មហាសាមគ្គីជនជាតិ គំរូក្នុងសហគមន៍

08/04/2020 - 09:44

អស់ពីចិត្តនឹងការងារអភិវឌ្ឍតំបន់ជនរួមជាតិខ្មែរ

លោកឡឹមថាញ់ហ៊ុង ប្រធានការិយាល័យជនជាតិស្រុកឡុងមី។

ទោះបីបម្រើការងារនៅវិស័យណាក៏ដោយ លោកឡឹមថាញ់ហ៊ុង ប្រធានការិយាល័យជនជាតិស្រុកឡុងមី ខេត្តហូវយ៉ាង តែងអនុវត្តសម្រេចភារកិច្ចដែលប្រគល់ឱ្យ។ ពិសេស ក្នុងការងារគាត់តែងស្រុះស្រួល ខ្នះខ្នែងនិងសាមគ្គីជួយគ្នាអភិវឌ្ឍ ម៉្លោះហើយបានមិត្តរួមអាជីពគោរពរាប់អាន។

ឆ្នាំ១៩៨៥ បន្ទាប់ពីរៀនចប់អនុមហាវិទ្យាល័យគរុកោសល្យនៅខេត្តសុកត្រាំង គាត់បានចាត់មកបង្រៀននៅសាលាបឋមសិក្សា-មធ្យមសិក្សាមូលដ្ឋានលឿងង៉ៀ ស្រុកឡុងមី។ បន្ទាប់ពីបង្រៀនបាន៣ឆ្នាំ គាត់បានតែងតាំងកាន់តំណែងជានាយករង និងក្រោយពីរយៈកាល២ឆ្នាំ កាន់តំណែងជានាយកសាលាបឋមសិក្សា-មធ្យមសិក្សាមូលដ្ឋានលឿងង៉ៀ។ លឿងង៉ៀជាឃុំឋិតនៅតំបន់ឆ្ងាយដាច់ស្រយាលមានជនរួមជាតិខ្មែររស់នៅកុះករ គាត់ចង្អុលការអនុវត្តល្អការងារបំបាត់អនក្ខរកម្ម ធ្វើឧត្តានកម្មរាល់កម្រិត។ ហេតុនោះ ឆ្នាំ២០០៣ ការងារបំបាត់អនក្ខរកម្ម ធ្វើឧត្តានកម្មអប់រំតាមកម្រិតអាយុរបស់ឃុំ ត្រូវបានទទួលស្គាល់ជាការធ្វើឧត្តានកម្មកម្រិតមធ្យមសិក្សាជាតិ។ ឆ្នាំ២០០៥ គាត់បានប្ដូរមកកាន់តំណែងជានាយករងសាលាមធ្យមសិក្សាចំណេះទូទៅជនជាតិអន្តេវាសិកខេត្តហូវយ៉ាង ពេលសាលាទើបបង្កើតថ្មី។

