១៩ ខេត្ត ក្រុងនៅភាគខាងត្បូង “អ្នកណានៅទីណាគឺនៅទីនោះ” រហូតដល់ ០ ម៉ោង ថ្ងៃទី ១៦ ខែសីហា ឆ្នាំ ២០២១ ។
ក្រុងកឹងធើ ផ្សព្វផ្សាយចាក់វ៉ាក់សាំងបង្ការជំងឺ COVID-១៩ លើកទី ៤ ឆ្នាំ ២០២១ ដោយមានវ៉ាក់សាំងចំនួន ៨៤.២៩០ ដូស និងបម្រុងទទួលប្រជាជនមកពីក្រុងហូជីមិញ និងខេត្តប៊ិញយឿងចំនួន ១.០០០ នាក់ ។
លោក ង្វៀងថាញ់ឡុង រដ្ឋមន្ត្រីក្រសួងសុខាភិបាល ថ្លែងយោបល់ក្នុងឱកាសធ្វើការជាមួយថ្នាក់នាំក្រុងកឹងធើ។ រូប៖ H.HOA
ចំពោះស្ថានភាពនៃការប្រែប្រួលយ៉ាងស្មុគស្មាញនៃជំងឺ COVID-១៩ នាយករដ្ឋមន្ត្រីនៃរដ្ឋាភិបាល បានចេញសារទូរលេខ ១០៦៣/CĐ-TTg ស្តីពីការបង្ការប្រឆាំងជំងឺ COVID-១៩។ នៅក្នុងសារទូរលេខបានលើកឡើងយ៉ាងច្បាស់ ភូមិភាគដែលកំពុងអនុវត្តគម្លាតសង្គមតាមបទបញ្ជាលេខ ១៦/CT-TTg ត្រូវតែអនុវត្តម៉ឺងម៉ាត់ ឯកភាពតាមគោលលំនាំ មានតែអនុវត្តម៉ឺងម៉ាត់ជាង ឆាប់រហ័សជាង សមស្របទៅតាមស្ថានភាពជាក់ស្តែងនៅភូមិភាគ។ ផ្សព្វផ្សាយទូលំទូលាយ ត្រួតពិនិត្យតឹងរ៉ឹង និងអនុវត្តជាបន្ទាន់នូវវិធានការឧបត្ថម្ភចាំបាច់អំពីជីវភាពសុខាភិបាល ដើម្បីប្រជាជនស្ងប់ចិត្ត “អ្នកណានៅទីណាគឺនៅទីនោះ”។ ដាច់ខាតមិនទុកឱ្យប្រជាជនចលនាចេញផុតពីកន្លែងស្នាក់នៅ ក្រោយពីថ្ងៃទី ៣១ ខែកក្កដា រហូតដល់អស់យរៈពេលគម្លាតសង្គម (វៀរលែងតែអ្នកដែលបានរដ្ឋអំណាចអនុញ្ញាត)។ ថ្នាក់ដឹកនាំខេត្ត ក្រុង ទទួលខុសត្រូវចំពោះមុខនាយករដ្ឋមន្ត្រីនៃរដ្ឋាភិបាល បើសិនទុកឱ្យប្រជាជនចលនាចេញផុតពីភូមិភាគខ្លួនតាមចិត្ត។ ចំពោះប្រជាជនដែលបានចលនាចេញផុតពីខេត្ត ចេញដំណើរទៅដល់ភូមិសាស្រ្តខេត្តដទៃ គឺខេត្តដែលជាប់ពាក់ព័ន្ធ ត្រូវតែចាត់តាំងទទួល និងជូនវិលមកភូមិភាគវិញ ធានាសុវត្ថិភាព។ល។ បន្តអនុវត្តវិធានការគម្លាតសង្គមតាមសារាចរលេខ ១៦ បន្ថែម ១៤ ថ្ងៃទៀត (ចាប់ពីថ្ងៃបញ្ចប់គម្លាតសង្គមតាមសារលិខិតលេខ ៩៦៩/TTg- KGVX) ចំពោះខេត្ត ក្រុងនៅក្រោមឱវាទមជ្ឈិមដែលអនុវត្តគម្លាតសង្គម