ព្រឹត្តិការណ៍ - នយោបាយ ព្រឹត្តិការណ៍

06/09/2021 - 07:21

សមមិត្ត ឡេក្វាងម៉ាញ់ លេខាគណៈកម្មាធិការបក្សក្រុងកឹងធើ

រៀបចំផែនការសម្រាប់ពេលក្រោយពីគម្លាតសង្គម

(CT)- គណៈចង្អុលការបង្ការ ប្រឆាំងជំងឺ COVID-១៩ ក្រុងកឹងធើ កាលពីសប្តាហ៍កន្លង បានរៀបចំកិច្ចប្រជុំពិភាក្សា ស្វែងរកដំណោះស្រាយបន្ទាន់ ក្នុងការបង្ការ ប្រឆាំងជំងឺ COVID-១៩។

សមមិត្ត ឡេក្វាងម៉ាញ់ មានប្រសាសន៍ចង្អុលការក្នុងកិច្ចប្រជុំ។

តាមការវាយតម្លៃកម្រិតហានិភ័យនៅក្នុងសេចក្តីសម្រេចចិត្តលេខ ២៦៨៦/QĐ-BCĐQG ក្រុងដែលស្ថិតក្នុងក្រុមហានិភ័យខ្ពស់។ ចាប់ពីថ្ងៃ ២៦ ខែសីហា ដល់ថ្ងៃទី ៣០ ខែសីហា ខណ្ឌ ស្រុកនានា ត្រូវម្ចាស់ការរៀបចំផែនធ្វើតេស្តក្នុងសហគមន៍ សមស្របនឹងស្ថានភាពជាក់ស្តែងនៅតាមភូមិភាគ។ ឆ្លងតាមរយៈនោះ បានរកឃើញករណី F0 ក្នុងសហគមន៍ ៣១ នាក់ និងករណី F0 នៅតំបន់បិទខ្ទប់ ២៤ នាក់។ ខណ្ឌ ស្រុកនានាបានបើក ២០៤/២៩៥ មណ្ឌល ភូមិ កន្លែងបិទខ្ទប់។ល។ ទូទាំងក្រុងចាក់វ៉ាក់សាំងបង្ការបានជាង ២៦០.០០០ ដូស សម្រេច ១០១% នៃចំនួនដូសវ៉ាក់សាំងដែលបានបែងចែក ស្មើនឹង ១៩,១%នៃចំនួនប្រជាជនត្រូវបានចាក់ដូស ទី១ និង១%នៃចំនួនប្រជាជនចាក់ដូសទី ២។ គិតមកដល់ថ្ងៃទី ២៩ ខែសីហា ជាមូលដ្ឋាន ក្រុងបានចែកអង្ករឧបត្ថម្ភរបស់រដ្ឋាភិបាលចំនួន ១.៤០០ តោន ដល់ខណ្ឌ ស្រុកចំនួន ៩ និងមូលដ្ឋានគាំពារសង្គមលក្ខណៈឯកជនចំនួន ៤ ។ ក្រុងបានជូនប្រាក់ឧបត្ថម្ភ ២,៨៥ ពាន់លានដុង ដល់គ្រួសារក្រីក្រនិងគ្រួសារប្រកៀកបន្ទាត់ក្រ ៣.១៦៧ គ្រួសារ។

ស្ថាប័ន អង្គភាពនិងភូមិភាគនានា គប្បីយកចិត្តទុកដាក់ សហការចលនាគិតគូរឧបត្ថម្ភគ្រួសារប្រជាជននៅក្នុងតំបន់បិទខ្ទប់ តំបន់ធ្វើចត្តាឡីស័ក គ្រួសារក្រីក្រ គ្រួសារប្រកៀកបន្ទាត់ក្រ គ្រួសារមានស្ថានភាពលំបាក និស្សិតជួបការលំបាក កងកម្លាំងចូលរួមការងារបង្ការ ប្រឆាំងជំងឺរាតត្បាត ដោយមានមុខទំនិញរួម និងគ្រឿងបរិក្ខារពេទ្យសម្រាប់បម្រើការងារ បង្ការប្រឆាំងជំងឺ COVID-១៩ សរុបជាទឹកប្រាក់រាប់រយពាន់លានដុង…។

