សន្តិសុខ - ការពារប្រទេស ការពារប្រទេស

27/04/2021 - 10:29

សម្ពោធដាក់ឱ្យប្រើប្រាស់ស្ពានកេញង៉ាងញ៉

នគរបាលក្រុងកឹងធើ ទើបប្រារព្ធពិធីសម្ពោធដាក់ឱ្យប្រើប្រាស់ស្ពានកេញង៉ាងញ៉ នៅទីប្រជុំជនកើ-ដ ស្រុកកើ-ដ ក្រុងកឹងធើ។ ស្ពានកេញង៉ាងញ៉ បានកសាងដោយបេតុង មានប្រវែង ៣២ ម៉ែត្រ ទទឹង ៣,៦ ម៉ែត្រ កម្រិតទម្ងន់ចំណុះ ១,៥ តោន សរុបថវិកាកសាងជាង ១ ពាន់លានដុង ក្នុងនោះ នគរបាលក្រុងកឹងធើ ឧបត្ថម្ភជាង ៥០០ លានដុង ភូមិភាគចលនាបានចំនួន ១៥៨លានដុង និងកម្លាំងពលកម្ម ១.៨០០ ថ្ងៃ ស្មើនឹងទឹកប្រាក់៣ ៦០ លានដុង ។ល។

អ្នកតំណាងថតរូបអនុស្សាវរីយ៍ក្នុងពិធីសម្ពោធស្ពានកេញង៉ាងញ៉។

ថ្លែងយោបល់ក្នុងពិធីសម្ពោធ ឧត្តមសនីយ៍ត្រី ង្វៀងវ៉ាន់ធ្វឹង សមាជិកគណៈអចិន្ត្រៃយ៍នៃគណៈកម្មាធិការបក្សក្រុង នាយកនគរបាលក្រុងកឹងធើ ឱ្យដឹង៖ “ប៉ុន្មានឆ្នាំកន្លង គណៈកម្មាធិការបក្ស-ថ្នាក់ដឹកនាំ នគរបាលក្រុង តែងយកចិត្តទុកដាក់ ចង្អុលការដល់កម្លាំងនគរបាលតាមអង្គភាពភូមិភាគនិងអង្គការមហាជននៃនគរបាលក្រុង សកម្មរួមចំណែកចលនាសប្បុរសជន ឧបត្ថម្ភ រៀបចំសកម្មភាពស្ម័គ្រចិត្តដើម្បីសហគមន៍ ពិសេសគឺរៀបចំសកម្មភាពជាក់ស្តែង រួមចំណែកព្រួតដៃគ្នាកសាងជនបទថ្មី ក្រុងស៊ីវិល័យលើភូមិសាស្រ្តក្រុង”។

ក្នុងឱកាសនេះដែរ គណៈកម្មាធិការប្រជាជនស្រុកកើ-ដ បានស្ងើចសរសើរជូនរង្វាន់ដល់សមូហភាព បុគ្គលដែលមានស្នាដៃឆ្នើមក្នុងការកសាងស្ពានគមនាគមន៍ជនបទលើភូមិសាស្រ្ត។ គណៈកម្មាធិការប្រជាជនស្រុក បានជូនអំណោយ ២០ ចំណែក រួមមាន ៖ អង្ករនិងគ្រឿង ឧបភោគបរិភោគមួយចំនួនដល់ជនរួមជាតិខ្មែរក្រីក្រ ២០ គ្រួសារ មានជីវភាពក្រលំបាក នាឱកាសបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ៕

វ៉ាន់ត្រៀង-លីសៀ

ចែករំលែកអត្ថបទ

ពាក្យគន្លឹះ