តាមកិច្ចចង្អុលការរបស់នាយករដ្ឋមន្ត្រីនៃរដ្ឋាភិបាល ត្រង់សារលិខិតលេខ ៩៦៩/TTg-KGVX ចុះថ្ងៃទី ១៧ ខែ កក្កដា ឆ្នាំ២០២១។ ចំណែកខេត្តនានា ក្រោយពីបានអនុវត្តគម្លាតសង្គមមួយរយៈ បើសិនគ្រប់គ្រងបានស្ថានភាពជំងឺរាតត្បាត អាចនឹងបន្ធូរបន្ថយគម្លាតសង្គមទៅតាមតំបន់នីមួយៗនៅក្នុងផ្ទៃក្នុងខេត្ត។
អនុវត្តសារទូរលេខដូចពោលខាងលើ មានភូមិភាគជាច្រើន ដូចជា៖ ក្រុងកឹងធើ ខេត្តអាងយ៉ាង ត្រាវិញ បាកលីវ សុកត្រាំង។ល។ ក៏មានសារលិខិតអំពីការពន្យាពេលគម្លាតសង្គមតាមបទបញ្ជាលេខ ១៦ នៅលើភូមិសាស្រ្តផងដែរ។ តាមយោបល់របស់អ្នកឯកទេស បទបញ្ជាលេខ ១៦ ត្រូវបានអនុវត្តយ៉ាងម៉ឺងម៉ាត់ តឹងរុឹងគ្របដណ្ដប់ទ្រង់ទ្រាយតូចបំផុត ដែលអាចធ្វើទៅបាន (រក្សាគម្លាតរវាងមនុស្ស និងមនុស្ស គ្រួសារនិងគ្រួសារ ក្រុមប្រជាជន ក្រុងនិងក្រុមប្រជាជនក្រុង។ល។) ដាច់ខាត ចៀសវាងស្ថានភាព “គ្រាន់តែសន្ធឹងខ្សែយាមនៅក្បាលសងខាង” ចំណែកប្រជាជននៅខាងក្នុង ធ្វើដំណើរទៅមកដោយសេរី។ នេះក៏ជាអំឡុងពេល “មាស” ដើម្បីភូមិភាគនានារឹតបន្តឹងគ្រប់ផ្នែកឡើងវិញ បង្កើនល្បឿនបោសសំអាតតំបន់ផ្ទុះជំងឺ សម្បុកឆ្លងរោគក្នុងសប្តាហ៍ ដំបូងនៃការអនុវត្តគម្លាតសង្គម រកឃើញក្នុងកម្រិតខ្ពស់បំផុតសម្បុកឆ្លងរោគនៅលើភូមិសាស្រ្ត ដាច់ខាតមិនទុកឱ្យកើតសម្បុកឆ្លងរោគថ្មី បង្កើតជាតំបន់សុវត្ថិភាព រឹងមាំ រហ័សបំផុត ដែលអាចធ្វើទៅបាន។
* ក្រសួងសុខាភិបាល និងក្រសួងព័ត៌មាន-សារគមនាគមន៍ ដឹកនាំដោយរដ្ឋមន្ត្រី ង្វៀងថាញ់ឡុង បានអញ្ជើញមកធ្វើការជាមួយនឹងក្រុងកឹងធើ។ នៅក្នុងពេលធ្វើការ រដ្ឋមន្ត្រី ង្វៀងថាញ់ឡុង បានគូសបញ្ជាក់ក្នុងការព្យាបាល កឹងធើគប្បីកសាងប្លូម ៣ កម្រិត។ ឆ្លងតាមរយៈនោះ ករណីដែលគ្មានរោគសញ្ញាលើ ៨០% មិនត្រូវការកម្លាំងសុខាភិបាលច្រើនទេ។ ចំណែកកម្រិតទី ២ ហើយពិសេសគឺកម្រិតទី ៣ ត្រូវកៀរគរកម្លាំងផ្នែកសុខាភិបាលទាំងអស់ ទាំងផ្នែករដ្ឋការនិងឯកជន ត្រូវតាមដានការវិវត្តនៃជំងឺ វិនិច្ឆ័យប្រពោធកម្មសង្គ្រោះបន្ទាន់ទាន់ពេល កាត់បន្ថយការបាត់បង់ជីវិត។ ក្រសួងសុខាភិបាល បានឧបត្ថម្ភកសាងមជ្ឈមណ្ឌល ប្រពោធកម្មសកម្មនៅមន្ទីរពេទ្យពហុព្យាបាលមជ្ឈិមកឹងធើ ដោយទ្រង់ទ្រាយ ២០០ គ្រែ។ ក្រសួងសុខាភិបាលនឹងកសាងមជ្ឈមណ្ឌលប្រពោធកម្មទី ២ នៅតំបន់វាលរាបទន្លេគឺវឡុង ដោយទ្រង់ទ្រាយ ៨០០-១.០០០ គ្រែ ចំណែកធនធានមនុស្សអាស្រ័យមន្ទីរពេទ្យ ១០៣ ទទួលបន្ទុក ក្រសួងសុខាភិបាលនិងកឹងធើ សហការផ្គត់ផ្គង់គ្រឿងសម្ភារៈ។
មជ្ឈមណ្ឌលត្រួតពិនិត្យជំងឺតម្កាត់ក្រុងកឹងធើ (CDC) ចាក់វ៉ាក់សាំងចល័តដល់ពលករនៅក្រុមហ៊ុនចំកាត់សមាជិកមួយកាត់ដេរនីហរ័ណវៀតថាញ់។ រូប៖ H.HOA
* សប្តាហ៍កន្លង ក្រុងកឹងធើ បានផ្សព្វផ្សាយការចាក់វ៉ាក់សាំងលើកទី ៤ នៅលើភូមិសាស្រ្តក្រុង។ ការចាក់វ៉ាក់សាំងលើកទី ៤ នេះ ចាប់ផ្តើមពីថ្ងៃទី ៣០ ខែកក្កដា និងពន្លឿនសម្រេចក្នុងអំឡុងពេលពី ៨ ដល់ ១០ ថ្ងៃ។ ក្រុងកឹងធើ បានរៀបចំទីតាំងចាក់វ៉ាក់សាំង ១៧ កន្លែង នៅតាមសាលារៀន អគារវប្បធម៌ ក្រុមហ៊ុន ដោយមានតុចាក់វ៉ាក់សាំងចំនួន ៦៣ តាមទ្រង់ទ្រាយនៃយុទ្ធនាការ។ ចំនួនវ៉ាក់សាំងដែលក្រសួងសុខាភិបាលបែងចែកដល់ក្រុងសរុប ៨៤.២៩០ ដូស។ មន្ទីរសុខាភិបាលក្រុងកឹងធើ បានកៀរគរមន្ទីរពេទ្យឯកជន មន្ទីរពេទ្យរបស់ក្រសួង ផ្នែកមជ្ឈិម មន្ទីរពេទ្យនគរបាល មន្ទីរពេទ្យយោធា និងនិស្សិតស្ម័គ្រចិត្ត។ល។ ចូលរួមយុទ្ធនាការចាក់វ៉ាក់សាំងបង្ការ។ មុខសញ្ញាត្រូវបានចាក់វ៉ាក់សាំង គឺ៖ បុគ្គលិកសុខាភិបាល កម្លាំងនគរបាល កងទ័ពចូលរួមការបង្ការប្រឆាំងជំងឺ COVID-១៩ មុខសញ្ញាមានពេលវេលាគ្រប់កំណត់ចាក់វ៉ាក់សាំងដូសទី២; ក្រុម COVID សហគមន៍; បុគ្គលិក អ្នកស្ម័គ្រចិត្តនៅតាមទីតាំងត្រួតពិនិត្យសុខាភិបាល កម្មាភិបាល អ្នករដ្ឋការ បុគ្គលិក និងនិយោជិតនៅតាមស្ថាប័ន គណៈ ផ្នែកដែលទំនាក់ទំនងជាមួយមនុស្សច្រើន អ្នកដឹកជញ្ជូនទំនិញសម្ភារៈចាំបាច់ អ្នកដឹកទំនិញ ក្រុមហ៊ុន