មហាសាមគ្គីជនជាតិ គំរូក្នុងសហគមន៍

14/02/2022 - 09:05

ប្រធានសាខាសមាគមកសិករ ថាច់ហ្វាង

បងថាច់ហ្វាង

មាមីងជនជាតិខ្មែរនៅភូមិព្រែកនិស្ស័យ ឃុំតឹងមីុ ស្រុកត្រាអូង ខេត្តវិញឡុង វាយតម្លៃខ្ពស់ចំពោះការខ្នះខ្នែងអស់ពីចិត្តរបស់បងថាច់ហ្វាង។

បងថាច់ហ្វាង ជាប្រធានសាខាសមាគមកសិករភូមិព្រែកនិស្ស័យ។ បងហ្វាង ក៏ជាអនុប្រធានគណៈកម្មការវត្តសិរីមង្គលតាធាយ (ព្រែកនិស្ស័យ) ផងដែរ ម្ល៉ោះហើយបងតែងយល់ច្បាស់ពីជីវភាពគ្រួសារនីមួយៗក្នុងភូមិ។ ជាមនុស្សក្នុងភូមិស្រុក ហេតុនោះ បងក្តាប់ច្បាស់ដំណាក់កាលអភិវឌ្ឍភូមិស្រុករបស់ខ្លួន។ បងហ្វាង ឱ្យដឹង៖ “កាលពីមុន ខ្ញុំគ្រាន់តែចូលរួមកិច្ចការគណៈកម្មការវត្តព្រែកនិស្ស័យប៉ុណ្ណោះ ពីព្រោះខ្ញុំនៅគិតគូរមើលថែក្រូចពោធិ៍សាត់និងធ្វើស្រែទៀតផង។ ពេលដែលភូមិភាគចុះមកជំរុញឱ្យខ្ញុំចូលរួមការងារសមាគមកសិករ ខ្ញុំក៏យល់ព្រម ព្រោះថាកូនធំៗអស់ហើយ ជីវភាពគ្រួសារក៏បានលំនឹងផងដែរ”។

បងថាច់ហ្វាង ដោះដូរជាមួយនឹងលេខាសាខាបក្ស ឡឹមសុផា។

ក្រូចពោធិ៍សាត់ដើមចាស់ បងហ្វាងកែប្រែចម្ការដើម្បីដាំដូងតឿក្រអូបវិញ។ “ប្រពន្ធខ្ញុំតែងចំអកឱ្យថា “តាប៉ិឯងដាំដូង ដើម្បីមិនបាច់ចំណាយពេលថែទាំ មានពេលវេលាដើម្បីគិតគូរ រឿងភូមិស្រុកមែនអត់?”- បងហ្វាង បង្ហើបឱ្យដឹង៖ តាមពិត ដូច្នោះមែន ដោយមិនបាច់ “កម្ចាត់សត្វល្អិត” ជាមួយនឹងជីថ្នាំលើដំណាំក្រូចពោធិ៍សាត់ បងហ្វាងមានពេលវេលាច្រើនដើម្បីគិតគូរដល់សមាជិកផង។ បងហ្វាង មោទនភាព៖ “មកទល់ពេលនេះ ភូមិព្រែកនិស្ស័យគ្មានសមាជិកកសិករក្រីក្រឡើយ”។

បើតាមបងឡឹមសុផា លេខាសាខាបក្ស ប្រធានភូមិព្រែកនិស្ស័យឱ្យដឹង ដោយការខ្នះខ្នែងអស់ពីចិត្តរបស់បងហ្វាង បានជួយសមាជិកជាច្រើនមិនអល់អែកបង្វែររចនាសម្ព័ន្ធឈើដំណាំសត្វចិញ្ចឹមដើម្បីអភិវឌ្ឍសេដ្ឋកិច្ចកសិកម្ម។ បងហ្វាង ជាអ្នកស្វែងយល់ពីជីវភាពគ្រួសារនីមួយៗ ផ្តល់ពិគ្រោះទម្រង់រកស៊ីច្រើនបែបយ៉ាង និងឧទ្ទេសនាមដល់គណៈកម្មការគ្រប់លំដាប់ថ្នាក់ដោះស្រាយឱ្យរាល់គ្រួសារបុលដើមទុនដើម្បីអភិវឌ្ឍទម្រង់។ បងថាច់ថន នៅភូមិព្រែកនិស្ស័យ ឱ្យដឹង៖ “បងហ្វាងឃើញខ្ញុំពេញចិត្តដាំឈើលម្អ ម្ល៉ោះហើយបងឧទ្ទេសនាមឱ្យខ្ញុំបុលដើមទុនដើម្បីដាំឈើលម្អមួយចំនួនជុំវិញផ្ទះ។ សព្វថ្ងៃ ខ្ញុំសងស្រឡះដើមទុនអស់ហើយ នៅសល់ឈើលម្អមួយចំនួនទុកសម្រាប់លក់ក្នុងឱកាសបុណ្យចូលឆ្នាំតាមរបៀបបង្វិលជុំ។ មុខរបរពិតរបស់ខ្ញុំគឺ ជាងឈើ ប៉ុន្តែម្តងម្កាលលក់ឈើលម្អជួយឱ្យខ្ញុំរកបានប្រាក់ចំណូលបន្ថែម ដើម្បីទិញរបស់របរសម្រាប់គ្រួសារ” បងហ្វាងក៏បានឧទ្ទេសនាមឱ្យប្តីប្រពន្ធបងស្រីថាច់ធីសារ៉ួ បុលដើមទុនចិញ្ចឹមគោ បើកហាងលក់សារពើភ័ណ្ឌ និងភេសជ្ជៈផងដែរ។ បើតាមបងស្រីសារ៉ួ ប្តីគាត់ទទួលបន្ទុកចិញ្ចឹមគោនិងធ្វើការឈ្នួលបន្ថែម។ រីឯបងស្រីលក់ដូរ បច្ចុប្បន្នគ្រួសារបានចាកផុតពីភាពក្រីក្រ។

បងហ្វាង ឲ្យដឹងបន្ថែម៖ គ្រួសារបងស្រីដាវធីយ្វៀង ថាច់ធីត្រង ថាច់ធីបា ថាច់កូក៘ ទើបចាកផុតពីភាពក្រីក្រ។ ដោយឡែកគ្រួសារថាច់តួ និងថាច់ថាំង៘ សព្វថ្ងៃជីវភាពធូរធារខ្លាំងណាស់។ បងហ្វាងឱ្យដឹង៖ “កសិករក្នុងភូមិចាកផុតពីភាពក្រីក្រ ឈានឡើងធូរធារ គឺជាកម្លាំងចលករដើម្បីខ្ញុំអនុវត្តល្អភារកិច្ចរបស់ខ្លួនជាងទៀត”៕

ហាថាញ-លីសៀ

ចែករំលែកអត្ថបទ

ពាក្យគន្លឹះ