មហាសាមគ្គីជនជាតិ គំរូក្នុងសហគមន៍

28/09/2020 - 16:40

លើកកម្ពស់ស្មារតីភ្ញាក់រលឹកការពារបរិស្ថានក្នុងការចិញ្ចឹមសត្វ

ទម្រង់ចិញ្ចឹមគោទឹកដោះ និងគោបង្កាត់នៅឃុំធ្វឹងហ៊ឹង ស្រុកមីទូ ខេត្តសុកត្រាំង រីកចម្រើនយ៉ាងខ្លាំង បានរួមចំណែកបង្កើនប្រាក់ចំណូលដល់ប្រជាជន ពិសេសគឺជនរួមជាតិខ្មែរ។ តាមរយៈនោះ ស្មារតីភ្ញាក់រលឹកអំពីការការពារបរិស្ថានក្នុងការចិញ្ចឹមសត្វរបស់ប្រជាជនក៏មានការយល់ដឹងផងដែរ រួមចំណែករក្សាបរិស្ថានបៃតង ស្អាត ល្អ។

ការប្រើប្រាស់ហ្គាសជីវឧស្ម័ន ជួយដល់គ្រួសារបងស្រីហឿង ប្រិតសំចៃបានថវិកា។

បច្ចុប្បន្នទូទាំងឃុំមានគោជាង ២.៥០០ ក្បាល ហើយចំនួនគោទាំងនេះកាន់តែកើនឡើងពីមួយថ្ងៃទៅមួយថ្ងៃ។ ការចិញ្ចឹមគោទឹកដោះនាំមកប្រាក់ចំណូលខ្ពស់ ជួយដល់គ្រួសារជាច្រើនឈានឡើងចាកផុតពីភាពក្រីក្រ ធ្វើមានធ្វើបាន។ ដើម្បីធានាលក្ខឋានបរិស្ថានក្នុងការកសាងជនបទថ្មី រដ្ឋអំណាចនិងអង្គការមហាជន បង្កើនការឃោសនា ផ្សព្វផ្សាយ ច្បាប់ដល់គ្រួសារដែលចិញ្ចឹមសត្វ។ ផ្តើមពីនោះ ប្រជាជនមានស្មារតីភ្ញាក់រលឹកការពារបរិស្ថាន ម្ចាស់ការធ្វើឡជីវឧស្ម័ន ដើម្បីដោះស្រាយជាតិកាកសំណល់មិនបង្ហូរទៅក្នុងបរិស្ថាន។ បងស្រីលីធីង៉ុកហឿង នៅភូមិតាអឹង១ ឱ្យដឹង៖ “ក្នុងភូមិនេះ ចិញ្ចឹមគោទឹកដោះស្ទើរគ្រប់ផ្ទះ ពីព្រោះផ្ដល់ប្រាក់ចំណូលខ្ពស់។ ចាប់ពីថ្ងៃដែលរដ្ឋអំណាចបានចលនាអនុវត្តការពារបរិស្ថានដើម្បីឃុំសម្រេចជនបទថ្មី នាងខ្ញុំបុលប្រាក់ ១២ លានដុងសម្រាប់ធ្វើឡជីវឧស្ម័ន។ ផ្ទះនាងខ្ញុំមានគោទឹកដោះ ១៥ ក្បាល ធ្វើឡជីវឧស្ម័នជួយការពារបរិស្ថានផង និងប្រិតសំចៃថវិកាទិញហ្គាសផង ដោយប្រើហ្គាសជីវឧស្ម័នសម្រាប់ដាំស្ល”។ ពូឡឹមមី នៅភូមិតាអឹង ២ ឱ្យដឹង៖ “ផ្ទះខ្ញុំមានគោទឹកដោះ ៥ ក្បាល ប្រសិនបើបង្ហូរចេញទៅបរិស្ថាននោះនឹងធុំក្លិនកខ្វក់ ប៉ះពាល់ដល់សុខភាពមាមីងជុំវិញជាមិនខាន។ កាលពីឆ្នាំ ២០១៦ មានគម្រោងជំនួយដើមទុន ខ្ញុំបានបុលប្រាក់ធ្វើឡជីវឧស្ម័ន។ ចាប់ពីពេលនោះមក ឃើញថាគ្រួសារខ្ញុំប្រើហ្គាសជីវឧស្ម័ន មិនបាច់បង់លុយទិញហ្គាសដូចពីមុនទៀត។ ចំណែកលាមកគោយកទៅផ្អាប់ធ្វើជាជីកំប៉ុស្ត ឬក៏ហាលស្ងួតសម្រាប់លក់”។

គ្រួសារចិញ្ចឹមគោទឹកដោះស្ទើរតែទាំងអស់នៅធ្វឹងហ៊ឹង តែងវិនិយោគធ្វើឡជីវឧស្ម័ន។

លោកឡឹមស៊ឹង ប្រធានគណៈកម្មាធិការប្រជាជនឃុំធ្វឹងហ៊ឹង ឱ្យដឹង៖ “ទន្ទឹមនឹងការផ្សព្វផ្សាយចលនា មន្ទីរធនធាននិងបរិស្ថានខេត្ត មានគម្រោងឧបត្ថម្ភដល់គ្រួសារដែលចិញ្ចឹមគោ បុលទុនអនុគ្រោះសម្រាប់ធ្វើឡជីវឧស្ម័ន (មធ្យមភាគ ១២ លានដុងក្នុងមួយគ្រួសារ) អាទិភាពដល់គ្រួសារមាមីងខ្មែរ។ មកទល់ពេលនេះ មាមីងឯទៀតដែលចិញ្ចឹមគោទឹកដោះក៏បានវិនិយោគធ្វើឡជីវឧស្ម័ន រួមចំណែកជួយភូមិភាគសម្រេចលក្ខឋាន ១៧ នៃការកសាងជនបទថ្មី”៕

យ្វីអាញ់-លីសៀ

ចែករំលែកអត្ថបទ

ពាក្យគន្លឹះ