មហាសាមគ្គីជនជាតិ គំរូក្នុងសហគមន៍

13/08/2019 - 08:47

ទង្វើប្រកបដោយអត្ថន័យរបស់បងយឿងវ៉ាន់ហា

ច្រើនឆ្នាំមកនេះ ជាមួយនឹងទឹកចិត្តសប្បុរសធម៌ចែករំលែកជាមួយនឹងគ្រួសារក្រលំបាក បងយឿងវ៉ាន់ហា នៅភូមិអាងត្រាច ឃុំអាងហ៊ីប ស្រុកចូវថាញ់ ខេត្តសុកត្រាំង បានចំណាយធន់ធានជួយដល់អ្នកក្រីក្រ។ ចំពោះទឹកចិត្តរបស់បងហា តែងបានមាមីងនិងរដ្ឋអំណាចភូមិភាគកោតសរសើរ។

បងយឿងវ៉ាន់ហា (ឈរទី២រាប់ពីស្ដាំ) ប្រគេនឆវយានដល់វត្តកំពង់ត្រប។

ឆ្នាំ២០០៩ ក្រោយពីប្រឡងជាប់សញ្ញាបត្រឯកទេសផ្នែកទន្តសាស្រ្ត បងហាបានធ្វើការនៅ មន្ទីរពេទ្យទន្តសាស្រ្តនៅក្រុងហូជីមិញ ដើម្បីសន្សំបទពិសោធន៍និងបង្កើនប្រាក់ចំណូល សម្រាប់គ្រួសារ។ ឆ្នាំ២០១២ បានមិត្តភក្តិឧទ្ទេសនាម បងហាចុះមកខេត្តសុកត្រាំងបើកមន្ទីរពេទ្យទន្តសាស្រ្តត្រឿងហា នៅភូមិអាងត្រាច ឃុំអាងហ៊ីប។ បងហាឱ្យដឹង៖ “មន្ទីរពេទ្យទន្តសាស្រ្ត ត្រឿងហា សំខាន់គឺដាក់ធ្មេញ អនាម័យធ្មេញ និងប៉ះធ្មេញ។ ដំបូង មន្ទីរពេទ្យទន្តសាស្រ្តមិនសូវមានអ្នកដឹង ប៉ុន្តែអាស្រ័យដាក់ធ្មេញដោយគុណភាពនិងបម្រើការហ្មត់ចត់ ម្ល៉ោះហើយប្រជាជនពីមួយថ្ងៃទៅមួយថ្ងៃកាន់តែមានភាពជឿជាក់។ ផ្ដើមពីនោះ មន្ទីរពេទ្យទន្តសាស្រ្តក៏មានការទាក់ទាញអតិថិជន”។

