សុខភាព - អប់រំ អប់រំ

05/01/2021 - 08:26

ផុលផុសចលនារៀនសូត្រក្នុងជនរួមជាតិខ្មែរ

ជាច្រើនឆ្នាំកន្លង ចលនា “គ្រួសារ វង្សត្រកូលនិងសហគមន៍រៀនសូត្រ ” នៅខេត្តសុកត្រាំង បានរីកផុលផុសក្នុងនោះ នៅតំបន់ជនរួមជាតិខ្មែរ បានលេចឡើងនូវគំរូគ្រួសារ វង្សត្រកូលនិងសហគមន៍ឆ្នើមៗជាច្រើន។

សមាគមជំរុញការសិក្សាខេត្តសុកត្រាំង ជូនប័ណ្ណសរសើរដល់គ្រួសារ វង្សត្រកូល សហគមន៍ និងអង្គភាពឆ្នើមៗក្នុងចលនារៀនសូត្រ។

គម្រោង “ជំរុញចលនារៀនសូត្រអស់មួយជីវិតក្នុងគ្រួសារ វង្សត្រកូល សហគមន៍ អង្គភាពដល់ឆ្នាំ ២០២០”របស់ខេត្តសុកត្រាំង មានឥទ្ធិពលយ៉ាងសកម្មដល់ការលើកកម្ពស់ស្មារតីយល់ដឹងក្នុងកម្មាភិបាលនិងប្រជាជនក្នុងខេត្ត អំពីការកសាងសង្គមរៀនសូត្រ បង្កលក្ខណៈឱ្យប្រជាជនសិក្សា បង្កើនចំណេះដឹង បំណិននិងកសាងសង្គមរៀនសូត្រជាមួយនឹងសកម្មភាពជាក់ស្តែងជាច្រើន។ គិតមកទល់នឹងបច្ចុប្បន្ន ទូទាំងខេត្តបានទទួលស្គាល់គ្រួសាររៀនសូត្រចំនួន ១១៤.០០០ វង្សត្រកូលរៀនសូត្រចំនួន ៦៨៨ សហគមន៍រៀនសូត្រចំនួន ៥៩៧ និងអង្គភាពរៀនសូត្រចំនួន ៧២២។

តួយ៉ាងដូចគ្រួសារលោកតាំងហ្វាធ្វឹង នៅឃុំថាមដូង ស្រុកមីស្វៀង។ ក្នុងចំណោមកូនទាំង ៤ នាក់របស់លោក គឺមាន ២ នាក់រៀនចប់ថ្នាក់អនុបណ្ឌិត និង ២ នាក់ចប់មហាវិទ្យាល័យ មានការងារធ្វើលំនឹង។ លោកធ្វឹង ឱ្យដឹង៖ “ពីមុន គ្រួសារនៅជួបការលំបាកច្រើន ខ្ញុំនៅតែបង្កលក្ខណៈល្អបំផុតឱ្យកូនៗរៀនសូត្រ ដើម្បីក្លាយជាអ្នកមានវិជ្ជាសម្បត្តិនិងចរិយាសម្បត្តិបម្រើប្រទេសជាតិ។ បច្ចុប្បន្ន ខ្ញុំនៅតែដាស់តឿនកូនចៅឱ្យខំប្រឹងរៀនសូត្រដើម្បីអនាគតបានភ្លឺស្វាង”។ ចំណែកលោកត្រឹងមិញហីវ តំណាងត្រកូលត្រឹង នៅឃុំថើយអាងហោយ ស្រុកកេសាច់ ឱ្យដឹង៖ “ចាប់តាំងពីឆ្នាំ ២០១០ មកទល់នឹងបច្ចុប្បន្ន ត្រកូលត្រឹង បង្កើតមូលនិធិជំរុញការសិក្សាប្រចាំឆ្នាំសម្រាប់ឧបត្ថម្ភដល់សិស្សរៀនគ្រាន់បើ រៀនពូកែ និងសិស្សប្រឡងជាប់មហាវិទ្យាល័យក្នុងវង្សត្រកូល។ នេះគឺដើម្បីលើកទឹកចិត្ត ជំរុញស្មារតីកូនចៅក្នុងវង្សត្រកូលប្រឡងប្រណាំងរៀនសូត្រ។ ហេតុនេះ ក្នុងត្រកូលត្រឹង អ្នកដែលមានកម្រិតវិជ្ជាថ្នាក់បណ្ឌិត អនុបណ្ឌិត និងមហាវិទ្យាល័យចំនួន ៤២ នាក់ កំពុងបំពេញការងារនៅតាមស្ថាប័នបក្ស រដ្ឋ”។

គ្រូបង្រៀនប្រជាជន ឡឹមអែស ប្រធានសមាគមជំរុញការសិក្សាខេត្តសុកត្រាំង ឱ្យដឹង៖ “បច្ចុប្បន្ន ចលនាគ្រួសារ វង្សត្រកូល សហគមន៍និងអង្គភាពរៀនសូត្រកាន់តែមានភាពផុលផុស និងទទួលបានការគាំទ្រយ៉ាងសកម្មរបស់ប្រជាជន ព្រមទាំងបានសង្គមផ្តល់កិត្តិយស។ ជាពិសេស គឺចលនារៀនសូត្រមួយជីវិត បានរីកផុលផុសដល់គ្រួសារនិងគ្រប់ភូមិស្រុក។ បន្តប្រវេណីរបស់គ្រួសារ វង្សត្រកូល ឪពុកម្តាយបានអប់រំដល់ជំនាន់យុវវ័យឱ្យមានការត្រិះរិះ យល់ដឹងអំពីការរៀនសូត្រ ដើម្បីបង្កើនកម្រិតប្រជាបញ្ញា រួមចំណែកធ្វើឱ្យមុខមាត់ភូមិស្រុកមានភាពផ្លាស់ថ្មី”៕

លីធាន-មុនី

ចែករំលែកអត្ថបទ

ពាក្យគន្លឹះ