02/03/2020 - 15:04

កង​ទ័ព​ការ​ពារ​ព្រំ​ដែន​សុក​ត្រាំង​ សកម្ម​បង្ការ​ទប់​ស្កាត់​មេ​រោគ​Covid-១​៩​

បញ្ជា​ការដ្ឋា​ន​កង​ទ័ព​ការ​ពារ​ព្រំ​សដែន​ខេត្ត​សុក​ត្រាំង​ បាន​ចង្អុល​ការ​យ៉ាង​ប្តូរ​ផ្តាច់​ លើ​ការ​ងារ​បង្ការ​ទប់​ស្កាត់​មេ​រោគ​Covid-១​៩​។​ ឆ្លង​តាម​រយៈ​នោះ​ អង្គ​ភាព​នីមួយ​ៗ​ បាន​បង្កើន​ការ​យាម​ល្បាត​ ត្រួត​ពិនិត្យ​នៅ​តាម​កំ​ពង់​ផែ​ទេស​ចរណ៍​ផ្លូវ​ទឹក​ ទន្លេ​ នៅ​តំ​បន់​ព្រំ​ដែន​សមុទ្រ​របស់​ខេត្ត​។​

កម្មា​ភិបាល​ យុទ្ធ​ជន​ប៉ូស្តិ៍​ការ​ពារ​ព្រំ​ដែន​ទ្រុង​ប៊ិញ ចែក​ម៉ាស់​សុខា​ភិបាល​ ដោយ​ឥត​គិត​ថ្លៃ​ដល់​ភ្ញៀវ​ទេស​ចរ​ នៅ​កំ​ពង់​ផែ​ល្បឿន​លឿន​ត្រឹង​ដេ-កូង​ដាវ។​

វរសេនីយ៍​ឯក ឡេវ៉ាន់​អាញ់ ស្នង​ការ​នយោ​បាយ​រង​នៃ​កង​ទ័ព​ការ​ពារ​ព្រំ​ដែន​ខេត្ត​ ប្រ​ធាន​គណ:ចង្អុល​ការ​បង្ការ​ទប់​ស្កាត់​មេ​រោគ​Covid-១​៩​ ឱ្យ​ដឹង​៖ “អង្គ​ភាព​បាន​បង្កើន​វិធាន​ការ​ផ្សព្វ​ផ្សាយ​ដល់​កម្មា​ភិបាល​ យុទ្ធ​ជន​ គ្រួ​សារ​ ញាតិ​មិត្ត​និង​ប្រ​ជា​ជន​លើ​ភូមិ​សាស្រ្ត​ព្រំ​ដែន​យល់​ច្បាស់​ថា​ នេះ​ជា​រោគ​ឆ្លង​រាល​ដាល​ថ្មី​ ប្រ​កប​ដោយ​គ្រោះ​ថ្នាក់​ ឆ្លង​រាល​ដាល​ឆាប់​រហ័ស​ មិន​ទាន់​មាន​ថ្នាំ​ព្យា​បាល​ មាន​អ្នក​ជំងឺ​ជា​ច្រើន​បាន​ស្លាប់​ដោយ​ការ​ឆ្លង​មេ​រោគ​នេះ​ ហានិ​ភ័យ​ផ្ទុះ​ការ​រាល​ដាល​ឆាប់​រហ័ស​។​ល។​ ផ្តើមពីនោះ​ ដាស់​តឿន​ប្រ​ជា​ជន​កាត់​បន្ថយ​ការ​ទំ​នាក់​ទំ​នង​ផ្ទាល់​នឹង​អ្នក​សង្ស័យ​មាន​ឆ្លង​ជំងឺ​ ការ​ពារ​កម្តៅ​រាង​កាយ​ជា​ប្រ​ចាំ​ និង​លាង​ជម្រះ​ដៃ​ដោយ​សាប៊ូ ខ្ពុរ​មាត់​ដោយ​ទឹក​អំ​បិល​។​ល។​ នៅ​ពេល​ដឹង​ថា​ខ្លួន​ឯង​ គ្រួ​សារ​ ញាតិ​មិត្ត​ ឬ​ប្រ​ជា​ជន​តំ​បន់​ព្រំ​ដែន​ មាន​អា​ការៈ​ឆ្លង​មេ​រោគ​Covid-១​៩​ នោះ​ត្រូវ​ផ្តល់​ពត៌​មាន​ភ្លាម​ដល់​បញ្ជា​ការដ្ឋាន​ ឬ​ពេទ្យ​យោ​ធា​ក្នុង​អង្គ​ភាព​ និង​ស្ថា​ប័ន​សមត្ថ​កិច្ច​ ដើម្បី​ពិនិត្យ​ព្យា​បាល​ បំ​បែក​នៅ​ដោយ​ឡែក​ឱ្យ​បាន​ទាន់​ពេល​។​ ទន្ទឹម​នឹង​នោះ​ បង្កើន​ការ​ពិនិត្យ​ក្នុង​ការ​បង្ការ​ទប់​ស្កាត់​ជំងឺ​តាម​អង្គ​ភាព​ ចាត់​ក្រុម​សុខា​ភិបាល​មួយ​ក្រុម​ ត្រៀម​ឧបករណ៍​ពេទ្យ​ចាំ​បាច់​ផ្សេង​ៗ​ ដូច​៖ ម៉ា​ស់ ទឹក​ថ្នាំ​កម្ចាត់​មេ​រោគ​ និង​ឧបករណ៍​សម្លាប់​មេ​រោគ​។​ល។​ ដើម្បី​ផ្តល់​ជូន​អង្គ​ភាព​និង​ប្រ​ជា​ជន​ពេល​ប្រ​ទះ​ឃើញ​មាន​ជំងឺ​ឆ្លង​”។​

