សន្តិសុខ - ការពារប្រទេស ការពារប្រទេស

26/07/2021 - 08:41

កងទ័ពការពារព្រំដែនសុកត្រាំង ឧបត្ថម្ភអំណោយដល់គ្រួសារក្រីក្រដែលកំពុងអនុវត្តបទបញ្ជាលេខ ១៦

ប៉ុស្តិ៍ការពារព្រំដែនវិញចូវ កងទ័ពការពារព្រំដែនខេត្តសុកត្រាំង ទើបឧបត្ថម្ភអំណោយចំនួន ៩០ ចំណែក (សម្ភារៈប្រើប្រាស់ចាំបាច់) ដល់គ្រួសារដែលមានស្ថានភាពលំបាកខ្លាំង នៅលើភូមិសាស្រ្តតំបន់ព្រំដែនសមុទ្រ ទីរួមខេត្តវិញចូវ ដែលកំពុងអនុវត្តគម្លាតសង្គមតាមបទបញ្ជាលេខ ១៦ របស់នាយករដ្ឋមន្ត្រីនៃរដ្ឋាភិបាល។ អំណោយមួយចំណែកៗតម្លៃ ២៥០.០០០ ដុង អាស្រ័យកម្មាភិបាល យុទ្ធជនការពារព្រំដែនចលនាសប្បុរសជនរួមវិភាគទាន។

ប៉ុស្តិ៍ការពារព្រំដែនវិញចូវ ប្រគល់អំណោយ ៩០ ចំណែកដល់រដ្ឋអំណាចភូមិភាគ ដើម្បីឧបត្ថម្ភដល់ប្រជាជន។

ទន្ទឹមនឹងនោះ អង្គភាពនៅទាំងជំរុញការឃោសនាដោយទម្រង់ “ឧគ្ឃោសនស័ព្ទការពារព្រំដែន” ដល់ប្រជាជននៅលើភូមិសាស្រ្តអនុវត្តម៉ឺងម៉ាត់ការបង្ការប្រឆាំងជំងឺ COVID-១៩ ពិសេសគឺអនុវត្តឱ្យបានម៉ឺងម៉ាត់នូវបទបញ្ជាលេខ ១៥ និងលេខ ១៦ របស់នាយករដ្ឋមន្ត្រីនៃរដ្ឋាភិបាល ក្នុងការបង្ការប្រឆាំងជំងឺ COVID-១៩ ដើម្បីរួមជាមួយនឹងគណៈកម្មាធិការបក្ស រដ្ឋអំណាចភូមិភាគគ្រប់លំដាប់ថ្នាក់ ច្រានថយជំងឺរាលដាលឱ្យបានឆាប់រហ័ស៕

យ៉ីអាញ-វិមាន

ចែករំលែកអត្ថបទ

ពាក្យគន្លឹះ