សុខភាព - អប់រំ អប់រំ

24/05/2021 - 14:58

បេក្ខសិស្សកើតជំងឺ COVID-១៩ នឹងបានអាទិភាពទទួលស្គាល់បញ្ចប់កម្រិតវិទ្យាល័យ

លោកម៉ាយវ៉ាន់ត្រិន ប្រធាននាយកដ្ឋានគ្រប់គ្រងគុណភាព (ក្រសួងអប់រំនិងបណ្តុះបណ្តាល) ឱ្យដឹង ចំពោះបេក្ខសិស្សកើតជំងឺ COVID-១៩ ត្រូវសម្រាកព្យាបាល មិនអាចចូលរួមប្រឡង គឺអនុលោមតាមបទប្បញ្ញត្តិជាធរមាន ប្អូនៗនឹងបានអាទិភាពទទួលស្គាល់បញ្ចប់កម្រិតវិទ្យាល័យ។

បេក្ខសិស្សនៅមណ្ឌលប្រឡងវិទ្យាល័យចូវវ៉ាន់ឡីម នាសម័យប្រឡងសញ្ញាប័ត្រវិទ្យាល័យឆ្នាំ ២០២០ ដោះដូរគ្នាពីសមាយោគវិញ្ញាសាវិទ្យាសាស្រ្តធម្មជាតិ។ រូបថត៖ ប៊ិចង៉ុក

ចំពោះការប្រែប្រួលយ៉ាងស្មុគស្មាញនៃជំងឺ COVID-១៩ បច្ចុប្បន្ន មានសិស្សថ្នាក់ទី ១២ មួយចំនួនកើតជំងឺ សិស្សនិងអាណាព្យាបាលសិស្សជាច្រើន មិនច្បាស់ពីវិធានការរបស់ក្រសួងអប់រំនិងបណ្តុះបណ្តាលក្នុងករណីបេក្ខសិស្សមិនអាចចូលរួមប្រឡង។

ដោះស្រាយពីបញ្ហានេះ លោកម៉ាយវ៉ាន់ត្រិន ប្រធាននាយកដ្ឋានគ្រប់គ្រងគុណភាព ឱ្យដឹង ចំពោះបេក្ខសិស្សកើតជំងឺ COVID-១៩ ត្រូវសម្រាកព្យាបាល មិនអាចចូលរួមប្រឡង គឺអនុលោមតាមបទប្បញ្ញត្តិជាធរមាន ប្អូនៗនឹងបានអាទិភាពទទួលស្គាល់បញ្ចប់កម្រិតវិទ្យាល័យ។ ករណីនេះដូចគ្នានឹងករណីពិសេសផ្សេងៗមានដូច៖ គ្រោះថ្នាក់ចរាចរណ៍ ឈឺថ្កាត់ រងការប៉ះពាល់ដោយគ្រោះធម្មជាតិ រោគរាតត្បាត ស្ថានភាពខុសប្រក្រតីផ្សេងៗទៀត មិនអាចចូលរួមប្រឡងបាន បេក្ខសិស្សនឹងបានអាទិភាពទទួលស្គាល់បញ្ចប់កម្រិតវិទ្យាល័យ។

យោងតាមប្រសាសន៍ លោកម៉ាយវ៉ាន់ត្រិន ចំពោះស្ថានភាពជំងឺ COVID-១៩ ដ៏ស្មុគស្មាញ ក្រសួងអប់រំនិងបណ្តុះបណ្តាល បានគិតដល់ការរៀបចំសម័យប្រឡងចំពោះភូមិភាគសុវត្ថិភាព (មិនគម្លាតសង្គម)។ នៅតាមទីតាំងប្រឡង មណ្ឌលប្រឡងនឹងរៀបចំបន្ទប់ប្រឡងសម្រាប់បេក្ខសិស្សស្ថិតក្នុងក្របខ័ណ្ឌ F1, F2, F3។ បេក្ខសិស្សស្ថិតក្នុងក្របខ័ណ្ឌ F1 នឹងបានផ្គត់ផ្គង់សម្លៀកបំពាក់ការពារ រៀបចំបន្ទប់ប្រឡងដោយឡែក។ បេក្ខសិស្សស្ថិតក្នុងក្របខ័ណ្ឌ F2 និងF3 ក៏មានវិធានការសមស្រប និងមានកម្លាំងសុខាភិបាលប្រចាំការដើម្បីសម័យប្រឡងប្រព្រឹត្តទៅដោយសុវត្ថិភាព ម៉ឺងម៉ាត់ ត្រឹមត្រូវតាមលក្ខន្តិកៈ។

