មហាសាមគ្គីជនជាតិ គំរូក្នុងសហគមន៍

11/04/2022 - 16:59

អ្នកមានប្រជាប្រិយ គឹមភឿក

អស់រយៈកាលជាង ១៥ ឆ្នាំកន្លង លោកគឹមភឿក នៅភូមិផ្សារ ឃុំឡុងហេប ស្រុកថ្កូវ ខេត្តត្រាវិញ តែងបានមាមីងបងប្អូនជឿទុកចិត្ត ជ្រើសរើសជាអ្នកមានប្រជាប្រិយនៅភូមិភាគ។ បងប្អូនមាមីងខ្មែរតែងហៅគាត់ដោយភាពស្និទ្ធស្នាលថា ពូបាភឿក។

ពូបាភឿក (ខាងឆ្វេង)។

លោកគឹមភឿក តែងចំណាយពេលវេលាជាច្រើនដើម្បីផ្សព្វផ្សាយ ចលនាមាមីងបងប្អូនខ្មែរ លើកកម្ពស់ស្មារតី ប្រុងប្រយ័ត្ន ទប់ទល់ឧបាយកលរបស់អានុភាពអមិត្ត សំដៅបំបែកបំបាក់ធ្លុងមហាសមគ្គីជនជាតិ។ ក្រៅពីនោះ លោកភឿកថែមទាំងចូលរួមដោះស្រាយ សម្រុះសម្រួលករណីប្តឹងផ្តល់នៅភូមិស្រុកទៀតផង។ លោកគឹមភឿក ចែករំលែក៖ ដើម្បីសម្រុះសម្រួលបានសម្រេចជោគជ័យ គាត់បានលើកយកនូវទំនៀមទម្លាប់ប្រពៃណីរបស់ជនជាតិ ក៏ដូចជាច្បាប់ទម្លាប់ក្នុងភូមិស្រុកដើម្បីបញ្ចុះបញ្ចូល។ ចាប់តាំងពីឆ្នាំ ២០០៧ រហូតមកទល់ពេលនេះ លោកគឹមភឿក បានសម្រុះសម្រួលជោគជ័យ ៩ ករណីប្តឹងផ្តល់ ក្នុងភូមិស្រុក។

លោកគឹមភឿក នៅទាំងសកម្មចលនាមាមីងបងប្អូនក្នុងឃុំ សហការជាមួយសាខាសមាគម អង្គការមហាជន ចូលរួមវិភាគទានបាន ១២០ លានដុង ដើម្បីកសាងបង្គោលភ្លើង; ចលនា ៩ គ្រួសារបរិច្ចាគដីសាងសង់ស្ពាន ផ្លូវ ជនបទ ដើម្បីឃុំសម្រេចបទដ្ឋានជនបទថ្មី។ លោកក៏បានបណ្តុះពូជផ្កា ដើមឈើដោយផ្ទាល់ ដើម្បីយកដាំជាលំអតាមដងផ្លូវក្នុងឃុំ។ ពិសេស លោកថែមទាំងបង្កើតក្រុមស្វ័យគ្រប់គ្រង ដោយមានសមាជិកជាង ១០ នាក់ ចូលរួមការពារដងផ្លូវជនបទ៖ ឡុងហេប-តឹងហេប, ឡុងហេប - ង៉ុកបៀង, ភូមិផ្សារ - ភូមិតាសឹក, ភូមិផ្សារ - ភូមិផ្នោព្រាល។ នៅពីរថ្ងៃចុងសប្ដាហ៍ ក្រុមស្វ័យគ្រប់គ្រងតែងទៅបោសសំអាត អនាម័យបរិស្ថាន ដាំផ្កាតាមដងផ្លូវ ។ល។ រួមចំណែកកសាងដងផ្លូវនៅឃុំឡុងហេបភ្លឺ - បៃតង - ជ្រះ - ស្អាត។

លោកគឹមបៃលី ប្រធានគណៈកម្មាធិការប្រជាជនឃុំឡុងហេប ឱ្យដឹង៖ “លោកគឹមភឿក គឺជាស្ពានតភ្ជាប់រវាងបក្ស និងប្រជាជន ។ សម្រាប់គ្រួសារគាត់ជាប្តីល្អ ជាឪពុកគំរូ គិតគូរបានល្អសេដ្ឋកិច្ចគ្រួសារ។ សម្រាប់សង្គម លោកតែងខ្នះខ្នែងចូលរួមការចលនា សកម្មចលនាមាមីងគោរពតាមគោលការណ៍របស់បក្ស គោលនយោបាយនិងច្បាប់របស់រដ្ឋ។ ឆ្នាំ ២០១៩ លោកគឹមភឿក មានកិត្តិយស បានប្រធានគណៈកម្មាធិការប្រជាជនស្រុកជូនបណ្ណសរសើរ ដោយសម្រេចស្នាដៃឆ្នើមក្នុងការអនុវត្តកិច្ចចលនា “ទូទាំងប្រជាជនសាមគ្គីកសាងជនបទថ្មី ក្រុងស៊ីវិល័យ”៕

ថាញ់ញុ៉ង

ចែករំលែកអត្ថបទ

ពាក្យគន្លឹះ