រយៈពេលកន្លង បក្ខភាគនិងរដ្ឋអំណាចក្រុងបានម្ចាស់ការកៀរគរកម្លាំងទូទាំងប្រព័ន្ធនយោបាយចូលរួមបង្ការប្រឆាំងជំងឺ COVID-១៩ ។ ក្នុងរយៈពេលអនុវត្តគម្លាតសង្គម ក្រុងប្រឹងប្រែងយ៉ាងពេញទំហឹង ដើម្បីស្វែករក យកសំណាកវិភាគ ធ្វើតេស្ត។ល។ ចំពោះស្ថានភាពជំងឺរាតត្បាតមានការប្រែប្រួលយ៉ាងស្មុគស្មាញ ចំនួនករណីឆ្លងថ្មីជាមធ្យមបានថយចុះគួរឱ្យកត់សម្គាល់ ថ្មីៗនេះ ករណីឆ្លងថ្មី បានរកឃើញក្នុងសហគមន៍ក៏មានសញ្ញាថយចុះ។ ឆ្លងតាមរយៈនោះ បង្ហាញថាការធ្វើតេស្ត ដោយក្របខណ្ឌទូលាយ និងធ្វើតេស្តទីតាំងសំខាន់របស់ក្រុង ជាមូលដ្ឋានសម្រេចបានគោលដៅដាក់ចេញ។

សរុបសេចក្តីក្នុងកិច្ចប្រជុំ សមមិត្ត ឡេក្វាងម៉ាញ់ លេខាគណៈកម្មាធិការបក្សក្រុងកឹងធើ ចង្អុលការ គណៈកម្មាធិការប្រជាជនក្រុង វាយតម្លៃស្ថានភាពជំងឺរាតត្បាត ត្រូវមានការត្រៀមបម្រុងហ្មត់ចត់ រៀបចំផែនការរួមសម្រាប់ពេលក្រោយពីគម្លាតសង្គម។ គណៈកម្មាធិការប្រជាជនក្រុង គប្បីណែនាំឱ្យលម្អិត អំពីការផ្សព្វផ្សាយទម្រង់គ្រប់ឃុំ សង្កាត់ ទីប្រជុំជន គឺជាកំពែងការពារ។ អនុវត្តយ៉ាងម៉ឺងម៉ាត់រក្សាគម្លាត “រឹតបន្តឹង” ក្រុមមុខសញ្ញាណាខ្លះបានអនុញ្ញាតឱ្យធ្វើដំណើរ មានពេលវេលាកំណត់ច្បាស់លាស់។ បច្ចុប្បន្ន ល្បឿនធ្វើតេស្តនៅដំណើរការយឺត គប្បីធ្វើការពន្លឿន។ រៀងរាល់ថ្ងៃ អនុគណៈកម្មការធ្វើតេស្ត ត្រួតពិនិត្យល្បឿន សំបុកជំងឺ ចង្កោមចម្លងថ្មី។ល។ ដើម្បីចង្អុលការយកសំណាកវិភាគ ឱ្យត្រឹមត្រូវចំចំណុចសំខាន់។ ទន្ទឹមនឹងនោះ ជំរុញមាំការផ្សព្វផ្សាយអនុវត្តចាក់វ៉ាក់សាំងបង្ការជំងឺ COVID-១៩ ដើម្បីគ្រប់គ្រងការចាក់ថ្នាំប្រកបដោយលក្ខណៈវិទ្យាសាស្រ្ត។ល។ លេខាគណៈកម្មាធិការបក្សក្រុង គូសបញ្ជាក់អំពីការងារសុខុមាលភាពសង្គមនិងសំណូមពរមន្ទីរ គណៈ ផ្នែក ខណ្ឌ ស្រុក ពិនិត្យឡើងនូវមុខសញ្ញាដែលនៅឆ្លកតាមសេចក្តីសម្រេចលេខ ៦៨ ដើម្បីជំនួយបានទាន់ពេល។ ចំពោះមុខសញ្ញាក្រៅពីសេចក្តីសម្រេចលេខ ៦៨ ក្រុង នឹងដកថវិកាដើម្បីឧបត្ថម្ភនូវស្បៀង និងម្ហូបអាហារ។ ទន្ទឹមនឹងនោះ គណៈឃោសនាអប់រំនៃគណៈកម្មាធិការបក្សក្រុង មន្ទីរព័ត៌មាន និងសារគមនាគមន៍ ម្ចាស់ការផ្តល់ព័ត៌មានទាន់ពេល ច្បាស់លាស់ ដល់ប្រជាជនអំពីទំហំ និងហានិភ័យនៃជំងឺរាតត្បាតលើភូមិសាស្រ្ត ដើម្បីប្រជាជនយល់ច្បាស់ហើយស្របគំនិតក្នុងការបង្ការប្រឆាំងជំងឺ COVID-១៩៕

ហ្វែហ្វា-មុនី

ចែករំលែកអត្ថបទ

ពាក្យគន្លឹះ