ករណីចាំបាច់ ក្រសួងអប់រំនិងបណ្តុះបណ្តាល នឹងសហការជាមួយភូមិភាគរៀបចំបន្ថែមសម័យប្រឡង។ ដើម្បីអនុវត្តវិធីសាស្រ្តនេះ បច្ចុប្បន្នក្រសួងបានម្ចាស់ការបង្កើតធនាគារសំណួរ ធានាទាំងបរិមាណភាពនិងគុណភាព ដើម្បីកសាងវិញ្ញាសាប្រឡងឆ្លើយតបទៅនឹងតម្រូវការរៀបចំសម័យប្រឡងជាច្រើនលើក។

ចំពោះការចេញវិញ្ញាសាប្រឡងឆ្នាំនេះ ប្រធាននាយកដ្ឋានគ្រប់គ្រងគុណភាព ចែករំលែកបន្ថែម៖ ខ្លឹមសារចំណេះដឹងត្រូវបានកាត់បន្ថយ អាស្រ័យការជះឥទ្ធិពលនៃជំងឺ COVID-១៩ មិនបានដាក់បញ្ចូលក្នុងវិញ្ញាសាប្រឡងឆ្នាំនេះ ។ វិញ្ញាសាប្រឡងភាគច្រើនគឺសំណួរជាមូលដ្ឋាន ទន្ទឹមនឹងនោះ ក៏មានសំណួរពិបាកផងដែរ ដើម្បីបែងចែកលទ្ធផលរបស់បេក្ខសិស្ស (ពិសេសគឺចំពោះតំបន់មានពិន្ទុប្រឡងខ្ពស់ ៩ ពិន្ទុ ១០ ពិន្ទុ)។

សាលារៀននីមួយៗ គប្បីច្បាមវិញ្ញាសាប្រឡងដកស្រង់ ដើម្បីធ្វើជាមូលដ្ឋានសម្រាប់ណែនាំសិស្សរំលឹកមេរៀនឡើងវិញ។ ជាមួយនឹងរចនាសម្ព័ន្ធវិញ្ញាសាប្រឡងដកស្រង់ដែលបានប្រកាសលទ្ធផលប្រឡងនៃសម័យប្រឡងសញ្ញាប័ត្រវិទ្យាល័យមិនត្រឹមតែបានប្រើប្រាស់ ដើម្បីពិនិត្យទទួលស្គាល់បញ្ចប់កម្រិតវិទ្យាល័យ វាយតម្លៃគុណភាពអប់រំរបស់ភូមិភាគនីមួយៗប៉ុណ្ណោះទេ ថែមទាំងធ្វើការបែងចែកឱ្យបានល្អលទ្ធផលប្រឡងរបស់ក្រុមបេក្ខសិស្ស ជួយឱ្យការវាយតម្លៃបានត្រឹមត្រូវពីគុណភាពសិក្សារបស់ប្អូនៗ ធ្វើជាមូលដ្ឋាន ដើម្បីសាកលវិទ្យាល័យនានាធ្វើការពិនិត្យជម្រើសសិស្ស៕

យោង៖baocantho.com.vn-មុនី

ចែករំលែកអត្ថបទ

ពាក្យគន្លឹះ