សន្តិសុខ - ការពារប្រទេស ការពារប្រទេស

20/10/2020 - 09:08

ពង្រីកប្រសិទ្ធភាពទម្រង់ “ប្រជាចលនាប៉ិនប្រសប់” អំពីសន្តិសុខសណ្តាប់ធ្នាប់

មានទម្រង់ “ប្រជាចលនាប៉ិនប្រសប់” ជាច្រើនអំពីសន្តិសុខសណ្តាប់ធ្នាប់ ត្រូវបានស្រុកនានានៅក្រុងកឹងធើ ផ្សព្វផ្សាយអនុវត្តនាំមកប្រសិទ្ធភាពជាក់ស្តែង។ ទម្រង់ទាំងនេះបានទាក់ទាញប្រជាជនចូលរួមច្រើនកុះករ រួមចំណែកទប់ស្កាត់ កាត់បន្ថយនូវបទល្មើសនិងបាបគ្រោះសង្គម។

កម្លាំងនគរបាលឃុំតឹងថាញ់ (ស្រុកធើយឡាយ) កំពុងពិនិត្យកាមេរ៉ាដែលបានដំឡើង

នៅលើភូមិសាស្រ្តមួយចំនួន។

រយៈពេលកន្លង ជីវភាពសម្ភារៈ ស្មារតីរបស់ប្រជាជននៅឃុំទ្រឿងស្វឹង B ស្រុកធើយឡាយ ត្រូវបានលើកស្ទួយដោយឥតឈប់ឈរ។ ពូង្វៀងវ៉ាន់ថាវ ប្រជាជនរស់នៅក្នុងភូមិ ឱ្យដឹងដោយក្តីរីករាយ៖ “មុខមាត់ភូមិស្រុកកាន់តែរីកចម្រើនពីមួយថ្ងៃទៅមួយថ្ងៃ ស្ថានភាពសន្តិសុខសណ្តាប់ធ្នាប់ក្នុងភូមិមានភាពលំនឹងជាង”។ ការវិវឌ្ឍជាវិជ្ជមានដូច្នេះ គឺអាស្រ័យការមូលមតិគ្នាជាឯកច្ឆ័ន្ទក្នុងទូទាំងប្រព័ន្ធនយោបាយនិងការសាមគ្គី រួមកម្លាំងគ្នារបស់ប្រជាជនក្នុងការតស៊ូបង្ការប្រឆាំងបទល្មើសនិងបាបគ្រោះសង្គម។ ក្នុងនោះ ទម្រង់“ដងផ្លូវ សន្តិសុខ ភ្លឺ-បៃតង-ស្អាត-ល្អ-សុវត្ថិភាព” ត្រូវបានអនុវត្តនៅភូមិទាំង ២ គឺភូមិទ្រឿងខឿងA និងភូមិទ្រឿងខឿងB ដោយមានប្រវែងសរុបចំនួន ៤.៤០០ ម៉ែត្រ។ ជាពិសេស ឃុំទ្រឿងស្វឹងB ថែមទាំងកសាងនិងបង្កើនគុណភាពទម្រង់បង្ការ ទប់ស្កាត់បទល្មើស ដូច៖ ខ្លោងទ្វារសន្តិសុខសណ្តាប់ធ្នាប់ ក្រុមល្បាតតាមដងព្រែក។ល។ អនុសេនីយ៍ឯក ហូហ្វាយភឿង ប្រធាននគរបាលឃុំទ្រឿងស្វឹងB ឱ្យដឹង៖ “ទម្រង់“ប្រជាចលនាប៉ិនប្រសប់”អំពីសន្តិសុខសណ្តាប់ធ្នាប់ បានពង្រីកប្រសិទ្ធភាពជាវិជ្ជមាន រួមចំណែកក្នុងការទប់ស្កាត់នូវបទល្មើសផ្សេងៗ ធានាសុវត្ថិភាពអាយុជីវិត សុខភាពនិងទ្រព្យសម្បត្តិរបស់ប្រជាជន”។

