សន្តិសុខ - ការពារប្រទេស ការពារប្រទេស

03/02/2020 - 16:42

រក្សាលំនឹងសន្តិសុខតំបន់ព្រំដែន

ជាមួយនឹងទិសស្លោក "ប៉ុស្តិ៍ជាផ្ទះ ព្រំដែនជាស្រុកកំណើត ជនរួមជាតិភាគតិចជាសាច់ញាតិបងប្អូនបង្កើត" កម្មាភិបាល យុទ្ធជនប៉ុស្តិ៍ការពារព្រំដែនទ្រុងប៊ិញ កងទ័ពការពារព្រំដែនសុកត្រាំង បានអនុវត្តល្អភារកិច្ច។ ឆ្លងតាមរយៈនោះ រួមចំណែកការពាររឹងមាំអធិបតេយ្យ សន្តិសុខតំបន់ព្រំដែនស្រុកត្រឹងដេ។

កម្មាភិបាល យុទ្ធជនប៉ុស្តិ៍ការពារព្រំដែនទ្រុងប៊ិញ ត្រួតពិនិត្យមធ្យោបាយទូកកប៉ាល់ធ្វើនេសាទ។

បោះទ័ពលើភូមិសាស្រ្តឃុំទ្រុងប៊ិញ កម្មាភិបាល យុទ្ធជនប៉ុស្តិ៍ការពារព្រំដែនទ្រុងប៊ិញ បានម្ចាស់ការសហការជាមួយនឹងរដ្ឋអំណាចភូមិភាគ ផ្សព្វផ្សាយនូវកម្មវិធីជាច្រើន ដើម្បីជួយប្រជាជនអភិវឌ្ឍសេដ្ឋកិច្ច លំនឹងជីវភាព។ ទន្ទឹមនឹងនោះ បង្កើនការឃោសនា ចលនាប្រជាជនគោរពតាមសេចក្តីកំណត់នៃច្បាប់ ពង្រីកកម្លាំងសរុបក្នុងការកសាងនិងការពារតំបន់ព្រំដែនសមុទ្រ ធានាសន្តិសុខប្រទេសជាតិ។ អង្គភាពបានសហការកសាងនិងរក្សាមានប្រសិទ្ធភាពនូវចលនាស្វ័យគ្រប់គ្រង៖ "ក្រុមទាញ យកផលសមុទ្រនិងទូកកប៉ាល់ កំពង់ផែសុវត្ថិភាព" "ក្រុមស្វ័យគ្រប់គ្រងសន្តិសុខសណ្តាប់ធ្នាប់តំបន់ព្រំដែន តំបន់សំចតនៃទូកកប៉ាល់" ដោយមានប្រជាជនចូលរួម៩៤៣គ្រួសារ។ ក្រៅពីនោះ ប៉ុស្តិ៍នៅទាំងជំរុញការចលនា "ទូទាំងប្រជាជនចូលរួមការពារអធិបតេយ្យទឹកដី សន្តិសុខព្រំដែនជាតិក្នុងស្ថានភាពថ្មី"ដល់ប្រជាជន។ ឆ្នាំ២០១៩ ប៉ុស្តិ៍ទទួលដំណឹងពីប្រជាជនផ្តល់ជូនបាន១៣៦ដំណឹង ចាប់ឃាត់ខ្លួន និងផ្ដន្ទាទោសមុខសញ្ញា៤រូបពីទង្វើស្តុកទុក ជួញដូរគ្រឿងញៀនខុសច្បាប់ ពិន័យរដ្ឋបាលជាង១១០លានដុង រួមចំណែករក្សាលំនឹងសន្តិសុខសណ្តាប់ធ្នាប់លើភូមិសាស្រ្ត។ លោកង្វៀនថាញ់តឹម ប្រធានគណៈកម្មាធិការប្រជាជនឃុំទ្រុងប៊ិញ ឱ្យដឹង៖ "ប៉ុស្តិ៍ការពារព្រំដែនទ្រុងទ្រុងប៊ិញ តែងធ្វើសេនាធិការដល់រដ្ឋអំណាចភូមិភាគអនុវត្តនូវភារកិច្ចមួយចំនួនអំពីការការពារអធិបតេយ្យ សន្តិសុខសមុទ្រ សហការជាមួយនឹងកម្លាំងនគរបាលឃុំដើម្បីដើរល្បាត ត្រួតពិនិត្យ។ ឆ្លងតាមរយៈនោះ បានរួមចំណែកយ៉ាងច្រើនក្នុងការរក្សាសន្តិសុខនយោបាយ សណ្តាប់ធ្នាប់សុវត្ថិភាពសង្គមនៅភូមិភាគ។ ទន្ទឹមនឹងនោះ ប៉ុស្តិ៍នៅទាំងអនុវត្តប្រកបដោយប្រសិទ្ធភាពនូវកម្មវិធី "ជំរុញដំណើរប្អូនទៅកាន់សាលា" "ចូរធ្វើឱ្យសមុទ្រស្អាត" "ខាប់អង្ករមេត្តាធម៌" ដូចជា៖ ជូនអំណោយដល់គ្រួសារគោលនយោបាយបាន៤២គ្រួសារ ទទួលគាំពារគ្រួសារក្រីក្រគ្មានទីពឹង១គ្រួសារ និងទទួលគាំពារសិស្សក្រីក្រសង្វាតរៀនសូត្រ៦នាក់។ល។ ឆ្លងតាមរយៈនោះ រួមចំណែកយ៉ាងច្រើនក្នុងការបំបាត់ភាពអត់ឃ្លានកាត់បន្ថយភាពក្រីក្រនៅលើភូមិសាស្រ្ត និងបង្កបានការទំនុកចិត្តពីសំណាក់មាមីងនៅតំបន់សមុទ្រ"។

វរសេនីយ៍ទោ ឌាំងហ្វាយភឿង ស្នងការនយោបាយនៃប៉ុស្តិ៍ការពារព្រំដែនទ្រុងប៊ិញ ឱ្យដឹង៖ "ប៉ុស្តិ៍នឹង ជំរុញខ្លាំងក្លាការ "រៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ" និងពាក្យប្រៀនប្រដៅរបស់អ៊ំហូ ចំពោះកងទ័ពការពារព្រំដែន ការចលនា "ពង្រីកប្រវេណី រក្សាក្រឹត្យក្រម រស់នៅមានមេត្តាធម៌ មានស្មារតីទទួលខុសត្រូវខ្ពស់" លត់ដំកម្មាភិបាល យុទ្ធជន មានឆន្ទៈរឹងប៉ឹង ស័ក្តិសមជាទីបង្អែកដ៏រឹងមាំដល់ប្រជាជននៅលើខ្សែបន្ទាប់ព្រំដែនសមុទ្ររបស់ស្រុកត្រឹងដេ"៕

យ្វីអាញ់-វិមាន

ចែករំលែកអត្ថបទ

ពាក្យគន្លឹះ