សន្តិសុខ - ការពារប្រទេស ការពារប្រទេស

18/10/2021 - 08:03

កសាង “ខែលទន់”

ចំពោះមុខការប្រែប្រួលយ៉ាងស្មុគស្មាញនៃជំងឺ COVID-១៩ កងអនុសេនាធំឃ្លាំង ការិយាល័យបច្ចេកទេស (បញ្ជាការដ្ឋានយោធាខេត្តគៀងយ៉ាង) បានសកម្មបង្កបង្កើនផលសំដៅឧបត្ថម្ភទាន់ពេលដល់ប្រជាជននៅតំបន់ឈរជើងដែលជួបការលំបាក។

ទម្រង់ស្រូវ -ត្រីនៅក្នុងកងអនុសេនាធំឃ្លាំងនាំមកប្រសិទ្ធភាពខ្ពស់។

ពូយ័ញនិន ស្នាក់នៅភូមិក-ខៀ ឃុំឡុងថាញ់ ស្រុកយង់រៀង រៀបរាប់៖ “ការអនុវត្តគម្លាតសង្គម ប្រពន្ធនិងកូនទាំងពីរនាក់ ទៅធ្វើឈ្នួលស្រុកឆ្ងាយមិនអាចវិលត្រឡប់មកបាន ខ្ញុំក៏មិនអាចទៅធ្វើការងារអ្វីបាន។ សំណាងល្អបានបងប្អូនក្នុងកងអនុសេនាធំឃ្លាំង ជូនអង្ករ ស៊ុត បន្លែ ត្រី។ល។ ជារៀងរាល់ថ្ងៃ ម្ល៉ោះហើយខ្ញុំមិនដាច់បាយ”។

គ្រួសារពូយ័ញយ៉ឹម ក៏បានអង្គភាពឧបត្ថម្ភអង្ករនិងសម្ភារៈប្រើប្រាស់ចាំបាច់ផងដែរ។ អំណោយក្នុងមួយចំណែកថ្វីត្បិតតែមិនច្រើនក៏ពិតមែន ប៉ុន្តែនោះគឺទឹកចិត្តនិងការចែករំលែករបស់យោធិនឃ្លាំង ចំពោះការលំបាករបស់មាមីងដែលរងផលប៉ះពាល់នៃជំងឺឆ្លងរាលដាល។ លោកយ័ញចាក់ អនុលេខាសាខាបក្ស អនុប្រធានគណៈកម្មការភូមិក-ខៀ ចែករំលែក៖ “នៅទីនេះ ភាគច្រើនជាជនជាតិខ្មែរ ជីវភាពសំខាន់ពឹងលើកសិកម្ម ម្ល៉ោះហើយខណៈជំងឺផ្ទុះរាលដាលមានការអត្តខាត់ណាស់។ អាស្រ័យបានការឧបត្ថម្ភពីកងទ័ព ដូច្នេះមាមីងកាត់បន្ថយបានការលំបាក”។

រយៈពេលកន្លង កងអនុសេនាធំឃ្លាំង បានប្រើប្រាស់អស់ពីលទ្ធភាពផ្ទៃដីចោលទំនេរក្នុងបន្ទាយ កែប្រែជាតំបន់បង្កបង្កើនផលតាមទម្រង់ចម្ការ-ស្រះ-រោង។ ទន្ទឹមនឹងនោះ រៀបចំឱ្យមានលក្ខណៈវិទ្យាសាស្ត្រ វិនិច្ឆ័យកាកសំណល់តាមសេចក្តីកំណត់។ មានរងដាំបន្លែ បង្ការគ្រប់ប្រភេទដូច៖ ស្ពៃ ជន្លង់ ផ្ទី ម្រះ ឃ្លោក ត្រឡាច ននោង។ល។ ទន្ទឹមនឹងនោះ អង្គភាពបានចិញ្ចឹមប្រភេទត្រីប្រា ត្រីផ្ទក់ និងត្រីអណ្តែងជាដើម។ល។ ដើម្បីមានម្ហូបអាហារគ្រប់គ្រាន់សម្រាប់យោធិន។ វរសេនីយ៍ត្រីផាងវៀតធី ស្នងការនយោបាយនៃអនុសេនាធំឃ្លាំង ឱ្យដឹង៖ “ចាប់ពីខែមេសាមកទល់ពេលនេះ យើងខ្ញុំប្រមូលផលបន្លែបង្ការគ្រប់ប្រភេទបានជាង ១ តោន ត្រីជិត ១ តោន និងសាច់សត្វស្លាបជាង ៣៥០ គ.ក។ល។ ឆ្លងតាមរយៈនោះ ឧបត្ថម្ភទាន់ពេលដល់ប្រជាជនមានជីវភាពក្រលំបាកជិត ៦០ គ្រួសារ”។

សម្រាប់យោធិនឃ្លាំង ទន្ទឹមនឹងភារកិច្ចគ្រប់គ្រង ថែរក្សាការពារគ្រឿងអាវុធ បំពាក់បំប៉នបច្ចេកទេស ការអនុវត្តល្អការងារប្រជាចលនា ក៏រួមចំណែកកសាង “ខែលទន់” លើភូមិសាស្ត្រទៀតផង។ ពិសេស ក្នុងស្ថានភាពជំងឺ COVID-១៩ បង្កផលប៉ះពាល់យ៉ាងធ្ងន់ធ្ងរដល់ជីវភាពប្រជាជន ទង្វើជាក់ស្តែងនិងមានអត្ថន័យនេះ បានរួមចំណែកធ្វើឱ្យរូបភាព “កងទ័ពអ៊ំហូ” រឹតបន្តឹងចំណងសាមគ្គីភាពកងទ័ព - ប្រជាជន កាន់តែជិតដិតស្និទ្ធស្នាលថែមទៀត៕

គៀងយ៉ាង- ភឿងវ៉ូវ -ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