ការចលនាទូទាំងប្រជាជនការពារសន្តិសុខមាតុភូមិនៅឃុំធើយហ៊ឹង ស្រុកកើ-ដ បានពង្រីកទូលំទូលាយក្នុងសហគមន៍។ ពូត្រឹងវ៉ាន់ខាញ់ នៅឃុំធើយហ៊ឹង ឱ្យដឹង៖ “ប្រជាជនតែងមានការស្រុះស្រួលគំនិតជាមួយរដ្ឋអំណាច និងផ្នែកសមត្ថកិច្ចក្នុងការរក្សាសន្តិសុខសណ្តាប់ធ្នាប់”។ កាលពីមុន ឃុំធើយស្វឹងបានអនុវត្តទម្រង់ក្រុមល្បាតប្រជាជន ខ្លោងទ្វារសន្តិសុខសណ្តាប់ធ្នាប់ កាមេរ៉ាសន្តិសុខ ។ល។ តាមប្រសាសន៍វរសេនីយ៍ទោ ដាវត្រុងហ៊ីវ ប្រធាននគរបាលឃុំធើយហ៊ឹង ទម្រង់កាមេរ៉ាសន្តិសុខ បានពង្រីកប្រសិទ្ធភាពជាក់ស្តែង។ ទម្រង់ឯទៀត មិនទាន់មានប្រសិទ្ធភាពខ្ពស់នៅឡើយ ម្ល៉ោះហើយឃុំកំពុងពិនិត្យ ពង្រឹងនិងបង្កើនគុណភាពដំណើរការ។ វរសេនីយ៍ទោ ដាវត្រុងហ៊ីវ ឱ្យដឹង៖ ការចលនាទូទាំងប្រជាជនការពារសន្តិសុខមាតុភូមិនៅឃុំធើយហ៊ឹង ជាសន្សឹមៗត្រូវបានកើនឡើងផងដែរ។ គ្រប់គណៈ ផ្នែក អង្គការមហាជន នៅភូមិភាគ បានអនុវត្តល្អការងារសម្របសម្រួល ទំនាស់ផ្ទៃក្នុងប្រជាជន តស៊ូកម្ចាត់បាបគ្រោះសង្គម។ល។

រៀងរាល់ឆ្នាំ នគរបាលក្រុងកឹងធើតែងធ្វើការពិនិត្យ ពង្រឹងនិងបង្កើនគុណភាព ពង្រីកទម្រង់គំរូ ជឿនលឿន។ តាមប្រសាសន៍ឧត្តមសេនីយ៍ត្រី ង្វៀនវ៉ាន់ធ្វឹង នាយកនគរបាលក្រុងកឹងធើ ទម្រង់ “ប្រជាចលនាប៉ិនប្រសប់” លើវិស័យសន្តិសុខ សណ្តាប់ធ្នាប់របស់ក្រុង បានពង្រីកប្រសិទ្ធភាពជាវិជ្ជមាន។ ស្ថានភាពសន្តិសុខសណ្តាប់ធ្នាប់លើភូមិសាស្រ្តមានស្ថិរភាព; ការប្តឹងតវ៉ា ក្ដីក្ដាំមាននិន្នាការកាត់បន្ថយ។ ឆ្លងតាមរយៈនោះ ពង្រីកកម្លាំងទូទាំងប្រព័ន្ធនយោបាយនិងទូទាំងប្រជាជន ចូលរួមការពារសន្តិសុខសណ្តាប់ធ្នាប់ រួមចំណែកជំរុញសេដ្ឋកិច្ច-សង្គមនៅភូមិភាគកាន់តែរីកចម្រើនពីមួយថ្ងៃទៅមួយថ្ងៃ៕

ចឹងហ៊ឹង -លីសៀ

ចែករំលែកអត្ថបទ

ពាក្យគន្លឹះ