មហាសាមគ្គីជនជាតិ គំរូក្នុងសហគមន៍

27/09/2021 - 09:08

ហេដ្ឋារចនាសម្ព័ន្ធគមនាគមន៍ រួមចំណែកអភិវឌ្ឍសេដ្ឋកិច្ច-សង្គមតំបន់ជនបទ

ហេដ្ឋារចនាសម្ព័ន្ធគមនាគមន៍ជនបទលើភូមិសាស្រ្តខេត្តសុកត្រាំង បានក្រាលកៅស៊ូ ចាក់បេតុងតភ្ជាប់ រួមចំណែកក្នុងការអភិវឌ្ឍសេដ្ឋកិច្ច-សង្គមនៅតំបន់ជនបទ ពិសេសគឺ តំបន់ជនរួមជាតិខ្មែរ។

ផ្លូវគមនាគមន៍ជនបទកសាងសម្រេចរួចរាល់នឹងភ្ជាប់បណ្តាញស្រុកទាំងអស់នៅខេត្តសុកត្រាំង។

យោងតាមមន្ទីរគមនាគមន៍និងដឹកជញ្ជូនខេត្តសុកត្រាំង គ្រប់ភូមិភាគបានបំផុសចលនាកសាងជនបទថ្មី តាមរូបភាព “រដ្ឋនិងប្រជាជនរួមគ្នាធ្វើ” រួមជាមួយនឹងគោលលំនាំ “ប្រជាជនដឹង ប្រជាជនពិភាក្សា ប្រជាជនធ្វើ ប្រជាជនត្រួតពិនិត្យ” ទើបទទួលបានការគាំទ្រដោយអស់ពីចិត្តរបស់ប្រជាជន។ ផ្តើមពីនោះ រដ្ឋអំណាចគ្រប់លំដាប់ថ្នាក់បានវិនិយោគកសាងស្ពាននិងផ្លូវជនបទរាប់ពាន់ម៉ែត្រ។ មកទល់ពេលនេះ ផ្លូវទាំង ១០០% រថយន្តអាចបើកបរទៅដល់មជ្ឈមណ្ឌលឃុំ សង្កាត់ និងទីប្រជុំជន។ មានឃុំ ៤៤/៨០ សម្រេចលក្ខឋានទី ២ អំពីផ្លូវគមនាគមន៍ក្នុងលក្ខឋានកសាងជនបទថ្មី បង្កើតមូលដ្ឋានគ្រឹះសម្រាប់អភិវឌ្ឍន៍សេដ្ឋកិច្ច-សង្គម តំបន់ជនបទរបស់ខេត្ត។

លោកត្រឹងលីវ អ្នកមានប្រជាប្រិយនៅភូមិបឹងត្រៀក ឃុំលីវទូ ស្រុកត្រឹងដេ មានប្រសាសន៍៖ “បឹងត្រៀក ជាភូមិឆ្ងាយដាច់ស្រយាលមួយរបស់ឃុំ ពីមុនភូមិនេះក្រណាស់ មើលទៅឃើញតែផ្ទះស្លឹក ការធ្វើដំណើរទៅមក ជួញដូរជួបការលំបាកណាស់ គឺមានតែដើរនិងជិះទូកប៉ុណ្ណោះ។ តាំងពីភូមិមានផ្លូវគមនាគមន៍ជនបទតភ្ជាប់ជាមួយឃុំនិងតំបន់ជិតខាង ជីវភាពរបស់មាមីងខ្មែរមានភាពរីកចម្រើន។ ការជួញដូរ ដោះដូរទំនិញ និងបង្កបង្កើនផលក៏មានភាពងាយស្រួល ជួយឱ្យប្រជាជនបង្កើនប្រាក់ចំណូល។ ឥឡូវនេះ ភូមិបឹងត្រៀក ពោរពេញទៅដោយផ្ទះថ្មមាំទាំ”។

នាយកមន្ទីរគមនាគមន៍និងដឹកជញ្ជូនខេត្តសុកត្រាំង លោក ត្រឹងក្វឹកថុង បានសង្កត់ធ្ងន់៖ “ប្រព័ន្ធផ្លូវគមនាគមន៍ជនបទនៅខេត្តសុកត្រាំង មានការអភិវឌ្ឍព្រមៗគ្នា តភ្ជាប់ជាមួយប្រព័ន្ធផ្លូវគមនាគមន៍ស្រុក ខេត្ត និងផ្លូវជាតិ បង្កើតបានទៅជាបណ្តាញតភ្ជាប់ បើកស្រឡះ ទីផ្សារជនបទជាមួយនឹងទីប្រជុំជន។ ចាប់ពីពេលនោះមក បរិមាណនៃការដឹកជញ្ជូន ការធ្វើដំណើរ និងសកម្មភាពពាណិជ្ជកម្មរបស់ប្រជាជននៅជនបទក៏មានភាពងាយស្រួល ប្រាក់ចំណូលបានកើនឡើង រួមចំណែកដល់ការអភិវឌ្ឍសេដ្ឋកិច្ច-សង្គមតំបន់ជនបទ។ តំបន់ជនបទដែលមានជនរួមជាតិខ្មែររស់នៅកុះករ កំពុងមានភាពផ្លាស់ប្តូរពីមួយថ្ងៃទៅមួយថ្ងៃ”៕

លីធាន-ត្រឹងហ្គោន

ចែករំលែកអត្ថបទ

ពាក្យគន្លឹះ