្ញុំបង្កលក្ខណៈគ្រប់គ្រាន់ឱ្យក្រុមហ៊ុនចំកាត់ផលិតពាណិជ្ជកម្មសេវាកម្មបច្ចេកវិទ្យា TV អភិវឌ្ឍល្អ។ ប្រើប្រាស់ជីសរីរាង្គអតិសុខុមប្រាណ នឹងបង្កើនទាំងទិន្នផលនិងគុណភាពផលិតផល បើប្រៀបនឹងការផលិតតាមបែបធម្មតាប្រើប្រាស់ជីគីមី។ ផលិតផលជីសរីរាង្គអតិសុខុមប្រាណរបស់ក្រុមហ៊ុនលោកទ្រី បានរួមចំណែកបង្កើតកសិផលជ្រះស្អាតនៅភូមិភាគ ក៏ដូចជាផ្លាស់ប្តូររបៀបធ្វើ របៀបគិតរបស់កសិករអំពីការផលិតកសិផលគុណភាព ផ្តើមពីនោះ ច្រកចេញនៃផលិតផលកសិកម្មកាន់តែមានភាពលំនឹង”៕

សឺនម៉ាល័យ-មុនី

ចែករំលែកអត្ថបទ

ពាក្យគន្លឹះ