ព្រឹត្តិការណ៍ - នយោបាយ ព្រឹត្តិការណ៍

14/09/2020 - 09:21

បើកបវេសនកាលឆ្នាំសិក្សាថ្មី ប្រព្រឹត្តទៅយ៉ាងឱឡារិក សុវត្ថិភាព

កាលពីថ្ងៃទី ៥ ខែកញ្ញា ឆ្នាំ ២០២០ រួមជាមួយទូទាំងប្រទេស ភូមិភាគតំបន់វាលរាបទន្លេគឺវឡុង បានរៀបចំបើកបវេសនកាលឆ្នាំសិក្សាថ្មី ២០២០-២០២១។ ស្ថិតក្នុងបរិយាកាសដ៏ឱឡារិកនេះ តំណាងរដ្ឋអំណាចភូមិភាគបានអានលិខិតរបស់អគ្គលេខា ប្រធានរដ្ឋ ង្វៀនភូត្រុង ផ្ញើជូនផ្នែកអប់រំនាឱកាសបើកបវេសនកាលឆ្នាំសិក្សាថ្មី។

សមមិត្តត្រឹងក្វឹកទ្រុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុង ប្រធានគណៈប្រតិភូតំណាងរដ្ឋសភាក្រុងកឹងធើ ជូនអំណោយដល់សិស្សានុសិស្សមានជីវភាពក្រលំបាក។ រូបថត៖ ប៊ិតង៉ុក

ព្រះឧបជ្ឈាយ៍ ថាច់សុខសាន្ត នាយកសាលាមធ្យមសិក្សាបាលី-ខ្មែរត្រាវិញ ទូងស្គរបើកបវេសនកាលឆ្នាំសិក្សាថ្មី។ រូបថត៖ ស៊ឺនម៉ាល័យ

លោកយឿងសាខា ប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង ទូងស្គរបើកបវេសនកាលឆ្នាំសិក្សាថ្មី នៅសាលាមធ្យមសិក្សាបំពេញវិជ្ជាបាលីណាមបូសុកត្រាំង។ រូបថត៖ លីធាន

ឆ្នាំសិក្សាថ្មី នៅតាមសាលាតំបន់វាលរាបប្តេជ្ញាចិត្តសម្រេចជាស្ថាពរនូវបទបញ្ជាលេខ ៦៦៦/CT-BGĐT ឆ្នាំ ២០២០ ស្តីពីភារកិច្ចនិងដំណោះស្រាយឆ្នាំសិក្សា ២០២០-២០២១ របស់ក្រសួងអប់រំនិងបណ្តុះបណ្តាល ដើម្បីលើកកម្ពស់គុណភាព និងធ្វើវិក្រឹតកងជួរគ្រូបង្រៀន ជំរុញមាំការរៀបចំណាត់ថ្នាក់និងអនុវត្តម្ចាស់ការចំពោះមូលដ្ឋានអប់រំនានា; អភិវឌ្ឍន៍ប្រភពធនធានមនុស្ស ពិសេសគឺប្រភពធនធានមនុស្សគុណភាពខ្ពស់; បង្កើនរាល់ប្រភពវិនិយោគសម្រាប់ការអប់រំនិងបណ្តុះបណ្តាល អនុវត្តល្អនូវកម្មវិធីអប់រំចំណេះទូទៅថ្មី។ល។

នាឱកាសនេះ មានអង្គការនិងបុគ្គលជាច្រើនបានជូនអំណោយ និងអាហារូបករណ៍ដល់សិស្សមានជីវភាពក្រលំបាកផងដែរ៕

ង៉ុក-ធាន-ល័យ-លីសៀ

ចែករំលែកអត្ថបទ

ពាក្យគន្លឹះ