អាជីវកម្មដឹកជញ្ជូន តាក់ស៊ី កម្មាភិបាល អ្នករដ្ឋការ បុគ្គលិក និងពលករចំណុះគ្រឹះស្ថានអប់រំរដ្ឋនិងឯកជន សាលាមធ្យមសិក្សាឯកទេស អនុមហាវិទ្យាល័យ មហាវិទ្យាល័យ អ្នកមានជំងឺរុាំរ៉ៃ អ្នកមានអាយុពី ៦៥ ឆ្នាំឡើងទៅ ពលករធ្វើការនៅតាមអាជីវកម្ម មណ្ឌលឧស្សាហកម្ម និងអាជីវកម្ម អង្គការបុគ្គលឧបត្ថម្ភក្រុងទិញសម្ភារៈសុខាភិបាល គិតគូរសុខុមាលភាពសង្គម ការបង្ការប្រឆាំងជំងឺរាតត្បាត ក្រុមហ៊ុនឱសថ មណ្ឌលពិនិត្យ ជំងឺឯកជន និងឱសថដ្ឋានជាដើម។
គិតដោយឡែកថ្ងៃទី ៤ ខែសីហា ក្រុងមានវ៉ាក់សាំងបង្ការប្រឆាំងជំងឺ COVID-១៩ បន្ថែមចំនួន ៩២.៣៩០ ដូស។ ក្នុងនោះ អ្នកដែលបានចាក់វ៉ាក់សាំងគ្រប់ ២ ដូសចំនួន ៧.២៤០ នាក់។
* ក្រុងកឹងធើ មានផែនការបម្រុងទៅទទួលប្រជាជនក្រុងកឹងធើប្រមាណ ១.០០០ នាក់ ដែលកំពុងរស់នៅ ធ្វើការ រៀនសូត្រនៅខេត្តប៊ិញយឿង ( ៦០០ នាក់) និងក្រុងហូជីមិញ ( ៤០០ នាក់) មានតម្រូវការចាំបាច់វិលមកស្រុកកំណើត។ ផ្អែកលើស្ថានភាពជំងឺ COVID-១៩ និងវិធានការអនុវត្តគម្លាតសង្គមតាមបទបញ្ជាលេខ ១៦/ CT-TTg របស់នាយករដ្ឋមន្ត្រីនៃរដ្ឋាភិបាល នៅខេត្តប៊ិញយឿង ក្រុងហូជីមិញនិងក្រុងកឹងធើ ចំនួនប្រជាជនបានចុះឈ្មោះវិលមកភូមិភាគ គណៈកម្មាធិការប្រជាជនក្រុងនឹងជូនដំណឹងដោយកំណត់ពេលវេលាច្បាស់លាស់ បញ្ជីរាយនាម កាលវិភាគទទួល និងចាត់តាំងធ្វើចត្តាឡីស័កប្រមូលផ្តុំ៕
ការិយាល័យកាសែតកឹងធើភាសាខ្មែរ-វិមាន
អគ្គនិពន្ធនាយក: ត្រឿងវ៉ាំងច្វៀន អគ្គនិពន្ធនាយករងទទួលបន្ទុកភាសាខ្មែរ: ង្វៀងថាញត្វឹង
លិខិតអនុញាតលេខ៧៨៩/GP-BTTTT អាស្រ័យក្រសួងពត៌មាននិងសារគមនាគមន៍ផ្តល់ថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ ទីក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម : quangcao@baocantho.com.vn
សរសេរច្បាស់ប្រភព"សារព័ត៌មានអេឡិចត្រូនិកកឹងធើ" នៅពេលផ្សាយបន្តពីwebsite នេះ។
អភិវឌ្ឍន៍ដោយ:
ពាក្យគន្លឹះ