ព្រឹត្តិការណ៍ - នយោបាយ ព្រឹត្តិការណ៍

14/12/2020 - 15:41

ថវិកា ៤,៤ ពាន់លានដុង បង្កើនសមត្ថភាពដល់សហគមន៍និងកម្មាភិបាលមូលដ្ឋាន

កាម៉ាវ៖ យោងតាមគណៈជនជាតិខេត្តកាម៉ាវ ថវិកាប្រមាណ ៤,៤ ពាន់លានដុង គឺជាប្រភពទុនថវិកាមជ្ឈិម ឧបត្ថម្ភខេត្តកាម៉ាវអនុវត្តអនុគម្រោង ៣ គឺ៖ បង្កើនសមត្ថភាពដល់សហគមន៍និងកម្មាភិបាលមូលដ្ឋាន ចំណុះកម្មវិធី ១៣៥ ដំណាក់កាល ២០១៦-២០២០។

ទិដ្ឋភាពនៃសន្និសីទហ្វឹកហាត់ បំប៉នចំណេះដឹងដល់សហគមន៍និង
កម្មាភិបាលមូលដ្ឋានឆ្នាំ ២០២០ ។

ផ្តើមពីប្រភពដើមទុនខាងលើ គណៈជនជាតិខេត្តកាម៉ាវ បានរៀបចំសម្រេចជាស្ថាពរ ជាង ៤០ លើក សន្និសីទហ្វឹកហាត់ បំប៉នចំណេះដឹងដល់សហគមន៍និងកម្មាភិបាលមូលដ្ឋាននៅតាមឃុំតំបន់ III តំបន់ II ដែលមានភូមិក្រលំបាកខ្លាំងជាច្រើន ដោយមានអ្នកចូលរួមជាង ៤.៤០០ លើកនាក់។ ទន្ទឹមនឹងនោះ គណៈជនជាតិក៏បានរៀបចំក្រុមការងារចំនួន ៥ ទៅរៀនសូត្រ ចែករំលែកបទពិសោធន៍អំពីការងារគ្រប់គ្រង ផ្សព្វផ្សាយអនុវត្តកម្មវិធី ១៣៥ និងចូលរួមទម្រង់ផលិតកម្ម ដែលមានប្រសិទ្ធភាពនៅភូមិភាគមួយចំនួនតំបន់វាលរាបទន្លេគឺវឡុង តំបន់ដុងណាមបូ តីង្វៀន តីបាក់ និងតំបន់ភូមិភាគកណ្តាល។

លោកត្រេវក្វាងឡើយ ប្រធានគណៈជនជាតិខេត្តកាម៉ាវ ឱ្យដឹង៖ សហគមន៍និងកម្មាភិបាលមូលដ្ឋាន នៅតាមឃុំ ភូមិលំបាកខ្លាំង កាន់តែយល់ច្បាស់ពីឋានៈ តួនាទីរបស់ខ្លួនក្នុងការផ្សព្វផ្សាយនិងរៀបចំអនុវត្តនូវកម្មវិធី គោលនយោបាយជនជាតិនិយាយរួម កម្មវិធី ១៣៥ និយាយដោយឡែក។ រាល់ព័ត៌មាន ចំណេះដឹងដែលទទួលបាន បានជួយដល់សហគមន៍ និងកម្មាភិបាលមូលដ្ឋានចូលរួមមានប្រសិទ្ធភាពជាង ក្នុងការកសាងកម្មវិធីការងាររបស់ភូមិភាគ។ ព្រមជាមួយនោះ រៀបចំផ្សព្វផ្សាយ ចលនាប្រជាជនអនុវត្ត; ចូលរួមពិនិត្យ ឃ្លាំមើលការអនុវត្តកម្មវិធី ១៣៥ និងកម្មវិធីគោលនយោបាយជនជាតិដែលពាក់ព័ន្ធ៕

ថាញ់ឡុង-លីសៀ

ចែករំលែកអត្ថបទ

ពាក្យគន្លឹះ