សន្តិសុខ - ការពារប្រទេស ការពារប្រទេស

07/06/2021 - 16:53

បង្កើនការបង្ការ ប្រឆាំងការឆ្លងដែនខុសច្បាប់តាមផ្លូវសមុទ្រ

ចំពោះមុខនៃការផ្ទុះឡើងជំងឺ COVID-១៩ កងទ័ពការពារព្រំដែនសុកត្រាំង បានផ្ដុំកម្លាំងផ្សព្វផ្សាយដល់ម្ចាស់ទូកនេសាទ និងអ្នកនេសាទ អនុវត្ត”គ្មាន៣” គឺគ្មានការឆ្លងដែនខុសច្បាប់ គ្មានការលាក់បាំង ចូលដៃចូលជើងនាំអ្នកឆ្លងដែនខុសច្បាប់ និងគ្មានការជូននាំមនុស្សឆ្លងដែនខុសច្បាប់ ដើម្បីបង្ការជំងឺឆ្លងរាលដាល។

កម្មាភិបាល យុទ្ធជនការពារព្រំដែន ផ្សព្វផ្សាយដល់ម្ចាស់កប៉ាល់នេសាទលើផ្ទៃសមុទ្រអំពីការបង្ការ ប្រឆាំងជំងឺ COVID-១៩ និងការឆ្លងដែនខុសច្បាប់។

ខេត្តសុកត្រាំង មានកប៉ាល់នេសាទឆ្ងាយច្រាំងចំនួន ៣៧៣ គ្រឿង ម្ល៉ោះហើយប៉ុស្ដិ៍ការពារព្រំដែននិងកងនាវាចរណ៍លេខ ២ ចំណុះកងទ័ពការពារព្រំដែនសុកត្រាំង បានបើកយុទ្ធនាការព្រមៗគ្នាបំផុសចលនាទូទាំងប្រជាជនចូលរួមបង្ការ ប្រឆាំងជំងឺ COVID- ១៩ និងការឆ្លងដែនខុសច្បាប់នៅតំបន់ព្រំដែន។ កងទ័ពការពារព្រំដែនខេត្ត បានផ្សព្វផ្សាយដល់អ្នកនេសាទ ម្ចាស់ទូក នេសាទ និងប្រធាននាវិកនៃកប៉ាល់នេសាទឆ្ងាយច្រាំង មាមីងនេសាទជិតច្រាំង ចុះកិច្ចសន្យាមិនដឹកមនុស្សនិងបរិហារទង្វើដឹកមនុស្សឆ្លងដែនខុសច្បាប់ ពិសេសគឺឆ្លងតាមផ្លូវសមុទ្រ។ លោកត្រឹងវ៉ាន់សេប នៅភូមិកាង ទីប្រជុំជនត្រឹងដេ ឱ្យដឹង៖ “កងទ័ពការពារព្រំដែនបានមកដល់ផ្ទះ ដើម្បីផ្សព្វផ្សាយដល់មាមីងអ្នកនេសាទលើផ្ទៃសមុទ្រ ត្រូវអនុវត្តម៉ឺងម៉ាត់វិធានការបង្ការ ប្រឆាំងជំងឺ COVID-១៩ និងហាមដាច់ខាតការដឹកមនុស្សឆ្លងដែនខុសច្បាប់ ដើម្បីជៀសវាងជំងឺឆ្លងរាលដាល។ ខ្ញុំបានចុះកិច្ចសន្យាអនុវត្ត ហើយប្រតិបត្តិម៉ឺងម៉ាត់រាល់បទប្បញ្ញតិដែលបានចុះកិច្ចសន្យា”។

កម្មាភិបាល យុទ្ធជនការពារព្រំដែន ចលនាប្រជាជនចុះកិច្ចសន្យាអនុវត្តល្អការងារបង្ការ ប្រឆាំងជំងឺ COVID-១៩ និងការឆ្លងដែនខុសច្បាប់។

វរសេនីយ៍ឯក ឡេវ៉ាន់អាញ់ ស្នងការនយោបាយរងកងទ័ពការពារព្រំដែនសុកត្រាំង ប្រធានគណៈចង្អុលការបង្ការ ប្រឆាំងជំងឺ COVID -១៩ ឱ្យដឹង៖ “រាល់ប៉ុស្ដិ៍ការពារព្រំដែននិងកងនាវាចរណ៍លេខ ២ បានសហការជាមួយនឹងឃុំ សង្កាត់ ទីប្រជុំជនចំនួន ១១ នៅតំបន់ព្រំដែនសមុទ្រ ចាត់តាំងការបំផុសចលនា “ទូទាំងប្រជាជនចូលរួមបង្ការ ប្រឆាំងជំងឺ COVID -១៩ និងការឆ្លងដែនខុសច្បាប់” ព្រមទាំងផ្សព្វផ្សាយដោយរូបភាពជាច្រើន។ មកទល់សព្វថ្ងៃ ចុះផ្សព្វផ្សាយដល់ផ្ទះប្រជាជនជាង ៦.០០០ គ្រួសារ ផ្សព្វផ្សាយតាមប្រព័ន្ធផ្សាយសម្លេងបាន ១០១ ម៉ោង ផ្សព្វផ្សាយដោយរូបភាព”សម្លេងឧគ្ឃោសនស័ព្ទការពារព្រំដែន”បានចំនួន ១៤៣ ម៉ោង។ ចែកចាយខិត្តប័ណ្ណជាង ៧.០០០ សន្លឹកនិងជូនម៉ាស់សុខាភិបាលជាង ៨.០០០ ។ល។ អាស្រ័យប្រជាជនតំបន់ ព្រំដែនមានស្មាតីខ្ពស់ក្នុងការបង្ការ ប្រឆាំងជំងឺ COVID – ១៩ និងការឆ្លងដែនខុសច្បាប់ ក៏បានម្ចាស់ការចុះកិច្ចសន្យាអនុវត្តយ៉ាងល្អ។ មកទល់សព្វថ្ងៃ មាន ៥.៥១០ គ្រួសារចូលរួម ចុះហត្ថលេខាអនុវត្តល្អការបង្ការ ប្រឆាំងជំងឺ COVID – ១៩ និងឆ្លងដែនខុសច្បាប់។ អាស្រ័យហេតុនោះ ខេត្តសុកត្រាំង មិនទាន់កើតមានករណីដឹកមនុស្សឆ្លងដែនខុសច្បាប់តាមផ្លូវសមុទ្រ ដោយការទាក់ទងចូលដៃចូលជើង នឹងទង្វើដឹកមនុស្សឆ្លងដែនខុសច្បាប់”៕

យ្វីអាញ - ថាច់ធី

ចែករំលែកអត្ថបទ

ពាក្យគន្លឹះ