បងហា ឱ្យដឹង កាលនៅតូច ហេតុតែជីវភាពក្រលំបាក ឪពុកម្តាយសុទ្ធសឹងតែជាអ្នកទៅធ្វើការងារឈ្នួល ម្ល៉ោះហើយបងហាជ្រាប់ច្បាស់អំពីជីវភាពអ្នកក្រ។ ខណៈពេលជីវភាពធូរធារ បងបានពិគ្រោះយោបល់ជាមួយនឹងប្រពន្ធ ឧបត្ថម្ភដល់អ្នកក្រនៅភូមិភាគ។ មុនដំបូង បងពិគ្រោះយោបល់ជាមួយនឹងប្រពន្ធបើកហាងបាយសប្បុរសធម៌ ប៉ុន្តែពិនិត្យឃើញត្រូវការចំណាយប្រាក់ជួលអ្នកធ្វើចុងភៅនិងខាតពេលវេលាយ៉ាងច្រើន។ ចេះតែសញ្ជឹងគិត ទើបបងសម្រេចចិត្តទទួលផ្ចុង ផ្ដើមអង្កររៀងរាល់ខែដល់គ្រួសារក្រីក្រ។ ឆ្នាំ២០១៦ រៀងរាល់ខែ បងហាទទួលផ្ចុងផ្ដើមអង្ករដល់អ្នកក្រចំនួន១៥គ្រួសារ ហើយរៀងរាល់ឆ្នាំកើនចំនួន៥គ្រួសារ។ មកទល់សព្វថ្ងៃ បងហា ទទួលផ្ចុងផ្ដើមអង្ករដល់អ្នកក្រចំនួន៣១គ្រួសារ (ក្នុងនោះ ជនជាតិកិញ៦គ្រួសារជនជាតិខ្មែរ២១គ្រួសារ និងជនជាតិចិន៤គ្រួសារ)។ ក្រៅពីនោះ បងនៅទាំងឧបត្ថម្ភទឹកប្រាក់ដល់គ្រួសារខ្មែរក្រីក្រ ពី៣ដល់៦លានដុងសម្រាប់ជួសជុលផ្ទះសម្បែងទៀតផង។ល។ រៀងរាល់ឆ្នាំ នាឱកាសបុណ្យចូលឆ្នាំ ឬបុណ្យទានផ្សេងៗ បងហាតែងសហការជាមួយនឹងសមាគមកាកបាទក្រហមឃុំអាងហ៊ីប ចាត់តាំងជូនអំណោយសៀវភៅដល់សិស្សក្រីក្រនិងជូនអំណោយដល់អ្នកក្រនៅភូមិភាគ។ ឆ្នាំ២០១៧ បងបានប្រគេនឆវយានមួយគ្រឿងដល់វត្តកំពង់ត្រប គិតជាទឹកប្រាក់ជាង៤០លានដុង។ មីងថាច់ធីអាញ់ នៅភូមិយ៉ុងចួA ឃុំអាងហ៊ីប ឱ្យដឹង៖ “ខ្ញុំអាយុ៦០ឆ្នាំ រស់នៅម្នាក់ឯង គ្មានដីបង្កបង្កើនផល ហើយថែមទាំងមានជំងឺលើសឈាមនិងឈឺសន្លាក់ឆ្អឹង បានជាទៅធ្វើការឈ្នួលពុំបាន។ រយៈពេលជិត៤ឆ្នាំមកនេះ ខែណាក៏ក្មួយហានាំយកអង្ករ ប្រាក់មកជូនដល់ផ្ទះដែរ ហើយឥឡូវនេះនៅថែមទាំងឧបត្ថម្ភជួសជុលផ្ទះ សម្រាប់បាំងភ្លៀងបាំងក្តៅ ម្ល៉ោះហើយខ្ញុំត្រេកអរណាស់។ ចំពោះទឹកចិត្តជួយផ្ចុងផ្ដើមរបស់ក្មួយហា ខ្ញុំចងចាំជានិច្ច”។

បងហាឱ្យដឹងបន្ថែម៖ ខ្ញុំនឹងបើកហាងបាយម្ហូប សាបដោយឥតគិតថ្លៃ សម្រាប់ជួយឧបត្ថម្ភដល់អ្នកក្រីក្រ ជាពិសេសចំពោះជនអ្នកលក់ឆ្នោត កុមារកំព្រា ឱ្យមានកន្លែងហូបចុកស្របអនាម័យ។ ថ្វីបើគ្រួសារខ្ញុំមិនធូរធារណាស់ណាក្តី ប៉ុន្តែខ្ញុំនឹងជួយឧបត្ថម្ភតាមសមត្ថភាពដែលអាចធ្វើបាន មិនទុកឱ្យនរណាម្នាក់ចោលនៅខាងក្រោយឡើយ”។ ផ្ដើមពីទង្វើជាក់ស្ដែងនេះ បងហា ក៏បានប្រធានគណៈកម្មាធិការប្រជាជនស្រុកចូវថាញ់ ជូនប័ណ្ណសរសើរអំពី”រៀនសូត្រនិងធ្វើតាមឧត្តមគតិ សីលធម៌ ឥរិយាបទហូជីមិញ”៕

យ្វីអាញ់ - ថាច់ធី

ចែករំលែកអត្ថបទ

ពាក្យគន្លឹះ