សន្តិសុខ - ការពារប្រទេស ការពារប្រទេស

08/07/2019 - 15:54

ពង្រីកកម្លាំងមហាសាមគ្គីទូទាំងជនជាតិ

ក្នុងរយៈកាល២០ឆ្នាំកន្លង ដោយការយកចិត្តទុកដាក់ដឹកនាំចង្អុលការរបស់គណៈកម្មាធិការបក្សខេត្ត ការបញ្ជាការរបស់គណៈកម្មាធិការបក្ស រដ្ឋអំណាចគ្រប់លំដាប់ កិច្ចសហការស្អិតល្មួតរបស់គណៈ ផ្នែក រណសិរ្សមាតុភូមិ អង្គការនយោបាយសង្គម និងកងកម្លាំងប្រដាប់អាវុធខេត្តសុកត្រាំង បានផ្សព្វផ្សាយនិងអនុវត្តប្រកបដោយប្រសិទ្ធភាពការងារសាសនាលើភូមិសាស្រ្ត។ ឆ្លងតាមរយៈនោះ រួមចំណែកដ៏សំខាន់ក្នុងការរក្សាលំនឹងសន្តិសុខនយោបាយ សណ្តាប់ធ្នាប់ សុវត្ថិភាពសង្គម បង្កើនផែនមហាសាមគ្គីទូទាំងជនជាតិ។

វរសេនីយ៍ឯក ហ្វិញវ៉ាន់យ៉ាង ស្នងការនយោបាយរងនៃបញ្ជាការដ្ឋានយោធាខេត្តសុកត្រាំង ប្រគេនទេយ្យវត្ថុដល់ព្រះសង្ឃវត្តសិរីពោធិព្រឹក្ស (តាអង្គ) ស្រុកមីទូ នាឱកាសបុណ្យចូលឆ្នាំថ្មី។

កងកម្លាំងប្រជាស្វ័យត្រាណ ជួយបោសសម្អាតបរិស្ថានវត្តអូរជុំអារាមព្រែកចេកទីរួមខេត្តង៉ាណាំ ខេត្តសុកត្រាំង។

អនុវត្តជោគជ័យបទបញ្ជាលេខ៣៦ ចុះថ្ងៃទី២៣ ខែកុម្ភៈ ឆ្នាំ១៩៩៩ របស់គណៈអចិន្រ្តៃយ៍នៃគណៈកម្មាធិការបក្សយោធាមជ្ឈិម (បច្ចុប្បន្ន គឺគណៈកម្មាធិការបក្ស យោធាមជ្ឈិម) អំពី"បង្កើនការដឹកនាំ ចង្អុលការកងយោធាអនុវត្តការងារសាសនាក្នុងស្ថានភាពថ្មី" គណៈកម្មាធិការបក្សយោធាខេត្តសុកត្រាំង បានកំណត់ច្បាស់ការងារសាសនាគឺ ជាភារកិច្ចសំខាន់ក្នុងការ អនុវត្តការងារយោធា ការពារភូមិភាគ។ អង្គភាពនានាក្នុងកងកម្លាំងប្រដាប់អាវុធខេត្ត សហការជាមួយនឹងផ្នែក សមត្ថកិច្ចរៀបចំផ្សព្វផ្សាយដល់កម្មាភិបាលយុទ្ធជននិងប្រជាជនអំពីគោលការណ៍របស់បក្ស គោលនយោបាយនិងច្បាប់របស់រដ្ឋ។ ពិសេស រៀបចំផ្សព្វផ្សាយអំពីការងារសាសនាបាន៤៣៧លើក ដោយមានអ្នកចូលរួមចំនួន១០.២៧៥នាក់ ក្នុងនោះ ផ្សព្វផ្សាយផ្ទាល់នៅតំបន់ជនរួមជាតិខ្មែរ ព្រះសង្ឃ អ្នកមុខអ្នកការសាសនា គណៈកម្មការវត្តបាន១៥៦លើក ដោយមានអ្នកចូលរួមចំនួន៨.២៣៨អង្គនិងរូប បំប៉នទ្រឹស្តីការពារប្រទេស សន្តិសុខដល់ព្រះសង្ឃ អ្នកមុខអ្នកការសាសនាបាន១០៣លើក ដោយមានអ្នកចូលរួមប្រមាណ៧.៦៧៥អង្គនិងរូប។ល។ ឆ្លងតាមរយៈនោះ រួមចំណែកលើកកម្ពស់ស្មារតីប្រុងប្រយ័ត្នបដិវត្តន៍ ប្រឆាំង "ការប្រែប្រួលសន្តិភាព" "កុបកម្មរដ្ឋប្រហារ" របស់អានុភាពអមិត្តឆ្លៀតយកបញ្ហាជនជាតិសាសនា បំបែកបំបាក់ចំណងសាមគ្គីរវាងជនជាតិទាំង៣ កិញ-ខ្មែរ-ចិន លើភូមិសាស្រ្តខេត្ត។ ទន្ទឹមនឹងនោះ ក៏បានសហការជាមួយនឹងកងកម្លាំងនគរបាល កងកម្លាំងការពារព្រំដែន ចាត់តាំងដើរល្បាតបាន១៣.៤៦៨លើក ដោយមានសមមិត្តចូលរួមចំនួន៦២.៥៣៣លើកនាក់ រួមចំណែកលំនឹងសន្តិសុខនយោបាយ សណ្តាប់ធ្នាប់ សុវត្ថិភាពសង្គម។

វរសេនីយ៍ឯក ហ្វិញវ៉ាន់យ៉ាង ស្នងការនយោបាយរងនៃបញ្ជាការដ្ឋានយោធាខេត្តសុកត្រាំង ឲ្យដឹង៖ "គណៈកម្មាធិការបក្សយោធាខេត្តសុកត្រាំង នឹងបន្តការសហការជាមួយនឹងគណៈផ្នែកគ្រប់លំដាប់ថ្នាក់ក្នុងខេត្តនិងភូមិភាគជំរុញខ្លាំងក្លាការផ្សព្វផ្សាយ បញ្រ្ជាបនូវគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋអំពីការងារសាសនា ដល់គ្រប់កម្មាភិបាល បក្ខជន និងប្រជាជនអ្នកកាន់សាសនា ខ្នះខ្នែងចលនាជនរួមជាតិអនុវត្តល្អការចលនាប្រឡងប្រណាំងស្នេហាជាតិ រស់នៅ "ប្រតិបត្តិល្អការងារសាសនា អនុវត្តល្អការងារសង្គម" កសាងផែនមហាសាមគ្គីទូទាំងជនជាតិ កសាងផ្នត់រស់នៅថ្មីនៅតំបន់តាំងទីលំនៅ"៕

យ្វីអាញ់-មុនី

ចែករំលែកអត្ថបទ

ពាក្យគន្លឹះ