កម្មា​ភិបាល​ប៉មត្រួត​ពិនិត្យ​ការ​ពារ​ព្រំ​ដែន​ត្រឹង​ដេ ចែក​ខិត​ប័ណ្ណ​ផ្សព្វ​ផ្សាយ​ពី​ការ​បង្ការ​ទប់​ស្កាត់​មេ​រោគ​ Covid-១​៩​ ដល់​អ្នក​ដំ​ណើរ​តាម​កប៉ា​ល់​។

ជា​មួយ​គោល​លំ​នាំ​ “ម្ចាស់​ការ​ទប់​ស្កាត់​ជំងឺ​ពីចម្ងាយ​” នៅ​កំ​ពង់​ផែ​ទេស​ចរណ៍​ល្បឿន​លឿន​ត្រឹង​ដេ-កូងដាវ​និង​ប៉ូស្តិ៍​ការ​ពារ​ព្រំ​ដែន​ទ្រុង​ប៊ិញ កង​នាវា​ចរណ៍​២​ បាន​ចាត់​កម្មា​ភិបាល​ពេទ្យ​យោធា​បន្ថែម​ ដើម្បី​ត្រៀម​ពិនិត្យ​សុខ​ភាព​ដល់​ភ្ញៀវ​ទេស​ចរ​នៅ​ពេល​មាន​អា​ការៈ​ក្អក​ ក្តៅ​ខ្លួន​ ដើម្បី​ចាត់​វិធាន​ការ​បាន​ទាន់​ពេល​។​ បង​ង្វៀន​សីដាក  បុគ្គ​លិក​កំ​ពង់​ផែ​Superdong ឱ្យដឹង​៖ “ប៉ុន្មាន​ថ្ងៃ​កន្លង​ហើយ​ កម្មា​ភិបាល​ប៉មត្រួត​ពិនិត្យ​ការ​ពារ​ព្រំ​ដែន​ត្រឹង​ដេ និង​ប៉ុស្តិ៍​ការ​ពារ​ព្រំ​ដែន​ទ្រុង​ប៊ិញ បាន​ចែក​ខិត​ប័ណ្ណ​ ផ្សព្វ​ផ្សាយ​ជូន​ភ្ញៀវ​ទេស​ចរ​និង​ប្រ​ជា​ជន​អំ​ពី​រោគ​ឆ្លង​រាល​ដាល​”។​ 

បញ្ជា​ការ​ដ្ឋាន​កង​ទ័ព​ការ​ពារ​ព្រំ​ដែន​សុក​ត្រាំង​ ក៏​បាន​ផ្តល់​ជូន​ម៉ាស់​សុខា​ភិបាល​ដោយ​ឥត​គិត​ថ្លៃ​ជាង​៧​.៥​០​០​ ម៉ាស់ និង​សាប៊ូ​លាង​ដៃ​២​០​០​ដុំ​ ស្រោម​ដៃ​សុខា​ភិបាល​៣​០​០​ និង​ cloraminB ២​០​គ.ក ដល់​គ្រប់​អង្គ​ភាព​និង​ប្រ​ជា​ជន​ ព្រម​ទាំង​ភ្ញៀវ​ទេស​ចរ​ធ្វើ​ដំណើរ​ទៅ​មក​តាម​កប៉ា​ល់​ល្បឿន​លឿន​ នៅ​កំ​ពង់​ផែ​ត្រឹង​ដេ ដើម្បី​ទប់​ស្កាត់​ចៀស​វាង​ការ​ឆ្លង​រាល​ដាល​មេ​រោគ​ Covid-១៩​៕

យ្វីអាញ់-លីសៀ

ចែករំលែកអត្ថបទ