មហាសាមគ្គីជនជាតិ ភូមិស្រុកផ្លាស់ថ្មី

07/02/2022 - 14:21

ស្រុកថ្កូវ លើកកម្ពស់លក្ខណៈសហគមន៍ក្នុងការជីកប្រឡាយរាយរង

ជនរួមជាតិខ្មែរនៅស្រុកថ្កូវ ខេត្តត្រាវិញ ចូលរួមយ៉ាងសកម្មការចលនាជីកប្រឡាយរាយរង (ប្រឡាយកម្រិត III) សម្រាប់បម្រើការផលិតកសិកម្ម។

អាស្រ័យមានប្រឡាយកម្រិត III ទើបដំណាំស្រូវនៅភូមិបាត្រាច់
ឃុំតឹងហ៊ីបផ្ដល់ទិន្នផលខ្ពស់។

តាមរយៈការងារប្រជាចលនាប៉ិនប្រសប់ ភូមិភាគបានផ្សព្វផ្សាយយ៉ាងទូលំទូលាយនិងបង្កភាពសុសសាយ ទើបប្រជាជនមានការយល់ដឹងត្រឹមត្រូវពីផលប្រយោជន៍របស់ប្រឡាយរាយរងក្នុងការអនុវត្តបង្វែររចនាសម្ព័ន្ធផលិតកម្ម ធានាប្រភពទឹកសាបសម្រាប់បម្រើការផលិត។ ឆ្លងតាមរយៈនោះ ក៏លេចចេញនូវគំរូជាច្រើនដែលស្ម័គ្របរិច្ចាគដីនិងដំណាំដើម្បីស្ដារនិងជីកថ្មីប្រឡាយកម្រិត III រាប់ពាន់ខ្សែ ប្រមាណតម្លៃដែលប្រជាជនចូលរួមបរិច្ចាគដីនិងដំណាំ (គិតជាទឹកប្រាក់) ពី៤-៥ពាន់លានដុង/ឆ្នាំសម្រាប់អនុវត្ត។ ដោយឡែកក្នុងឆ្នាំ ២០២០ ស្រុកថ្កូវបានអនុវត្តសំណង់ ប្រឡាយកម្រិត III ចំនួន ១៥៨ ខ្សែ មានប្រវែង ៩៦.៧២៥ គីឡូម៉ែត្រ សម្រេច ១០៤.៨% នៃផែនការសម្រាប់ស្រោចស្រពលើផ្ទៃដី ២.៧១៤ ហិកតា ផ្ទៃដីដែលប្រជាជនបរិច្ចាគជាង ២២.៥៩ ហិកតា (គិតជាទឹកប្រាក់ជាង ១៣.៥ ពាន់លានដុង )។

តាមប្រសាសន៍លោកថាច់សុផាន់ អនុប្រធានការិយាល័យកសិកម្មនិងអភិវឌ្ឍន៍ជនបទស្រុកថ្កូវ ឆ្នាំ ២០២១ មាមីងចូលរួមជីកស្តារ កែលម្អ ពង្រឹងទំនប់កន្លែងបាក់ស្រុតដោយទឹកធំ។ ឆ្លងតាមរយៈនោះ មានផ្នែកសំណង់ចំនួន ១៩០ ប្រវែងសរុប ១២២.១៧ គ.ម ផ្ទៃដីចលនាសិករបរិច្ចាគប្រមាណ ១២ ហិកតា (ជីកថ្មី និងស្តារប្រឡាយកម្រិត III ចំនួន ១១៥ ខ្សែ ប្រវែងសរុប ១១៤.៥៩៥ គ.ម ផ្ទៃដីនិងដំណាំដែលប្រជាជនបានបរិច្ចាគគឺ ១០.៩៥ ហិកតា; កែលម្អនិងពង្រឹងទំនប់ស្រុតបាក់ចំនួន ៥៩ ផ្នែកសំណង់មានប្រវែង ៧.៣៨៤ គ.ម ផ្ទៃដី ប្រជាជនបរិច្ចាគគឺ ១.៥២ ហិកតា...)។ ភូមិភាគជាច្រើនបានចលនាប្រជាជនបរិច្ចាគដី និងដំណាំសម្រាប់ជីកស្ដារប្រឡាយបានល្អ ដូចជា ឃុំគឹមសើុង ហាមយ៉ាង លឺវង៉េបអាញ់ ឡុងហ៊ីប...។ល។ កសិករថាច់ហ្វា នៅភូមិផ្នោរព្រាល ឃុំឡុងហ៊ីប ចែករំលែក៖ “ខ្ញុំបានបរិច្ចាគដីជាង ៣០០ម២ (ប្រវែង ៦០ ម៉ែត្រ ទទឹង ០៥ ម៉ែត្រ) និងចលនាគ្រួសារឯទៀតចូលរួមបរិច្ចាគដី និងដំណាំនៅពេលគម្រោងបានឆ្លងកាត់ចំណែកដីរបស់ខ្លួន។ អាស្រ័យហេតុនេះ មិនត្រឹមតែគ្រួសាររបស់ខ្ញុំមានទឹកគ្រប់គ្រាន់សម្រាប់ផលិតប៉ុណ្ណោះទេ ថែមទាំងជួយដល់គ្រួសាររាប់រយទៀត បានទទួលផលពីសំណង់ធារាសាស្ត្រនេះផងដែរ” ។

ស្រុកថ្កូវ ជារៀងរាល់ឆ្នាំមានផ្ទៃដីផលិតស្រូវប្រមាណ ៤០.០០០ ហិកតា និងដីដាំដំណាំ ៦.០០០ ហិកតា។ ការរក្សាទឹកសាបក្នុងវាលស្រែ ឆ្លងតាមរយៈដំណោះស្រាយជីកស្តារប្រឡាយតែងបានភូមិភាគ និងផ្នែកកសិកម្មស្រុក ផ្សព្វផ្សាយយ៉ាងទូលំទូលាយ ហើយបានកសិករស្ម័គ្រចិត្តគាំទ្រ៕

តាមកាសែតត្រាវិញ-លេងមី

ចែករំលែកអត្ថបទ

ពាក្យគន្លឹះ