សន្តិសុខ - ការពារប្រទេស ការពារប្រទេស

02/03/2021 - 16:47

វិធានការធានាសណ្ដាប់ធ្នាប់សុវត្ថិភាពចរាចរណ៍

គណៈកម្មការសុវត្ថិភាពចរាចរណ៍ខេត្តបាកលីវ បានដាក់ចេញនូវវិធានការជាច្រើន ដើម្បីធានាសណ្ដាប់ធ្នាប់សុវត្ថិភាពចរាចរណ៍លើភូមិសាស្រ្តខេត្ត។

កម្លាំងនគរបាលខេត្ត បើកយុទ្ធនាការល្បាត ត្រួតពិនិត្យ ដើម្បីធានាសុវត្ថិភាព
ចរាចរណ៍លើភូមិសាស្រ្ត។

យោងតាមគណៈកម្មការសុវត្ថិភាពចរាចរណ៍ខេត្តបាកលីវ ឆ្នាំ ២០២០ នៅលើភូមិសាស្រ្តខេត្តមានគ្រោះថ្នាក់ចរាចរណ៍ចំនួន ៣៣ ករណី បណ្តាលឱ្យស្លាប់ ២៥ នាក់ រងរបួស ៣១នាក់ ខូចខាតទ្រព្យសម្បត្តិប្រមាណ ១៣៩ លានដុង។ កាត់បន្ថយបាន ៣ ករណី បើប្រៀបនឹងឆ្នាំ ២០១៩ ប៉ុន្តែដល់ខែធ្នូ ចំនួនអ្នកស្លាប់និងរងរបួសកើនឡើងច្រើន។ ក្នុងនោះ ផ្លូវគោកមានគ្រោះថ្នាក់ចរាចរណ៍ដ៏ធ្ងន់ធ្ងរចំនួន ២ ករណី បណ្ដាលឱ្យស្លាប់ ៤ នាក់ និងរងរបួស ៤ នាក់។

លោកផាមវ៉ាន់ទេវ ប្រធានគណៈកម្មាធិការប្រជាជនខេត្តបាកលីវ ឱ្យដឹង៖ “គ្រោះថ្នាក់ចរាចរណ៍ក្នុងខែធ្នូ ឆ្នាំ ២០២០ កើនឡើងយ៉ាងរហ័ស ជះឥទ្ធិពលដល់តួលេខទូទាំងឆ្នាំ។ ដើម្បីធានាសណ្ដាប់ធ្នាប់សុវត្ថិភាពចរាចរណ៍លើភូមិសាស្រ្ត កម្លាំងប៉ូលិសចរាចរណ៍ ធ្វើការត្រួតពិនិត្យចរាចរណ៍ ចាំបាច់ត្រូវចេញប្រតិបត្តិការល្បាត ត្រួតពិនិត្យ វិនិច័្ឆយម៉ឺងម៉ាត់នូវករណីបំពានច្បាប់។ បំផុតគឺមូលហេតុដែលបណ្ដាលឱ្យមានគ្រោះថ្នាក់ចរាចរណ៍ ដូច៖ បំពានកម្រិត អង្សាអាល់កុល សេពគ្រឿងញៀន និងបើកបរលើសល្បឿនកំណត់។ល។ ពិសេស ក្នុងផ្ទៃក្នុង បក្ខជនត្រូវតែគោរពម៉ឺងម៉ាត់នូវអនុក្រឹត្យលេខ ១០០ របស់រដ្ឋាភិបាល ស្តីពីកំណត់ពិន័យរដ្ឋបាលលើវិស័យចរាចរណ៍ផ្លូវគោក និងផ្លូវរថភ្លើង និងដាច់ខាត “បើពិសាគ្រឿងស្រវឹង-សូមកុំបើកបរ” ដើម្បីធានាសុវត្ថិភាព”។

ឆ្នាំកន្លង អនុវត្តអនុក្រឹត្យលេខ ១០០ កម្លាំងប៉ូលិសចរាចរណ៍ បានធ្វើកំណត់ហេតុ ៦១២ ករណី ពិន័យជាទឹកប្រាក់ជាង ៣,៩ ពាន់លានដុង។ ទន្ទឹមនឹងនោះ ដកហូតប័ណ្ណបើកបរចំនួន ៤៩៥ ឃាត់មធ្យោបាយបណ្ដោះអាសន្នចំនួន ៦១២ គ្រឿង។ វរសេនីយ៍ឯក ង៉ោថាញ់ថឹក នាយករងនគរបាលខេត្តបាកលីវ អនុប្រធានគណៈប្រចាំការនៃគណៈកម្មការសុវត្ថិភាពចរាចរណ៍ខេត្តបាកលីវ ឱ្យដឹង៖ “ឆ្នាំ ២០២១ ខេត្តបាកលីវបានដាក់ចេញនូវវិធានការជាក់ស្តែងជាច្រើន ក្នុងការធានាសុវត្ថិភាពចរាចរណ៍ ជាមួយនឹងស្មារតីទទួលខុសត្រូវ និងការប្តេជ្ញាចិត្តខ្ពស់។ ចំណុចសំខាន់ គឺផ្សព្វផ្សាយអនុវត្តមានប្រសិទ្ធភាពនូវបទបញ្ជាលេខ ០៣ របស់នាយករដ្ឋមន្ត្រីនៃរដ្ឋាភិបាល និងអនុក្រឹត្យលេខ ១០០។ បង្កើនការឃោសនា ចលនាប្រជាជន អនុវត្ត “បើពិសាគ្រឿងស្រវឹង-សូមកុំបើកបរ” និងបង្កើនបន្ថែមកម្លាំងនគរបាល បំពេញភារកិច្ចធានាសណ្ដាប់ធ្នាប់សុវត្ថិភាពចរាចរណ៍។ ត្រូវមានការអំណត់ព្យាយាមស្ថាបនាសីលធម៌ ចរាចរណ៍សុវត្ថិភាព និងភាពជិតស្និទ្ធជាមួយនឹងបរិស្ថានដល់ប្រជាជនគ្រប់ជាន់ស្រទាប់”៕

យ្វីអាញ-វិមាន

ចែករំលែកអត្ថបទ

ពាក្យគន្លឹះ