លុះដល់ឆ្នាំ ២០១៥ តាមការចាត់បញ្ជូនរបស់គណៈចាត់តាំង គាត់បានប្តូរមកទទួលតួនាទីជាប្រធានការិយាល័យជនជាតិស្រុកឡុងមី រហូតមកទល់នឹងបច្ចុប្បន្ន។ ផ្តើមពីការងារអប់រំប្តូរមកការងារជនជាតិ សម្រាប់លោកគឺជាដំណាក់ការដ៏លំបាក។ លោកឡឹមថាញ់ហ៊ុង ឱ្យដឹង៖ “ថ្វីដ្បិតខ្ញុំជាជនជាតិខ្មែរ រស់នៅនិងបម្រើការងារយូរអង្វែង ប៉ុន្តែសំខាន់គឺក្នុងវិស័យអប់រំ ពេលប្តូរមកបម្រើការងារជនជាតិ ជាការងារថ្មីថ្មោងទាំងស្រុង។ ហេតុនេះ ខ្ញុំប្តេជ្ញាចិត្តត្រូវតែអនុវត្តល្អការងារ មិនធ្វើឱ្យខកបំណងបក្សនិងប្រជាជនដែលទុកចិត្តប្រគល់ភារកិច្ចឱ្យ”។ ជាមួយនឹងការប្តេជ្ញាចិត្តនោះ គាត់ឆ្លៀតពេលដើម្បីរៀនសូត្រការងារពីមិត្តរួមអាជីព ខិតខំស្រាវជ្រាវឯកសារ សេចក្តីសម្រេចចិត្ត គម្រោងកម្មវិធី គោលនយោបាយជនជាតិដែលត្រូវផ្សព្វផ្សាយលើភូមិសាស្រ្ត។ ទន្ទឹមនឹងនោះ ខ្នះខ្នែងទៅកាន់មូលដ្ឋានដើម្បីក្តោបក្តាប់មតិ គោលបំណងរបស់មាមីងនិងពិនិត្យលទ្ធផលផ្សព្វផ្សាយ អនុវត្តគោលនយោបាយជនជាតិនៅភូមិភាគ។ ផ្តើមពីនោះ ធ្វើសេនាធិការដាក់ជូនគណៈកម្មាធិការប្រជាជនស្រុក ដើម្បីអនុវត្តល្អការងារជនជាតិ រួមចំណែកអភិវឌ្ឍសេដ្ឋកិច្ច-សង្គមនៅតំបន់ជនរួមជាតិខ្មែរ”។

ទន្ទឹមនឹងនោះ គាត់រួមជាមួយមិត្តរួមអាជីព ស្រាវជ្រាវបង្កើតលក្ខន្តិកៈ បែងចែកភារកិច្ចជាក់ស្តែងដល់សមាជិកម្នាក់ៗ និងសកម្មចូលរួមការប្រឡងប្រណាំងរបស់ស្រុកបំផុស។ បងស្រីធីថើម បម្រើការងារនៅការិយាល័យជនជាតិស្រុកឡុងមីជាង១០ឆ្នាំ ឱ្យដឹង៖ “ជាថ្នាក់ដឹកនាំ ប៉ុន្តែលោកហ៊ុង គាត់រួសរាយ ស្និទ្ធសា្នល និងរៀនសូត្រពីមិត្តរួមអាជីពជានិច្ច អ្វីដែលទាក់ទិនដល់ការងារជនជាតិពុំទាន់បញ្រ្ជាប គាត់សាកសួរឱ្យច្បាស់លាស់។ ពិសេស គាត់តែងគោរពការផ្តល់យោបល់ពីមិត្តរួមអាជីព ម៉្លោះហើយបរិស្ថាន ធ្វើការងាយស្រួលណាស់។ ហេតុដូច្នោះ ការិយាល័យជនជាតិ សាមគ្គីគ្នាអនុវត្តសម្រេចភារកិច្ច ចាប់ពីឆ្នាំ២០១៦ មកទល់នឹងបច្ចុប្បន្ន ការិយាល័យជនជាតិតែងសម្រេចបានកិត្តិនាមសមូហភាពពលកម្មឆ្នើម”។

ជាមួយនឹងការរួមចំណែកក្នុងការងារជនជាតិនិងបុព្វហេតុអប់រំតំបន់ជនរួមជាតិខ្មែរ លោកឡឹមថាញ់ហ៊ុង ទទួលបានប័ណ្ណសរសើររបស់គណៈកម្មាធិការប្រជាជនខេត្តជាច្រើនឆ្នាំបន្តបន្ទាប់។ ឆ្នាំ២០១៩ គាត់បានគណៈកម្មាធិការជនជាតិជូនប័ណ្ណសរសើរ ដោយមានស្នាដៃរួមចំណែកយ៉ាងសកម្មក្នុងការងារជនជាតិ ៕

លីធាន-មុនី

ចែករំលែកអត្ថបទ

ពាក្យគន្លឹះ