ព្រឹត្តិការណ៍ - នយោបាយ ព្រឹត្តិការណ៍

04/05/2020 - 15:40

នាយករដ្ឋមន្ត្រី ង្វៀនស្វឹនភុក៖

ប្រធានគណៈកម្មាធិការប្រជាជនខេត្ត ក្រុង ទទួលខុសត្រូវទាំងស្រុងក្នុងការរៀបចំប្រឡងបញ្ចប់កម្រិតមធ្យមសិក្សាចំណេះទូទៅឆ្នាំ ២០២០

នាសម័យប្រជុំប្រចាំការនៃរដ្ឋាភិបាល ស្ដីពីការបង្ការទប់ស្កាត់ជំងឺCovid-១៩ កាលពីរសៀលថ្ងៃ ២២ ខែមេសា នាយករដ្ឋមន្ត្រី បានឯកភាពលើវិធានការរៀបចំប្រឡងបញ្ចប់កម្រិតមធ្យមសិក្សាចំណេះទូទៅឆ្នាំ ២០២០ (ជំនួសឱ្យការប្រឡងមធ្យមសិក្សាចំណេះទូទៅថ្នាក់ជាតិដូចរាល់ឆ្នាំ)។ នាយករដ្ឋមន្ត្រីនៃរដ្ឋាភិបាល ង្វៀនស្វឹនភុក សង្កត់ធ្ងន់ ប្រធានគណៈកម្មាធិការប្រជាជនខេត្ត ក្រុង ទទួលខុសត្រូវទាំងអស់ក្នុងការរៀបចំពិធីប្រឡងនេះ។

នាយករដ្ឋមន្ត្រី ង្វៀនស្វឹនភុក ថ្លែងបិទសម័យប្រជុំប្រចាំការរដ្ឋាភិបាល

នៅរសៀលថ្ងៃ២២ ខែមេសា។

នាយករដ្ឋមន្ត្រី ឯកភាពលើរបាយការណ៍ ស្ដីពីវិធានការប្រឡងរបស់ក្រសួងអប់រំ និងបណ្ដុះបណ្ដាល រួមជាមួយនឹងសេចក្ដីថ្លែងការណ៍ក្នុងសម័យប្រជុំរបស់ឧបនាយករដ្ឋមន្រ្តី វ៉ូវឌឹកដាម និងប្រធានគណៈកម្មាធិការវប្បធម៌អប់រំយុវជន និងកុមារនៃរដ្ឋសភា ផាងថាញប៊ិញ អំពីបញ្ហានេះ។ នាយករដ្ឋមន្រ្តី ក៏បានសំណូមពរដល់ក្រសួងអប់រំនិងបណ្ដុះបណ្ដាល ចេញប្រកាសនូវលក្ខន្តិកៈឱ្យបានឆាប់ ព្រមទាំងណែនាំកិច្ចការប្រឡងកម្រិតមធ្យមសិក្សាចំណេះទូទៅ ក៏ដូចជាការពិនិត្យជ្រើសរើសចូលរៀនមហាវិទ្យាល័យ អនុមហាវិទ្យាល័យ។ ក្នុងនោះ ផ្ដោតអារម្មណ៍ចំពោះការងារមួយចំនួន ដូចជា ក្រសួងចេញវិញ្ញាសាប្រឡងដោយផ្អែកលើស្មារតីមិនដាក់សំនួរបែបបំភាន់ រៀនអីប្រឡងហ្នឹង តែត្រូវបង្កើនគុណភាព។

ក្រសួងអប់រំនិងបណ្ដុះបណ្ដាល ចេញប្រកាសនូវលក្ខន្តិកៈច្បាស់លាស់ដើម្បីអនុវត្តទូទាំងប្រទេសឱ្យបានម៉ត់ចត់ រៀបរយ សុវត្ថិភាព ក្នុងនោះ មានទាំងការងារដែលក្រសួងអប់រំ និងបណ្ដុះបណ្ដាល ត្រូវរៀបចំធ្វើអធិការកិច្ច ត្រួតពិនិត្យការងារប្រឡងនៅតាមភូមិភាគ មិនគប្បីប្រហែសធ្វេស។

នាយករដ្ឋមន្រ្តី សំណូមពរ ផ្នែកអប់រំ និងបណ្ដុះបណ្ដាល រៀបចំឱ្យសិស្សចូលរៀនឡើងវិញប្រកបដោយសុវត្ថិភាព យកចិត្តទុកដាក់ ក្នុងនោះ គប្បីពង្រីកការសិក្សាតាមប្រព័ន្ធ និងទូរទស្សន៍ ដ្បិតរយៈពេលកន្លង ឃើញថាទទួលបានជោគជ័យល្អ។ "ពីព្រោះរយៈពេលសិក្សា ក្នុងឆមាសទី២នៅតិច ម្ល៉ោះហើយខ្លឹមសារនៃការសិក្សាទាមទារផ្នែកអប់រំត្រូវគិតគូរថ្លឹងថ្លែងនូវចំណុចសំខាន់ គន្លឹះ"- នាយករដ្ឋមន្រ្តី បានចង្អុលការដូច្នេះ។

នាយករដ្ឋមន្រ្តី ក៏សង្កត់ធ្ងន់ គប្បីធានា បង្ការទប់ស្កាត់ជំងឺឆ្លងក្នុងរយៈពេលរៀបចំពិធីប្រឡង៕

យោងតាម: មជ្ឈមណ្ឌលព័ត៌មានអប់រំ - ប្រែសម្រួលៈ ពេជ្រសឿន

ចែករំលែកអត្ថបទ

ពាក្យគន្លឹះ